2024年04月14日
春
あぎじゃびよ〜い、い〜なな〜、4ぐゎちなとぅ〜ん。
3ぐゎちや、あってんぐゎ〜に、過ぎてぃね〜らん。
な〜んかい、咲ちゅ〜る、花、ま〜だ、ぬして〜かんくとぅ、遅くなたしが、ちゅう、ぬし〜るくとぅんかいさん。
まじぇ〜、スイセンぬ花から。
くとしんの〜、3種類ぬ、スイセン。
画像3が、ラッパスイセン。
画像4が、ダブルスイセン。
画像5が、花ぬ真ん中ぬ色がちげ〜いし。
【訳】あちゃー!
もう4月に入ってしまった。
3月はあっという間に過ぎてしまった。
庭に咲いている花を未だ載せてなかったので、今日載せる事にした。
まず先に水仙の花から。
今年のは3種類のスイセンだ。
画像3が、ラッパスイセン。
画像4が、ダブルスイセン。
画像5が、ラージカップスイセン
あんし、サマースノーフレイク (そして、サマースノーフレイク)
芝桜(Phlox)
パンジー
キャンディータフト
蘭(家の中)
桜
記事作成:2024年 令和6年4月14日(日)
ナシュビル 6:23 晴れ 56°F/13℃
2024年03月05日
ボーナス
ボーナスが、いっちゃくとぅ、め〜から、ふっさたる、炊飯器とぅ、湯沸かし魔法瓶(んでぃるゐ〜がや〜?)、こ〜たん。
うちな〜ぬ、実家んかい、け〜いるたんびに、うぬ、湯沸かし器魔法瓶が、ふっさぬんでぃいち、ちゃあ、うみとぅ〜たん。
あんしが、電気湯沸かし器があくとぅんでぃち、こ〜て〜かんたん。
なまわ〜け〜、湯〜が必要なとぅきに、うぬ、湯沸かし器、棚からいんじゃち、みじいってぃ、湯〜がが沸ちゅるわ〜き、待っち、約10分。
あんすくとぅ、ひてぃみてぃや、ちゃあ、しぐ〜つくらり〜る、コーヒーびっけ〜、ぬどぅ〜たん。
湯沸かし器ちけ〜ぃせ〜、お茶漬けが、いっぺ〜、かみ〜ぶくなたるとぅき。
やしが、なま〜、湯〜ん、茶〜ん、ぬみ〜ぶはるとぅきに、しぐ〜ぬまり〜ん。
便利やし、たしかいっさ〜。
また、炊飯器ん、め〜ちかとぅ〜たしゆ〜か〜、に〜たるとぅきぬ、いるが、しるはんね〜すん。
きぬうぬ、むんや、ま〜はたん。
【訳】ボーナスが入ったので、以前から欲しかった炊飯器と湯沸かし魔法瓶(と言うのだろうか?)を買った。
沖縄の実家に帰る度に、この湯沸かし魔法瓶が欲しいといつも思っていた。
のだが、電気湯沸かし器があるからと断念。
今までは、お湯が必要な時にその電気湯沸かし器を棚から取り出し、水を入れ、お湯が沸く迄待つ事約10分。
なので朝はいつも手っ取り早く作れるコーヒーだけを飲んでいた。
湯沸かし器を使うのは、よっぽどお茶漬けが食べたくなった時。
でも今はお湯も、お茶も飲みたい時にすぐに飲める。
便利で助かる。
それに、炊飯器も前回のより炊き上がりの色が白い気がする。
昨日のご飯は美味しかった。
記事作成:2024年 令和6年3月5日(火)
ナシュビル 7:35 雨 60°F/16℃
2024年02月21日
粋な計らい
先月、ディーンぬ、み〜っくゎが、あってんぐゎ〜に、事故し、け〜ま〜ちゃん。
わった〜や、葬式んかい、いんじ〜るたみに、数日、フロリダんかい、いんじっちゃん。
うりからけ〜ってぃっちから、真向かいぬ、み〜とぅんだから、お悔やみカード、いたん。
うぬカードんかいや、$50ぬ、ギフトカードん、まじゅいいっちゅ〜たん。
ぬ〜がうれ〜? ぬ〜んでぃち?
んでぃ、意味くじんわからんふ〜じ〜、ちらす〜たれ〜、説明しとぅらすたん。
「うりし、み〜っくゎぬ、メモリアルツリー、こ〜れ〜」
んどぅるくとぅ。
あ〜っ、け〜忘しとぅ〜たん!
やさっ、うれ〜、いっぺ〜、いいじんぶんやさっ。
あんいい〜ね〜、ディーンぬ、おかあが、け〜ま〜ちゃるとぅきん、メモリアルツリーとぅし、桜ぬ木〜、わぃ〜たっさ〜。
み〜っくゎんの〜、ぬ〜ん木〜んかいすがや〜?
【訳】先月、ディーンの甥っ子が突然の事故で亡くなった。
私達は葬儀に参列する為、数日フロリダに行ってきた。
旅から帰って来たのち、うちの真向かいの夫婦からお悔やみカードを頂いた。
それに$50のギフトカードも添えられていた。
何これ? なぜ?
と困惑する私達に説明してくれた。
「これで甥っ子さんのメモリアルツリーを買って下さい」
との事。
あ〜、すっかり忘れていた。
そうだ、それは良いアイデアだ。
そう言えば、義母が亡くなった時もメモリアルツリーとして桜の木を植えたんだった。
甥っ子の木は何にしようかな?
記事作成:2024年 令和6年 2月21日(火)
ナシュビル 6:00 晴れ 36°F/2℃
Posted by ゆぐりはいから〜 at
21:01
│Comments(0)
2024年02月15日
ハッピーバレンタインズデー
ハッピーバレンタインズ!
ちゅうや、マイアミ。
きぬ〜や、ナシュビルうてぃ、レイオーバーやたくとぅ、ちゅうぬ、してぃみてぃ、ディーンから、チョコレート、いたん。
あんし、フライトん中うてぃん、乗客から、てぃ〜ち、いたん(2番み〜ぬ、写真)。
に〜ふぇ〜で〜びる!
【訳】今日はマイアミレイオーバー。
昨日はナシュビルにてレイオーバーだったので、今日の朝ディーンからチョコレートを頂いた。
そしてフライトの中でもお客様から一個いただいた。
ありがとうございました〜 src="https://cdn.jsdelivr.net/gh/twitter/twemoji@14.0.2/assets/72x72/1f647-200d-2640-fe0f.png" style="width: 22px; height: 22px; vertical-align: sub;">
記事作成:2024年 令和6年 2月14日(水)
マイアミ 21:21 晴れ 69°F/20℃
Posted by ゆぐりはいから〜 at
11:21
│Comments(0)
2024年02月13日
プラズマ献血
ミズーリ州んかい、すどぅ〜る、どぅしから、「ちゅう、プラズマぬ、献血しっちゃんど〜」んどぅる、知らしがいっちゃん。
ぬ〜がうれ〜?
んどぅしが、わんぬ、最初ぬ、反応。
「プラズマ」んどぅる、くとぅばや、コロナぬとぅきに、ゆ〜ちちゃくとぅ、なんとなく、ぬ〜んかい、ちけ〜らり〜んどぅせ〜、理解す〜る、ちむいやしが、普通ぬ、献血ね〜し、すんで〜分からんたん。
ぬ〜やてぃん、血〜ぬ中かいや、白血球(1%)、赤血球(44%)、プラズマ(55%)あてぃ、うぬプラズマびっけ〜抜きとぅってぃ、白血球とぅ、赤血球や、献血者ぬどぅ〜んかい、むどぅすんどぅるくとぅ。
へ〜い!
採血さる血〜、うん場〜うてぃ、どぅんかい、むどぅすんば〜?
ぬんがら、うとぅるはっさ〜んでぃ、うみたん。
わんね〜、ぬ〜ん分からんくとぅ、うんどぅしんかい、ありくりちち、Webサイトし、いひぐゎ〜、しらびてぃんちゃん。
プラズマや、うす〜、麦茶ふ〜じ〜ぬ色す〜んでぃがら。
しかだせ〜、くぬプラズマ献血や月に8回わ〜きないんでぃがら(うんしな〜な〜?)。
プラズマや、とぅらってぃん、がんじゅ〜んっちょ〜、2、3日し、またどぅ〜ん中んかい、作らり〜んでぃがら。
あんし、な〜ひん、しかだせ〜、うぬ献血するたびに、じん、いらり~るふ〜じ。
場所にゆてぃ、ちげ〜ぃるふ〜じやしが、くぬ、どぅしんに〜うて〜、8回し〜ね〜合計$750、いらり〜んんでぃ。
「8回はんね〜、じの〜いららんば〜らるい?」んでぃ、ちちゃれ〜、あね〜あらんぐとぅ〜、献血者登録、オンラインしし〜ね〜、デビットカードがうくらってぃっち(やたがら、一回み〜、うわたるあとぅに、いたがらやたるはじ、忘してぃね〜らんしが)、うりんかい、献血後にうぬ口座んかい入金はり〜る仕組みんかい、なとぅ〜るふ〜じ。
州とぅか、施設んかいゆて〜、合計金額$900とるか、$1000ぬとぅくまんあんでぃがら。
因みに、わんがすどぅ〜る、ナシュビルんに〜、しらびたれ〜、合計$800んでぃ、いんじとぅ~ん。
献血者ぬ条件や、まじ健康やるくとぅ、18歳以上、体重110ポンド(50キロ)以上ね〜すん。
プラズマんでぃ〜せ〜、難病んっちゅんちゃ〜んかい、いっぺ〜役んかい、たちゅるふ〜じやくとぅ、健康なうっちゅんちゃ〜ぬ、献血者が、ふぃ〜ね〜しむしがや〜んでぃ、うみ〜ん。
【訳】ミズーリ州に住む友人から、「今日、プラズマ献血してきたよ」との知らせが来た。
なにそれ?
と言うのが私の最初の反応であった。
「プラズマ」という言葉は、コロナの時によく聞いていたので、なんとなく何に使われるのかは理解しているつもりだが、普通の献血のようにするものだとは知らなかった。
なんでも血液は白血球(1%)、赤血球(44%)、プラズマ(55%)、形成されており、そのプラズマを抜き取り白血球と赤血球は献血者の体に戻すのだとか。
ふ〜ん。。。
採血した血をその場で戻す。。。?
なんだか怖いな〜。
取り敢えず、この友人に色々話を聞いたりWebサイトでちょっと調べてみた。
抜き取られたプラズマの色は、薄い麦茶のような色をしているのだそうだ。
驚いたのは、このプラズマ献血は月に8回も出来るんだとか(そんなに?)。
プラズマは抜き取られても、健康な人なら2、3日で体内に又作られるんだそうだ。
そしてもっと驚いたのは、この献血をするとお金が貰えると言う事。
場所にもよるが、友人の行った所では8回献血をすると合計$750貰えるという事だった。
「8回しないとお金は貰えないの?」と聞いたら、そうではなく、献血者登録をオンラインで済ませ、その後にデビットカードが家に送られて来て(だったか一回めにその場で貰ったかどっちだったかは忘れたが)、その口座にに献血後に入金される仕組みになってるんだそうだ。
州や施設によって合計金額は異なり、$900とか$1、000の所もあるらしい。
因みに私の住むナシュビル近郊を調べると、合計$800と出ている。
献血者の条件は、まずは健康であること。
そして18歳以上、体重110ポンド(50キロ)以上というのが挙げられている。
プラズマ献血は、難病の方達を助ける為のもの。
健康な人達の献血者が増えていって欲しいと願うばかりだ。
2024年 令和6年 2月12日(月)
シカゴ 23:30 曇り34°F/1℃
2024年02月11日
2024年2月10日(土)旧正月/新年会
ちゅうや、ナシュビル近郊んかい、すどぅ〜る、うちな〜んちゅが、あちまてぃ、旧しょうぐゎちとぅ、新年会やたん。
ちゅいんぬくらん、手作りぬ、むん、むちゆてぃ、ポットラックやたん。
むる、どぅくん、ま〜はぬ、かみ〜すぎたん。
あ〜ちゅ〜先輩(写真ぬしちゃ、真ん中)とぅ、そろばんぬ、しんし〜、マリちゃん(写真ぬ、わぃ〜、ひじゃい)や、ユーチューブし独学し、さんしん弾ちとぅらすたん。
なれ〜はじみてぃ、一年とぅ6ヶ月んでぃがら。
やしが、娘ジントヨー、てぃんさぐぬ花、かちゃ〜し〜ぬ、唐船ど〜いん、よんな〜るやたしが、弾ち〜なてぃ、いっぺ〜、しかだん。
わんにん、おと〜からいたる、さんしんや、あしが、全然、弾ち〜はんくとぅ、くぬ機会に、又、練習しんじゅがや〜?
んでぃ、あびたれ〜、「ナシュビル支部ぬ、三線クラブ作ら」んでぃ。
と〜あんしぇ〜、わんにん、真剣に、しんじゅがや〜?んでぃ、うみたん。
おと〜が、いちちゅ〜るうちに、ならとぅ〜け〜やたっさ〜。
わんにん、あちゃから、ユーチューブし、練習開始しわるやっさ〜。
【訳】今日は、ナシュビル近郊に住む沖縄県人が集まり、旧正月/新年会を祝った。
それぞれ、手作りの料理を持ち寄りのポットラック形式。
全てが美味しくて食べすぎた。
あ〜ちゅ〜先輩(上の写真、下真ん中)と、そろばんの先生マリ(上の写真上左側)ちゃんは、ユーチューブで三味線を学び、それを披露してくれた。
独学1年と、たったの6ヶ月だとか。
なのに、娘ジントヨー、てぃんさぐぬ花、かちゃ〜し〜で弾かれる唐船どういも、ゆっくりではあるが弾けるようになり驚いた。
私も父から頂いた三味線はあるが全然弾けないので、この機会に又練習をしてみようかな〜?
と言うと、「ナシュビル支部の三味線クラブを作ろうよ〜」との事。
じゃあ、私も真剣にやってみようかな?
父が生きてる間に習っておけば良かったと後悔した。
私も明日からユーチューブを見ながら練習しよーっと!
記事作成:2024年 令和6年 2月10日(土)23:59
ナシュビル 雨
2024年01月10日
737-9 Max 機
くとぅしや、とぅしが、あきてぃ、しぐ〜、やな〜ニュースびっけ〜やっさ〜。
なまね〜、アミリカぬ、アラスカ航空機ぬ、737−9MAXが、1500フィート、上空うてぃ、機体ぬ、パネルが、吹きとぅばはったんどぅる、ニュースが、舞いくでぃっちゃん。
ニュースや、しぐ〜、穴ぬあちゅ〜る、飛行機ぬ中ぬ映像やたくとぅ、どぅまんぎたん。
ぬ、ぬ〜がうきたるば〜が?
信じららん光景んかい、いちぬだん。
運良く、乗客や、むる、席んかい、ひらきてぃ、シートベルト、しみとぅ〜たくとぅ、犠牲者が、いんじ〜るくとぅんね〜らん、難、まぬが〜たん。
JALぬ事故んでぃいい、うぬトラブルうてぃ、死者が、いんじらんたるくとぅや、奇跡んでぃうみ〜ん。
じゅんに、ゆかった。
不幸中ぬ幸いやさ。
やしが、うりがあたくとぅ、アミリカぬ全航空会社んかい、FAA(Federal Aviation Administration=アメリカ連邦航空局)から、おんなじ、737−9型機ぬ、一時運行停止ぬ指示がいんじたん。
詳細や、あびららんしが、わんが、はたらちゅ〜る会社んかいん、同じ型ぬ飛行機、て〜まい、むっちゅ〜くとぅ、うぬ、飛行機ぬキャンセルが、あまくまうてぃ、いんじとぅ〜ん。
わった〜会社や、なま、フライトぬスケジュール調整すんでぃち、で〜じね〜すん。
アラスカ航空機ぬ、所為し、うぬ皺寄せが、むるん会社んかい、ま〜てぃっちゃん、でぃゐ〜ね〜、あんやがら、分からんしが、うぬお陰し、くぬ機体ぬ、安全確認する機会が、あたゐらったん。
まが〜事故んかい、ないるめ〜に、い〜ちきらったる、一時運行停止ぬ指令や、有り難はん。
わんね〜んでぃゐ〜ね〜、くんぐゎちや、トリップぬスケジュールが、てぃ〜ちん、いっちゅ〜かんくとぅ、ま〜だ、や〜んかい、うん。
ベースぬ、シカゴんかい、コミュートすせ〜、な〜いひぐゎ〜、まっちから、すがや〜?
それとも、あちゃ、いんじ、ぬんがら、ピックアップすがや〜?
迷いどころやっさ〜。
ナシュビルや、ちゅうや、あみ。
シカゴや、午後から雪降いんでぃがら。。。。
【訳】今年は年明けと共に暗いニュースばっかりだ。
今度はアメリカのアラスカ航空機の737ー9MAXが1500フィート上空で機体のパネルが吹き飛ばされるというニュースが舞い込んできた。
ニュースでは、いきなり穴の開いた飛行機の中の映像が流れたので驚いた。
な、何が起こったの?
信じられない光景に息を呑んだ。
運よく乗客は全員着席しており、シートベルトを締めていたので犠牲者が出る事なく難を免れた。
JALの事故機といい、このトラブルでも死者が出なかった事は奇跡だと思う。
本当に良かった。
不幸中の幸いだ。
しかし、これをきっかけに全米の航空会社に対し、FAA(Federal Aviation Administration=アメリカ連邦航空局)より、同じ737-9型機の一時運行停止の指示が出た。
詳細は言えないが、弊社でも同機は数多く使用しておりその飛行機のキャンセルが相次いでいる。
弊社は、今フライトスケジュールの調整を急いでいる。
アラスカ航空の所為でその皺寄せが各社に回って来たと言われればその通りかも知れないが、そのお陰でその機体の安全確認をする機会が与えられた。
大きな事故になる前に命じられた一時運行停止の指令は有り難い。
私はと言うと、今月はトリップのスケジュールが入ってないので未だ家にいる。
ベースであるシカゴにコミュートするのは、もう少し待ってからにしようかな?
それとも明日行って何かピックアップすべきだろうか?
迷うところだ。
今日のナシュビルは雨。
シカゴは午後から雪が降るらしい。。。
記事投稿:2024年 令和6年1月9日(火)
ナシュビル 10:02 雨 50°F/10℃
2024年01月03日
2024年 令和6年1月3日(水)
挨拶が遅れましたが、明けまして、おめでとうございます。
2023年の大晦日は地元のパーティー先で新年を迎え、元旦にご挨拶をと思っていたところに能登半島の地震のニュースが舞い込んできました。
何とご挨拶すれば良いか迷ってるうちに、今度はJAL機と被災地へ向かう海上保安庁の飛行機事故のニュース。
ただ驚くばかりです。
この度の震災と飛行機事故でお亡くなりになった皆様のご急逝を悼み、謹んでお悔やみ申し上げます。
被災地ではまだ停電が続いているとの事。
1日も早い復興を心よりお祈り致します。
2023年の大晦日は地元のパーティー先で新年を迎え、元旦にご挨拶をと思っていたところに能登半島の地震のニュースが舞い込んできました。
何とご挨拶すれば良いか迷ってるうちに、今度はJAL機と被災地へ向かう海上保安庁の飛行機事故のニュース。
ただ驚くばかりです。
この度の震災と飛行機事故でお亡くなりになった皆様のご急逝を悼み、謹んでお悔やみ申し上げます。
被災地ではまだ停電が続いているとの事。
1日も早い復興を心よりお祈り致します。
Posted by ゆぐりはいから〜 at
17:37
│Comments(0)
2023年12月31日
ゴジラ マイナス ワン
きぬ〜、ゴジラ、いんちっちゃん。
感想や、素直に、「いっぺ〜、ぅむっさたん」。
久しぶりに「な〜一回、いんじ〜ぶはん」リストんかい、い〜るあたい、ぅむっさたん。
歴史とぅ、ドラマ、サイエンス・フィクションが、繰りくまってぃうてぃ、あんしから、日本語し上映。
吹き替えや、はって〜うらんぐとぅ〜、英語や字幕んかいなとぅ〜ん。
わんね〜、うりんで〜分からんぐとぅ〜いんじゃしが、ディーンとぅ、ドゥシんちゃ〜や、分かとぅ〜たるふ〜じ。
正直なとぅくる、わんね〜、字幕付きぬ、海外映画や、苦手やくとぅ、ヨーロッパんむんとぅか、韓国、中国映画や吹き替え、あらんね〜、いんだん。
やしが、さすが映画好きぬ、うっちゅんちゃ〜や、字幕付きやてぃん、夢中んかいなてぃ、いんだり〜んね〜すん。
むるぬ、感想ん「想像〜す〜たしゆ〜か〜、ぅむっさたん」んでぃ、あびとぅ〜ん。
あとぅから、レビュー、ゆだれ〜、日本人ぬ、厳しいレビューと〜ちがてぃ、アミリカーぬ、レビューや、ふとぅんどぅが、いちち星やん。
日本人や、じゅんに、厳しいやっさ〜。。。
わんね〜、映画ぬゑ〜だぐゎ〜に、「うまんかい、ウルトラマンが、いんじてぃ、ち〜ね〜、な〜ひん、ぅむっさくないるむんぬや〜」んでぃ、うみて〜し〜し〜さん。笑
ゐ〜ゐ〜、あんし〜ね〜、映画ぬ、タイトルが「ウルトラマン」んかい、なてぃ、ゴジラぬ存在が、薄くないぎは〜やくとぅ、うぬまま〜し、しむん。
あとぅ、ちゅが、ゴジラ、と〜するシナリオん、かわてぃ、ちゅ〜はい、やでぃん。
てぃ〜ちびっけ〜、残念やたせ〜、ディーンが、最近うび〜たる、「Kaijyuー(怪獣)」んどぅる、くとぅばが、いんじてぃく~んたるくとぅ。
映画ぬ中うて〜、「怪獣」やあらんぐとぅ〜、「怪物」んどぅる、くとぅばが、ちか〜っとぅ〜たん。
「や〜が、うび〜たる、あぬ、くとぅばが、ちかり〜るはじど〜」んでぃ、あびて〜たくとぅて〜。あはは〜
【訳】昨日、ゴジラを観てきた。
感想は、素直に「とても良かった」。
久しぶりに「もう一度観たい」リストに入る程、良かった。
歴史とドラマ、サイエンス・フィクションが繰り込まれており、しかも日本語での上映。
吹き替えはされておらず、英語は字幕になっている。
私はそれを知らずに行ったのだが、ディーンと友人達は知っていたらしい。
正直、私は字幕付きの海外映画は苦手なのでヨーロッパ、韓国や中国映画は吹き替えでなければ見ない。
が、さすが映画好きの人達は字幕付きでも夢中に観れるもんだ。
皆の感想も「想像以上に面白かった」と言っている。
あとでレビューを読んだのだが、日本人の厳しいレビューに対し、アメリカ人のレビューは殆どが5つ星だ。
日本人はホント厳しいな~。。。
私は、映画の途中「ここにウルトラマンが出てきてくれればもっと面白いのに。。。」思った。
いやいや、そうすると映画のタイトルが「ウルトラマン」になってしまってゴジラの存在が薄くなりそうだだから今のままで良い。
それに人間がゴジラと戦うシナリオも変わってくるだろう。
一つだけ残念だったのは、ディーンが最近覚えた「Kaijyu(怪獣)」という言葉が出てこなかった事。笑
映画の中では「怪獣」ではなく「怪物」という言葉が使われていた。
「あなたが覚えたあの言葉が、聞けるわよ~」って言ってあったのにぃ~。あはは
とうとう、2023ねぬん、最後ぬ日〜が、いっちゃん。
一年、振りけ〜ぃね〜、いるんなくとぅが、あたっさ〜。
ね〜んなたるぬち、うまりてぃっちゃるぬち、失敗とぅ後悔、感動とぅ、み〜だら、発見とぅ、うどぅるきぬ、一年やたん。
令和ん、な〜6ねぬんかい、ししむんでぃす〜ん。
わん人、ちむ、いりけ〜てぃ、新年、いんけ〜らんね〜ならんさ〜んでぃ、うみ〜ん。
と〜あんしぇ〜、ぐすよ〜、いい、とぅし、いんけ〜てぃとぅらしみそ〜り。
【訳】とうとう、2023年も、最後の日がやってきた。
一年を振り返ると色んな出来事があった。
失われた命、新たに誕生した命、失敗や後悔、感動と涙、発見と驚きの一年だった。
令和ももう6年に進もうとしている。
私も心を入れ替えて、新年を迎えたいと思う。
では皆様、良いお年をお迎え下さい。
記事作成:2023年 令和5年 12月31日(日)
ナシュビル 5:45 曇り 33°F/1℃
2023年12月29日
2023年12月まとめ
あげっ、くとぅしん、な〜ひぐゎ〜し、うわいっさ〜。
な〜、クリスマスん、過ぎたん。
で〜じなとぅ〜ん(ぬ〜が、で〜じがら分からんしが)。
くんぐゎちや、バケーション(有給休暇)が10日間あたくとぅ、月はじめにドミニカ共和国ぬプンタカナんかい、4泊5日し、いんじっちゃん。
ドミニカ共和国や、カリブ海んかいあてぃ、島ぬいり〜はらぬ3分の1がハイチ共和国し、うぬとぅないぬ3分の2〜が、ドミニカ共和国やいび〜ん。
島や、キューバとぅ、プエルトリコぬ、ゑ〜だんかいあん。
ホテルや、オールインクルーシブやたくとぅ、最高!
んでぃ、うみとぅ〜たしが、ひてぃみてぃから、ゆるわ〜き、暴飲暴食が、ちぢち、な〜ひん長くういね〜、確実に、どぅ〜やんとぅ〜たるはじ。
ゆんね〜すんね〜、や〜んかい、け〜てぃ、体重測たれ〜だぁ〜、5ポンドん、ふぃ〜とぅ〜せ〜や〜。
は〜な〜、ありから、体重や、全然変わらんど〜や〜。
自業自得やさ。
やしが、ぅむっさやあたん。
【訳】ぅわっ、今年ももうすぐ終わってしまう。
もうクリスマスも過ぎてしまった。
やばい!
今月はバケーション(有給休暇)が10日間貰えたので、月初にドミニカ共和国のプンタカナに4泊5日間行ってきた。
ドミニカ共和国は、カリブ海にあり島の西側3分の1がハイチ共和国で、その隣国3分の2がドミニカ共和国だ。
島はキューバとプエルトリコの間にある。
オールインクルーシブホテルだったので最高!
と思っていたが、朝から晩まで暴飲暴食が続き、もっと長くいたら確実に体を壊していたに違いない。
案の定、帰宅後に体重を測ってみたら5ポンドも増えていた。
あれから全然体重が変わらない。
自業自得だ。
でも楽しかった。
うぬつげ〜、ディーンぬ、誕生日。
65んかいなたん。
うぬ日〜や、ディーンが、ゆ〜いちゅるバーんかい、いんじ、うまぬ常連さんた〜が、祝てぃ、とぅらちゃん。
あんし、うぬな〜あちゃや、どぅしぐゎ〜ぬ、に〜びち。
うんちゅんちゃ〜ぬ、幸せ、いたん。
やしが、うれ〜しむしが、な〜あちゃ、へ〜くな〜、うきららんたくとぅ、うちな〜うてぃ、開催はっとぅ〜る、中学校ぬ還暦同窓会んかい、ライン参加(Zoom) ならんたん。
は〜な〜、悔しいやっさ〜。
やしが、あとぅから、写真とぅか動画が、うくらってぃっちゃくとぅ、なちかはる、ちら、いんじ〜がち〜な〜、中学ぬくる、うみ〜ぃんじゃするくとぅがなたん。
【訳】その次は、ディーンのお誕生日。
65歳になった。
その日は行きつけのバーに行き、常連さん達が祝ってくれた。
そして翌日の15日は友人の結婚式。
幸せをシェアしてもらった。
のは良いが、後日、朝寝坊をしてしまい、沖縄での我が中学校の還暦同窓会にライン参加(zoom)する事が出来なかった。
嗚呼、悔しい。
でも、その後に写真や動画が送られてきたので、懐かしい顔ぶれを見ながら中学の頃を思す事が出来た。
クリスマスめ〜ね〜、わじゃんかい、いんじ〜るちむいやたしが、どぅくん、てぃんちが上等なてぃ、きおぬん、華氏50度、60度台し、12ぐゎちんかいし〜ね〜、ぬくはる日〜が、ちぢちゃくとぅ、球根うぃ〜るくとぅんかいさん。
【訳】クリスマス前に仕事に出るつもりだったが、あまりにも天気が良く、気温も華氏50度、60度台と12月にしては暖かい日が続いたので、球根植えをする事にした。
来春、花が咲くのが楽しみ。
クリスマスや、生憎ぬあみ。
やたしが、ゆさんでぃから、はりたん。
ゆるや、アイちゃんた〜んかい、ゆばっとぅ〜たくとぅ、あまうてぃ、くゎっち〜かでぃっちゃん。
写真や、しちゃ。
メインコースや、写真とぅいわしりたん。
【訳】クリスマスは生憎の雨。
でも夕方から晴れてくれた。
夜はアイちゃんちに招待されてたので、そこでお食事。
メインコースは写真を撮り忘れた。
くとぅしぬ年末や、ま〜だ雪や降て〜かん。
くずんかい、くらび〜ね〜、ぬくはる日〜が、ちぢちゅ〜ん。
くれ〜、グローバルウォーミングぬ、影響らがや〜?
んでぃち、過去ぬ日記とぅか、ブログ、チェックしんちゃれ〜、2016年や、な〜ひん、ぬくはたんね〜すん。
【訳】今年末は未だ雪が降ってない。
去年に比べると暖かい日が続いている。
これはグローバルウォーミングの影響だろうか?
と過去の日記やブログをチェックしてみると、2016年はもっと暖かかったようだ。
あ〜っ、ま〜だ、球根が、ぬくとぅ〜ん。
2024ねぬんかい、むちくしやっさ〜。
【訳】あ~、まだ球根が残っている。
2024年に持ち越しだ~。
記事作成:2023年 令和5年 12月29日(金)
ナシュビル 5:12 曇り 35°F/2℃
な〜、クリスマスん、過ぎたん。
で〜じなとぅ〜ん(ぬ〜が、で〜じがら分からんしが)。
くんぐゎちや、バケーション(有給休暇)が10日間あたくとぅ、月はじめにドミニカ共和国ぬプンタカナんかい、4泊5日し、いんじっちゃん。
ドミニカ共和国や、カリブ海んかいあてぃ、島ぬいり〜はらぬ3分の1がハイチ共和国し、うぬとぅないぬ3分の2〜が、ドミニカ共和国やいび〜ん。
島や、キューバとぅ、プエルトリコぬ、ゑ〜だんかいあん。
ホテルや、オールインクルーシブやたくとぅ、最高!
んでぃ、うみとぅ〜たしが、ひてぃみてぃから、ゆるわ〜き、暴飲暴食が、ちぢち、な〜ひん長くういね〜、確実に、どぅ〜やんとぅ〜たるはじ。
ゆんね〜すんね〜、や〜んかい、け〜てぃ、体重測たれ〜だぁ〜、5ポンドん、ふぃ〜とぅ〜せ〜や〜。
は〜な〜、ありから、体重や、全然変わらんど〜や〜。
自業自得やさ。
やしが、ぅむっさやあたん。
【訳】ぅわっ、今年ももうすぐ終わってしまう。
もうクリスマスも過ぎてしまった。
やばい!
今月はバケーション(有給休暇)が10日間貰えたので、月初にドミニカ共和国のプンタカナに4泊5日間行ってきた。
ドミニカ共和国は、カリブ海にあり島の西側3分の1がハイチ共和国で、その隣国3分の2がドミニカ共和国だ。
島はキューバとプエルトリコの間にある。
オールインクルーシブホテルだったので最高!
と思っていたが、朝から晩まで暴飲暴食が続き、もっと長くいたら確実に体を壊していたに違いない。
案の定、帰宅後に体重を測ってみたら5ポンドも増えていた。
あれから全然体重が変わらない。
自業自得だ。
でも楽しかった。
うぬつげ〜、ディーンぬ、誕生日。
65んかいなたん。
うぬ日〜や、ディーンが、ゆ〜いちゅるバーんかい、いんじ、うまぬ常連さんた〜が、祝てぃ、とぅらちゃん。
あんし、うぬな〜あちゃや、どぅしぐゎ〜ぬ、に〜びち。
うんちゅんちゃ〜ぬ、幸せ、いたん。
やしが、うれ〜しむしが、な〜あちゃ、へ〜くな〜、うきららんたくとぅ、うちな〜うてぃ、開催はっとぅ〜る、中学校ぬ還暦同窓会んかい、ライン参加(Zoom) ならんたん。
は〜な〜、悔しいやっさ〜。
やしが、あとぅから、写真とぅか動画が、うくらってぃっちゃくとぅ、なちかはる、ちら、いんじ〜がち〜な〜、中学ぬくる、うみ〜ぃんじゃするくとぅがなたん。
【訳】その次は、ディーンのお誕生日。
65歳になった。
その日は行きつけのバーに行き、常連さん達が祝ってくれた。
そして翌日の15日は友人の結婚式。
幸せをシェアしてもらった。
のは良いが、後日、朝寝坊をしてしまい、沖縄での我が中学校の還暦同窓会にライン参加(zoom)する事が出来なかった。
嗚呼、悔しい。
でも、その後に写真や動画が送られてきたので、懐かしい顔ぶれを見ながら中学の頃を思す事が出来た。
クリスマスめ〜ね〜、わじゃんかい、いんじ〜るちむいやたしが、どぅくん、てぃんちが上等なてぃ、きおぬん、華氏50度、60度台し、12ぐゎちんかいし〜ね〜、ぬくはる日〜が、ちぢちゃくとぅ、球根うぃ〜るくとぅんかいさん。
【訳】クリスマス前に仕事に出るつもりだったが、あまりにも天気が良く、気温も華氏50度、60度台と12月にしては暖かい日が続いたので、球根植えをする事にした。
おと〜そっくり(父そっくり) 笑
来春、花が咲くのが楽しみ。
クリスマスや、生憎ぬあみ。
やたしが、ゆさんでぃから、はりたん。
ゆるや、アイちゃんた〜んかい、ゆばっとぅ〜たくとぅ、あまうてぃ、くゎっち〜かでぃっちゃん。
写真や、しちゃ。
メインコースや、写真とぅいわしりたん。
【訳】クリスマスは生憎の雨。
でも夕方から晴れてくれた。
夜はアイちゃんちに招待されてたので、そこでお食事。
これはアッペタイザー。
メインコースは写真を撮り忘れた。
くとぅしぬ年末や、ま〜だ雪や降て〜かん。
くずんかい、くらび〜ね〜、ぬくはる日〜が、ちぢちゅ〜ん。
くれ〜、グローバルウォーミングぬ、影響らがや〜?
んでぃち、過去ぬ日記とぅか、ブログ、チェックしんちゃれ〜、2016年や、な〜ひん、ぬくはたんね〜すん。
【訳】今年末は未だ雪が降ってない。
去年に比べると暖かい日が続いている。
これはグローバルウォーミングの影響だろうか?
と過去の日記やブログをチェックしてみると、2016年はもっと暖かかったようだ。
12/25/2023 摂氏
華氏
あ〜っ、ま〜だ、球根が、ぬくとぅ〜ん。
2024ねぬんかい、むちくしやっさ〜。
【訳】あ~、まだ球根が残っている。
2024年に持ち越しだ~。
記事作成:2023年 令和5年 12月29日(金)
ナシュビル 5:12 曇り 35°F/2℃