方言日記（まかびむにー）

ちかぐるや、とぅしとぅ、とぅむに、くしん、握力んよーばーなてぃいっちょーいびーしが、まーだ、うんとぅー、ないん。

最近は、年と共に腰も握力も弱くなってきているが、まだこんな事が出来る。





私もオリンピックに出れるかなー？　

  

ちゅう〜、うがなびら！

ぐすーよー、わーしみしぇーびてぃ？　

わったーや、きぬーぬ日曜日や、いっぺー、いちゅなはぬならんたん。わんねー、ゆる、にんだらんたくとぅ、ひっちー、ブログしあっち、ゆっくぃーがちーなー、しぐとぅぬ、スケジュール調整しーしーし、ちゃーうきー。４時半びっけーに、どぅしぐぁーから、Eメールがいっちゃくとぅ、うりとぅ、１時間びっけー、チャットしあしり、あんしから、コーヒーぬ準備し、むんしこーてぃ、ディーンがうきてぃから、まじゅい、してぃみてぃむんかだん。むのー、ひさびさぬ、ご飯とぅ、みそ汁とぅ、卵焼きやいびーたしが、みそ汁つくとぅーるばーに、味噌がねーらんくとぅんかい、きじち、あきさみよーしねーらん。具ぅん、むる、たっくでぃ、ねーらんくとぅ、味噌がねーらんねー、醤油ーたっくむるふかぁーねーらんでぃち、うみとぅーたしが、インスタント味噌汁がぬくとぅーたくとぅ、うみーいんじゃちゃん。　あんし、かわいに、うり、たっくだん。（フゥ〜）たまたま、具ぅ〜や、アーサ、うぬインスタント味噌汁やしじみ味やたくとぅ、ちょうどぅ、味んあーてぃ、たしかたん。


むん、かだるあとぅや、いっけーぬ、壁はい。　わんぬ、うとぅや、ちゅぬ、しぐとぅや、いっとーばいし、かしーしーが、いちゅしが、どぅーん、やーなれーから、どぅしんちゃーぬ、たしき、くとぅわてぃ、どぅーちゅいし、すーくとぅ、だー、わったーいっけーや、なまん、めーぬままやいびーん。くり以上や我慢ならんくとぅ、わんにん、かしーしーがちーなー、いひなーいひなー、しあぎてぃいんじゃん。たい、ういねー、うんし、しぐーないるむんぬやー、ぬーが、ぬーんでぃち、うぬ、うっちょー、どぅしぐぁーんかい、かしーたぬまんがやー？　かんげーららん！


壁はいがうわてぃ、なまねー、ペンキぬらんねーならんくとぅ、ホームセンターんかい、ペンキこーぃんがいんじ、とちゅう、日本食ぬ、食料品店うてぃ、味噌こーてぃっちゃん。やーんかい、けーてぃっちゃるくろー、たいんなむん、ちかりてぃ、ペンキ塗いや、あちゃするくとぅんかいさん。


ゆるや、（んでぃちん、まーだあかるはたしが。。）ふかうてぃ、とぅいぐぁーいんち、あたびちゃーぬ、くぃー、ちちーがちーなー、夕飯うさがたん。

  
続きを読む

ちゅうや、土曜日。
久し振りに、ディーンとぅまじゅい、かむる、ベーグルや、いっぺーまーはん！

今日は土曜日。
久し振りに、ディーンと一緒に食べるベーグルはとても美味しい！  

なま、ノルウェーぬオスロんかい、いっちゅーん。　

オスロんでぇーからー、いっぺー物価ぬたかはるとぅくまやくとぅ、むる、弁当よういし、ちゅーん。弁当んでぃちん、昼間ぬ弁当やあらんぐとぅ、夕飯ぬふかに、さきとぅ、さきぬ、つまみぐぁーんかいないしやいびーん。

ちゅうぬ、フライトや、どぅしぐぁーぬ、Yちゃんとぅ、まじゅいやくとぅ、ワイン２本持参しっちゃん。にんじゅるめーに、どぅーちゅいし、半ボトル、ゆる、たいし、１本半ぬ計算やいびーん。

やしが、

クルールームんかい、いんじ、チェックインしからクルー名簿いんじゃちゃれー、Yちゃんぬ、のーじがねーんなとーたん。　あ〜ぎじゃびよ〜な〜！ワインたーちなーん、むちいっちゃるむんぬ、ちゃあーすがてぇー。。。。。。んでぃ、うみてぃ、なーいっかい、名簿いんちゃれー、Yちゃんや、ポジションけーてーたるばーるやる、トリップ、うとぅちぇーるーばーや、あらんたん。　フゥー。。。

あんし、

くぬ、Yちゃんが、ゲートんかいいっちゃんとぅき、

「ゆぐりはいから〜さん、わんねー、きさー、デューティーフリーうてぃ、ワイン２本こーてぃっちゃんどー！」

んでぃ、あびらったん！


ちゅうぬ、オスロや、あみやいびーん！





今、ノルウェーのオスロに来ている。

オスロというと物価が高いので、皆弁当を用意してくる。
弁当と言っても昼間の弁当ではなく、夕飯の他に酒とそのつまみになるものをだ。

今日のフライトは、友人のYちゃんと一緒のなので、ワインを２本持参した。
寝る前に一人でボトルの半分。夜に２人で１本半の計算だ。

しかし、

クルールームでチェックインをした後、クルー名簿を見たらYちゃんの名前が消えていた。。。。。。。。。


オーマイガーーーーーーー！　


ワイン２本も持って来たのに、どうしよう。。。。


と思いながら、もう一度名簿を見たらYちゃんは、ポジションを換えただけで、トリップを落とした訳ではなかった。

フゥー。。。。。

そして、

このYちゃんがゲートに来て開口一番、

「ゆぐりはいから〜さん、わたし、、、さっきー、デューティーフリーで、ワインを２本買って来たよー！」

と言うのであった。。。。。。




今日のオスロは雨だ。。。。。

  

あい、なーはじまとーん！

ちばりよ〜、浦商！


あら、もう始まってる！

浦商、がんばれ〜〜〜〜〜〜〜！　

５回裏で、10対３。　良いせん行っているが気を抜くんじゃないぞー！！




お休み。。。。  

くぬめーや、鉢植えぬ中んかい、とぅいが、巣ーつくてーたんどー。　
ぬんがらんかい、にちょーん！

この間は、鉢植えの中に鳥の巣を作ってあったよ。
何かに似てるなー。。。。





  
続きを読む

テレビし、北京オリンピックぬ、開会式をぅ、いんちゅーるばーに、あなうんさーが、

「中国や、むる、同じ時間帯」んでぃ、あびとぅーたん。

わんぬ、ちちばっぺーらがやー？

かーま、いりーん、あがりん、むる、じかのー、おんなじんでぃがら。。。。？？？

うんとぅーんでぃん、あいびーがやー？


テレビで、北京オリンピックの開会式を観てる時に、アナウンサーが、

「中国は全地域が同じ時間帯」と言っていた。

私の聴き間違い？

ずーっと西側も、東側も時間は同じとか。。。。。？？？

そんな事ってあるのかな？



  

やーんめーぬ、かえぬんかい、うさじが、巣ーつくてぃねーいびらんくとぅ、花んかい、みじ、かきららん。。。。

家の前の花園に、ウサギが巣を作ってしまったので、花に水かけ出来ない。。。。

可愛いぃ〜！

しぃ〜〜。。。。
  

きぬーや、わったーぬ１９年記念日やいびーたん。初デートから１９年、うりから５年後に、にーびち、さびたくとぅ、結婚しから１４年やいびーん。時間がたちゅしん、うんし、へーさるくとぅ！


昨日は私達の１９年記念日だった。初デートから１９年、それから５年後に結婚式を挙げたので結婚１４年記念日だ。時間が経つのもこんなに早い事！



結婚さる当時や、互いに「結婚しからん、かわいんなよー！」んでぃち、あびとぅーたしが、たいんなむん、かわとぅーかんはじ。わんが、いひぐぁー、（多分）変わたがらわからんしが、うんしぇー、かわらんはじやいびーん。（笑）　うんとぅ、わんにんかい、くらびてぃ、ディーンや１９年めーとぅ、全然かわいびらん。つきあーたるとうじぇー、セールスマンどぅるしぐとぅがら、うれー、ゆくしんじょうじぇーあらんがやー？んでぃ、うみたしが、ゆくしちちゅん、どぅくるか、馬鹿正直なてぃ、にーりーるばーんあいびーん。やしが、うれー、贅沢な悩みんどぅし、わんにん、うり、みならーんねーないびらん。


ちゅとぅしめーぬ、記念日や、ナシュビルぬダウンタぬんかいある、日本料理屋ーんかい、いんじゃくとぅ、くとぅしや、洋風ぬレストラぬんかい、いんじゃん。記念日ぬディナーや、めーとぅし、想い出深いむんやいびーしが、一番わしりららんせー、うとぅとぅしぬ、ハブ事件やいびーん。うとぅとぅしや、どぅーんやーうてぃ、ロマンチックディナーぬーくぃーし、くさーぬ、パティオうてぃ、むん、うさがたん。あんし、事件や、うぬめーに、うくたん。ふかんかい、いんじーるばーに、とーあきたれー、だー、ハブが、わんぬ、ちゅぶるんかい、ふてぃっちねーらん！！　まぶいぬがちねーいびらん！！　ありから、うちなーんかい、しぐー、電話し、おかあとぅ、はなしーされー、うぬ日ーや、うーくいがら、いんけーぬ日ーんかい、なとぅーんどぅるくとぅが、わかたん。あんすくとぅ、うちなーんかい、んかてぃ、うーとーとぅーはんねーならんどー、んどぅるくとぅ、やいびーたん。あんし、わったーや、ゆらったるとぅーい、うちなーんかい、んかてぃ、てぃーむちゃぎてぃ、まぶやー、とぅいけーちゃん。　はー、うれー、いちなてぃん、わしりららんはじ。また、らいねぬん、うんなじくとぅ、かちゅるはじやっさー。。。



結婚当初はお互いに「結婚後も変わりません様に！」と話していた。その通り二人共変わっていないと思う。私が少しだけ（多分）変わったかも知れないが、そんなには変わっていないだろう。（笑）こんな私に比べ、ディーンは１９年前と全然変わらない。付き合い始めた頃は、セールスマンという仕事柄、嘘も上手いんじゃないかと思ったが、嘘をつくどころか、馬鹿正直で時々あきれる時もある。しかし、それは贅沢な悩みというもの、私も彼を見習わなければいけない。


去年の記念日は、ナシュビルのダウンタウンの日本料理屋に行ったので、今年は洋風のレストランに行った。記念日のディナーは毎年思い出深いものだが、一番忘れられないのは一昨年の蛇事件だ。一昨年は、我が家でロマンチックディナーと称し、バックヤードで食事をした。そして事件はその前におきた。外に出る際にドアを開けた時だ！　蛇が私の頭に降って来たのだぁ〜。。。ひぇ〜。。。。。ぶったまげた！魂が抜けたかと思った。それから、すぐに沖縄に電話をし母と話したら、その日は旧盆の「お送り」か、「お迎え」の日という事が分かった。だから、沖縄の方向に向かい拝まないといけないという事だった。そして私達は言われた通り、沖縄に向かって手を合わせて拝んだ（魂を取り戻した）。これだけは何時迄も忘れられないだろう。又、来年も同じ事を書くに違いない。（笑）





今年もよろしくねー♡
  

今回は７／２５の深夜に沖縄インし、８／２の朝出発という短い滞在だった。しかし殆ど両親と過す時間が多く、初めて墓の掃除の手伝い（ほんの少しだが）をし、長年会っていなかったイトコ達にも会う事が出来たし、中部の伯父さん宅を訪ねる事も出来た。

夏の旅は、スタンバイの私にとっては賭けと同じだ。昨日は運良く沖縄→成田便は、出発の１５分前に名前が呼ばれセーフ。成田→ニューアーク便は、もう駄目だと諦め帰ろうとした時に「待って下さい！」と呼び止められてギリギリセーフだった。こうなるのは百も承知だったが両親の顔が見たかった。

滞在中は毎日３食しっかり食べた。お陰でもともとメタボっている体にもっと脂肪が重なり顔の面積も大きくなった。








大好きなROKのスタジオも訪れたし、幼なじみとも会った（第二ブログの「うちなーぐちしゆんたくさびら！」ご参照）。

父の作詞作曲した歌について、じっくり語り合う事も出来たし、最終日に母とショッピングを満喫する事も出来た。　

面白い看板も見つけた。

爆笑した。糸満出身の女子としては、この看板を写真に収めない訳にはいかない。いったい誰がそんな事を考えたんだろう？

糸満のファーマーズに行く途中も面白いものを発見。　こんな事を想像しながらシャッターを押した。


いない、いない。。。

ばぁ〜！

どこかの保育園の裏庭とみた。

そして糸満ファーマーズの前で一枚

この滞在中に義兄が脱水症状をおこして救急車で運ばれるという緊急事態も発生したが、今は快復に向けて頑張っているらしい。
兄姉妹、姪や甥、彼等の子供達とも一緒に時間を過す事が出来、プライスレスな里帰りとなった。

皆、ありがとう！