方言日記（まかびむにー）

２／２７／０７　２２：３０　　ナシュビル　　（沖縄、２／２８、１３：３０）

ちゅんどぅせー、病気はんねー、健康ぬ有り難さがわからん。　健康んどぅせー、いちゃっさ、じん、むっちゅーしゆーかー、幸せぬはじやしが、幸せてぃめーてぃ、ちゃあ、“じん、じん”し、じんもーきーんでぃち、しぐとぅびっけーすーたせー、わんやは。　だー、あんしる、みーん、うんぐとぅーなてぃ。　眼科んかいいちゅるわーき、かたみーや、パッチはんねーならんくとぅ、ふーじんねーらん。　病気しーねー、しぐとぅん、ならんむんぬやー、自己管理やちゃあしっかり、くくるがきてぃうちゅんでぃるあたる。

ニューワークぬルームメイトから、なー、インターネットがちかーりーんでぃ、連絡があたん。
めーにち、インターネットびっけーすーくとぅ、うりが、ちかーらんなれーからー、いちゃっさ、でーじやくとぅやー。ひーっちー、わじわじーすーたん。　　くん、ストレスや健康んかいわっさるはじ。　なまや、ナシュビルぬやーんかい、いっちゅーくとぅ、うんわじわじーん、ねーんなてぃ、むん、てーまい、かでぃ、くぇーいぎはーやっさー。あい、うりん、健康んかいわっさーさー。腹八分し、とぅみらんねーやー。（なーおそはんどー）

ねぇねぇから、コンピューターこーてぃ、タイプぬ練習すーんどぅるメールがあたん。
なまからが、楽しみやっさー。


＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

人というのは、病気をしないと、健康の有り難さがわからない。　健康というのは、どんなにお金を持っているよりも、幸せなはずなのに、幸せを探して、いつも“お金、お金”って言って、金儲けの為に仕事ばかりしていたのは、この私。　ほら、だから、こんな眼になってしまったじゃないの。　眼科に行く迄、片目はパッチをしておかなくてはならない。みっともない姿だ。　病気したら、仕事も出来ないのだから、自己管理は常に心がけておくべきだった。

ニューワークのルームメートから、もうインターネットが使えると連絡があった。毎日、インターネットばっかりしているので、これが使えなくなると、どんなに大変だか、もう！　怒りっぱなしだったなあ。
このストレスは、健康に悪いでしょうね。今は、ナシュビルの家に来て、この怒りも治まって、ご飯を沢山食べて、太りそうー。あっ、これも、健康に悪いんだよねぇ。腹八分で止めておかなくてはね。（もう、遅いよ）

姉から、コンピューターを買って、タイピングの練習をしているとのメールが来た。
今後が楽しみだ。  

２／２４／０７　ロンドン　２３：５５　　（沖縄　　２／２５　０８：５５）

あきさみよーい、なー、はじかはぬ！
あびーばっぺーん、はじかはしが、ゆみーばっぺーや、なーひん、はじかはん。
漢字がゆみーはんふーじーやせーやー。
うまうてぃ、訂正すーかんねーんでぃ、うみてぃよー。
うってぃーぬ、日記んかい、スティービーワンダーさんから、コメントがあたしが、うりんかい、”湿布”んでぃあたしが、ぬーんでぃちがら、分からんしが、わんねー、しぐー、“昆布”んでぃち、ゆだん。変なーやっさーんでぃち、うみたしが、うんまま、スティービーワンダーさんかい、返事ぬコメントかちゃれー、どぅしぐあーぬ、MTから、指摘はったーん。うんとき、はじみてぃ、ゆみばっぺーんでぃち、わかたん。はーっしぇ、はじかさよー。あんしが、わんにん、どぅんくとぅるやしが、うかはぬ、笑いがとぅまらんたん。ふらーやーっさー。

きぬーからぬ、かたみーぬ、あかみがのーとぅーかんたくとぅ、空港ぬクリニックんかい、いんじゃん。
結膜炎やいねー、しぐとぅならんくとぅ、まじぇー、うん症状がぬーやがら、ちかんねーならんくとぅやー。あんされー、コンタクトレンズし、きじちきとぅーるふーじーんでぃち、あびらったん。くすい、いったんかい、ようじんせーから、２、３にちし、のーいるはじんでぃてー。しぐとぅんかいや、いかりーんでぃあびらってぃ、安心さん。


＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

あら、もうー、恥ずかしいー！
いい間違いも恥ずかしいけど、読み間違いはもっと恥ずかしいなあ。
まるで、漢字が読めないみたいじゃないか。
ここで、訂正しておかなければと思ってさ。
一昨日の日記に、スティービーワンダーさんからコメントの中に”湿布”というのがあったのだけれども、何故か知らないが、それをすぐ“昆布”と読んでしまった。変だなーとは思ったが、そのまま、スピーディーワンダーさんに、返事のコメントを書いたら、友人のMTから、その事について指摘された。この時初めて読み間違いであった事を悟った。ひえ〜、恥っずかしい〜と思ったが、我ながらおかしくて笑いが止まらなかった。馬鹿だなあー。

昨日からの赤みが治っていなかったので、空港のクリニックに行って来た。
結膜炎だと、仕事できないので、先ずは、これが何の症状なのかを突き止めなければならない。そしたら、どうやら、コンタクトレンズで傷つけたらしいと言われた。目薬を２．３日さして養生しておけば、治るだろうとの事。仕事には差し支えないだろうと言われて安心した。

  

ちゅうや、かたみーんやでぃ、まっかっかーんかい、なとぅーんでぃち、どぅしぐあーんかい、あびたくとぅ、うんどぅしぐあーや、くびが、こーくなたーんかい、かちゃれー、あかくなとぅーん、どぅるくとぅ。
あんしが、ムヒちきたくとぅ、大丈夫んでぃ。はーっしぇ、はーっしぇ、くんくとぅばよー、でーじ、でーじ、でーーーーじ、なつかしい！　　ムヒんでぃち、２０年以上、ちちゅうかんはじ。でーーーじ、なちかはっさ。
うりびっけーや、あらんぐとぅ、うぬどぅしぐあーや、“オロナイン軟膏んむっちゅーんどー”　でぃ、あびーせーやー。はー、うりよー、ぬんくぃーむっちゅーんどー。あんしが、昔からぬ、くすいや、やっぱり、上等やんばーやさやー。わんにん、うちなーんかい、けーれーからー、こーてぃくーわるないる。

ちゅうぬ、ファーストオフィサー（副操縦士）や、７７７機ぬ操縦や、はじみてぃんで、あびとぅーたしが、
着陸や、いっぺー、じょうじやたっさー。やっぱり、ふかぬ機種や経験豊富やくとぅらがやー。あたいめーらるやー。

新聞ぬんかい、１６階から地面ぬんかい、うちたるうっちゅが、病院から退院し、なまー元気なとぅーんどぅる記事があたん。あきさみよー、うんちゅや、うんし、悪うんぬちゅうはる。うんちゅぬ生命力や相当やっさー。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
今日は片目が痛くて、真っ赤になっていると、友人に話したら、その友人は、“私は首がかゆくて、掻いたら赤くなった”との事。“でも、ムヒつけたから大丈夫”との事。えっ〜〜〜、この“ムヒ”って、言葉
（名詞）、超、超、超〜〜〜〜、懐かしい。“ムヒ”って２０年以上聞いていないと思う。とーっても懐かしい。おまけに、この友人、“オロナイン軟膏も持っているよー”っと言うではないか。もう、この人ったら、何でも持ってるんだよー。でもやっぱり、昔からの薬は上等なんだなあ。私も次回沖縄に帰る時に買ってこなくては。

今日のファーストオフィサー（副操縦士）は７７７機の操縦は初めてと言っていたが、その割りには着陸がうまかったなあ。やっぱり、他の機種は経験豊富だからなのかな？　　当たり前の事だよね。

新聞で、１６階から地面に転落した人が、病院を退院し、今は元気になっているという記事が載っていた。なんとまあ、悪運の強い人なんだろう。この人の生命力はすごい！  

２／２０／０７　９：００　ニュージャージー　　（２／２０　２３：００　沖縄）

おはよー、ちゅーん、いっぺー、ひーさしが、１日がんばいんどー！
最近、車ぬ話題がまんどぅーくとぅ、わんにん、車ぬ話さひー。
１、自家用者（Van）の全額支払い終了！　　うりよー、へーくなーはれーんでぃち、ちゃあはたらちし、やーんかいん、いひぐあしか、けーららんたせー、だー。でぃーんが、ふかんむん、全部支払いしとぅらちゅうくとぅ、わんじぬん、へーくなー貯またん。感謝、感謝。

２、将来、むちーぶさる車。Hummer（ハマー）かVolvo（ボルボ）。がんじゅうむんが一番。ちゅらはし。

３、レースの経験。レースやあんまりいんじゅしや、好きやあらんしが、どぅーがレースすんやれーからあ、ちばいんどー。わんねー変な癖があてぃ、高速とかはしとぅーんばーに、スポーツカー、いんでーからー、レースしーぶくないん（どぅーんのーファミリーバンやしが）。一回びっけーポルシェんかい、勝っちゃるくとぅ、あんどー。あん時のポルシェぬ運転手や、若いねーねーぐあやたくとぅらがやー。あぬねーねーぐあや、いっぺえ、緊張すーるふーじやたくとぅ、あい、上等、なまやれーから勝ちーないんでぃち、かってぃに、レースはじみたんよー。だー、勝っちゃせー。気分爽快やたっさー。お陰で、あぬ日や最良のひーんかいなたん。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
お早う。今日もとても寒いけど、一日頑張るぞー。
最近、車の話題が多いので、私も車の話をしましょうね。
１、自家用車（Van）の全額支払い終了！　これを早く支払うといって、家にも滅多に帰れなかった。ディーンが他の支払いを全部してくれているから、私のお金も早く貯まりました。感謝、感謝。

２、将来運転したい車。Hummer（ハマー）かVolvo（ボルボ）。板金の強いのが一番。形も美しいし。

３、レースの経験。レースを観るのはあまり好きではないのだけれど、自分でするぶんには、頑張るたいぷ。私は変な癖があって、高速とか走っている時に、スポーツカーを見ると、レースをしたくなる（自分のはファミリーバンなのに）。一度だけ、ポルシェに勝った事があるよ。あの時のポルシェの運転手は、若いおねぇさんだったから勝てたのかなあ？　そのおねえさんは、とても緊張している様子だったので、“あっ、良かった、今だったら、勝てるかも！”ッと思い、勝手にレースを始めた。それで、結果は　“勝利”。気分爽快だったなあ〜。お陰でその日は最良の日となりました。


  

視・聴・嗅(きゅう)・味・触の五つの感覚。これらの感覚によって外界の状態を認識する。「―を研ぎすませる」

うまあ、ロンドン、０２／１８／０７。　きぬうぬ、ゆる１７日にニューワーク（NJ）いんじたくとぅ、うま（ロンドン）かいや１８日ぬあさ、へーくにちっちゃん。きぬうや旧正やたくとぅ、おかあとぅ、おとおとぅはなしーしから、にーにーんかいん電話さしが、あったーや、うらんたんねーすん。あんしから、ちゃんぬ、ねーねーとぅ話ーさん。

ちゅうぬ五感や、

見る（いんじゅん）−　はーっしぇ、飛行機からいんじゅる夜景よー、あんし、ちゅらさぬ．．．じんせー、こーららんどー。宝石むっちゅーしゆーかー、じょーいまし！　じょーいまし！　


聴く（ちちゅん）ーおかあとぅ、おとお、ねーねー、でぃーんぬ、くぃーちちゃんかい、くんしいんじたん。

臭う（かじすん）　ー　省略させて頂きました。


味（味）　ー　ちゅう、はじみてぃ、ロンドン（LGW）ぬ空港内ぬレストランかい、いんじゃん。　　イタリアン料理、いっぺー、まーはたっさー。又ん、いきわるないる。　　


触る（さーいん）ーコンピューターびっけー、さーとぅーさ。ホテルうてー、部屋ん中んむんや、直接どぅーぬ、てぃーせー、さーらんぐとーぅーすーん。テレビぬ、リモートとか、シャワーキャップかきとぅーんどー（笑）。こしかけんかいや、てぃーさーじ、かきとぅーんどー。


ちゅうぬ、ロンドンや４２度（華氏）やくとぅ、摂氏５℃ぐらいがやー。ふかんかい、いんじとぅーかんくとぅ、いちゃっさ、ひーさがら、わからんしが、うちーなーゆーかー、ひーさんどー。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
視・聴・嗅(きゅう)・味・触の五つの感覚。これらの感覚によって外界の状態を認識する。「―を研ぎすませる」

ここはロンドン、２３：１９、２／１８／０７。昨日の夜１７日に出たので、１８日の早朝到着。昨日は旧正だったから、両親と話した後、兄に電話をしたが、留守だった。その後喜屋武の姉と話をした。

今日の五感：

視る（見る）ー　なんといっても飛行機から見る夜景は美しい。何ともいえない！　こういうのは絶対お金では買えない！！！　宝石を持っているよりもいい！　

聴くー母、父、姉、ディーンの声を聞いて元気がでた。

臭うーもお〜、おならをしない様に（ごめん）、我慢をしていた．．．。（オマケ：つらかった〜〜〜！）

味（味）ー今日初めてロンドン（LGW）の空港内のイタリアンレストランに行った。　とってもおいしかった。又行かねば。

触るーコンピューターばっかりいじっている。　ホテルでは、直接、手では何も触れない様にしている。
テレビのリーモート等は。シャワーキャップを掛けていますよー（笑）。椅子にはタオルを掛けている。

今日のロンドンは華氏４２°Fなので、せっし５℃ぐらいかなあ。　外に出てないから実際にどれ位寒いか分からないけれど、確実に、沖縄よりは寒いです。  

いんだ、きぬーや、ぬみすぎてぃ、日記んかかんたせー。あんすくとぅ、ちゅうや、へーくなーうきてぃ
うり書ちゅーんどー。まじぇーうりぬめーに、ティー茶ぬ掲示板とぅ、わんぬブログんかい投稿しみせーたるかをるさんどぅる、うかたんかいメールさしが。

きぬー、ナシュビルぬ空港んかいうるばーに、ねぇねぇとぅ、みーくあぐあーから、朝、電話があたん。うちなーからよー。いっぺーちむふでぃ、うむっさくーすーたんよー（嬉しかったという意味だったと思う？？？）。又ん、うちなーんかい、けーぶくなたん。

ニューワークん、ニューヨークん天気やしむしが、うすぐるはたん。スモッグるやがら。飛行機からいんちゃるマンハッタンや、いんだ、ぬーんでぃ、あびーたがやー．．．磁石ぬ粉ぬあちまいぐあーよー、ありふーじーやたん。鉛らてぃ？　飛行機ん中うてーポッドキャストちち、２じかぬん、あんしへーく過ぎたる。うまんかい（ニューワーク）ちっちからあ、しぐーやクラッシュパッドんかいけーらんぐとぅ、プレジデントクラブうてぃ、ワイン、てーまいぬだん。“いちゃんだむんふどぅ、高くちちゅせーねーらん”でぃ、あびーしが、わんねー、高くないるめーに、ぬみうわたくとぅ、しむさやー。あんしやー、ただやるむんぬやー。会費はらとぅーるむんぬやー．．．．．．．．．あ〜〜〜〜〜〜、うりが高はんばーやさやー。あんすらー、もととぅらんねーやー。なあーとぅっとぅーるはじやしがてー。るしぐあーん、ゆだーんかい、まじゅい、ぬでーるむん。MTや、ジャンプシートしコミュートはんねーならんがら、わからんたくとぅ、さきやぬまんたしが、あれーコンピューターんかいん、ちゅーはくとぅ、ありんくりんならーちとぅらち、たしかたん。わんにん、勉強はんねーならんさー。

ひぇ〜、あんし、うまーひーさぬ！　ちゅうや、またん、雪がふいんでぃろー。
又にーぶいしっちゃくとぅ、なまーうまわーき。
あんすらー又。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
あら、昨日は飲み過ぎて日記を書かなかったわー。だから、今日は早起きしてこれをかいている。その前にまず、ティー茶の掲示板とブログにコメントをくれた“かをる”さんという方にメールをしておいたけど。

昨日ナシュビルの空港にいる時に、姉と姪っ子から電話があった。沖縄からよー。とても嬉しかった。
又、沖縄に帰りたくなった。

ニューワークもニューヨークも天気はいいんのだけれども、スモッグのせいか薄暗い。飛行機からみたマンハッタンは、ほら、何ていったっけ、磁石の粉の集まり、それの様だった。鉛だっけー？　飛行機の中では、ポッドキャストを聴いて、２時間があっという間に過ぎた。ここニューワークに着いてからは、すぐにクラッシュパッドに帰らず、プレジデントクラブでワインをたーくさん飲んだ。“ただ程高くつくものはない”というけれど、私は”高くなる”前に止めたからいいじゃんね。だって、ほんと、ただなんだもんねぇー。会費払ってるんだしねぇー。あっ〜〜〜〜〜、それが高いんだ．．．．。だったらもとをとらなきゃね。もうとってるはずだけど。友達もよんで、一緒に飲んだしね。でもMTはジャンプシートでコミュートしなければいけないかも知れなかったので、お酒は飲まなかったけど、彼女はコンピューターにも強いので、いろいろ教えてもらって助かった。私も勉強しなくては。

それにしても、ここは寒い！今日も雪が降るそうだ。又眠くなって来たので、今はこちら辺で。
それでは又。

  

たすけて〜！んでぃち　　さきぶんばーや、わったぁ　　島くとぅばせぇ　　ぬーんでぃ　　あびーがやー？？？
かんげーらりーせー“おかあぁ〜〜！”しか　ねーんさー。　“たしきれー”んどぅしとーまたニュアンスが、いひぐぁーちげーくとぅやー。どぅし、どぅんくとぅ　“たしきれー！”んでぃ　　あびらんむんやー。
まじぇしむしがてぇ、とにかくよー、わんねーやー、くぬブログとぅ、ティー茶んかい、はまてぃ、でーじなとぅーん。ちゅうんやー、ゆーがあきてぃから、ゆさんだわーき、むぬんかまんぐとぅーコンピュータービッケーさーとぅーたんどー。うんとぅなれーからー、なぁ、どぅーしん病気やがらわからんやーんでぃち、うとぅるはくなてぃっちゃんよー。あちゃや、又ベースんかいけーらんねーならんくとぅ、うんばーに、いひぐぁー、やしらーんかい、うんコンピューターや、さーらんぐとぅしんじゅんてーやー。

スピーディーワンダーんどぅるうっちゅとぅ、ありんくりんどぅるうっちゅから、メールがいっちゅーたん。
にーへーでーびる。

ディーンや、なまやーんかいむかとぅーんでぃ、電話があたん。ちゅうぬ夕飯やうってぃとぅ、きぬーぬ
ぬくりむんし、しむんでぃあびとぅーしが、可哀想やくとぅ、豆腐ちゃんぷるーつくてぅとぅらすがやー。オレオややーんなかうてぃ、ちゃーにんじーすーくとぅ、くぇーてぃ、でーじすん。なまから、ふかんかい、いんじゃち、運動しみらんねーならんさー。あんしが、ふかや０℃やくとぅいっぺーひーさぬならん。１分ふかんかい、いんじーねー、がたがたーすんどー。ちゃあすがやー．．．

あんすらー、ちゅうや、うまわーき。又あちゃやー。

　　　　　　　　　　　　　＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
たすけて〜！って、私たちの部落の方言では何て言うんだろう？　　考えられるのは、
“おかあぁ〜〜！”しかない。“たしきれー”というのとでは、またニュアンスがちがうしねー。
自分で、自分と事を“たしきれー！”って言わないもんなぁ。まあいいけど、とにかく、私はこのブログとティー茶にはまってしまって、今日も朝から晩までご飯も食べないでコンピューターばっかりいじっていました。ここまできたら自分でも病気じゃないかと、怖くなってきました。明日はベースに戻らないといけないので、これを機会に少し休んで、このコンピューターに手を触れないようにしてみます。

スピーディーワンダーさんという方と、ありんくりんさんという方からメールが来ていました。ありがとうございます。

ディーンは今、家に向かっていると電話がありました。今日の夕飯は一昨日と昨日の残りでいいと言っているけど、可哀想だから豆腐チャンプルーでも作ってあげようかなあ．．．オレオは家の中でずーと寝ているので、太って大変。これから外に出して運動させなければいけない。でも外は０℃でとても寒い。一分でも外にいたらがたがた震えがくるし、どうしようかなぁ〜．．．

それでは、今日はここでおしまい。又、あした。  

１９：２０　（うちなーや　２／１５　１０：２０）　　うまーまーだバレンタインズデー

くとぅしや　　ぜんぜん　　バレンタインズデーぬ　　気分がいんじらん。　　いっそーやれーからー　　でーじ
すがたーんかい　　レストランかい　　むん　　かみーがいちゅしが、　　ちゅうや　　ぬーん　　すがらんぐとぅ
やーうてぃ　　焼き肉かむんしじやん。　　うり書ちゅうるばーや　　あらんさぁ。　　へーくなー　　つくらんねー。

はーしぇ、ちゅーん又こーいむんかい　　いんじゃんどー。きぬーディーンんかい　こーたる　　ズボンが
ぐなはたくとぅ　　けーんが　　いんじゃしが、　　またんやー　　ふかんちぬん　　こーてぃ　　じんちかたん。
ディーンや　　ちゅう　　わんにんかい　　カードとぅチョコレートこーてぃとぅらちぇーたん。　　

あさてぃ　　ニュージャージーんかい　　いちゅるくとぅに　　なとぅーしが、　　いかりーがやー。あまや　　
雪がふてぃ　　フライトん　　てーげーキャンセルなとぅーくとぅ　　しわなてぃっちゃん。
うまん　　ちゅーや　　華氏し２７°Fやたくとぅ　　摂氏しー２．７℃やん。　　雪んふてぃっちゃん。
あちゃや　　まーんかいん　　いんじらんぐとぅ　　やーぐまい　　ないくとぅ　　やーんそーじ　　はんねーならんさー。

なまから焼き肉つくらんねーならんくとぅ　又あちゃやー。
  

２２：３０

なまひーぷーさんかいメールうくたん。ちゅうぬ“お題”やバレンタインズデーんかい義理チョコやA“くぃらんねぇならん”、それともB”くぃーせーあらん”やたん。ちゅうわかたるくとぅやしが、わんが　　うぬメールうくいんばーに、かんげーてぃんでーからあ、なまわーき“撒き餌メール”んかい只”返信”すーたしが、
どぅーん　　のーじ書ちぇーかんたっさー。ちゅうや書ちゃんどー。わかいがやー？

ティー茶ぬディレクターんかいんメールうくたん。あんちゅや、ありんくりんてぃがきてぃ　　いっぺぇ
いちゅなさるうっちゅやる。うんちゅんかいやー、わんねーかんかはったーんかい、ちゅうや
サックスフォンならーするうっちゅや　　うらんがやーんでぃち、てぃめーてぃ　あっちゃんどー。結局、直接あーららんたくとぅ、電話しメッセージぬくちゃん。２．３日せーから連絡ちゅーるはじ。

ふかぬブルグメンバーんかいんメールうくたしが、ゆみそーちがやー？　　ちゃんぐぁさんとぅ、ちょういちさんやたるはじ。ティー茶んかいん投稿さっさー。

はーしぇ、わんねーうんし暇やる。
あらんどぉー、ちゅうや　　いちゅなはたんどぉー。
あんしやー、あちゃあバレンタインズデーやるむんぬ、ディーンかいカードとぅ、チョコレートとぅ、ちん　　てーまい　　こーてぃっちゃんよー。もちろん、わーむぬんこーたんてぇ、ついでによー（笑）。

ゆうはぬんつくたんどぉー。（おりこーやっさー）
サラダとぅシーフードスパゲッティよぉ。ディーンがしぐとぅから　　けーてぃっちからまじゅいからしが、
あんまり　　まーこーねんたん。まーすがたらーんたんねーすん。あちゃや焼き肉どぉー。ディーンやまちかんてぃーすーしが、あじやしむがてー？　　しむは、ディーンや　　うふやしーぐぁやくとぅ、まーこーねーんてぃん　　まーはんでぃ　　あびてぃとぅらすくとぅ　　わんねーしあわせむんやさ。

あんすらー又あちゃやー

  

８：１１　　ナシュビルから

おはよう！
ちゅうや　　あみがふてぃ　　ふかんかい　　いんじーぶこーねーんさあー。
気温ぬん多分１０℃びっけーやはじ。
あんしが、あちゃやヴァレンタインズデーやくとぅ、ディーンかい　　ぬんがら　　こーてぃくーんねーならんさあ。カードんまーだ用意せーかんくとぅ　　へーくなーこうてぃくーわるやる。　　
ありからぬプレゼントや、しちゃぬ　　バスルームぬシャワードアをとぅいけーてぃとぅらちぇーたん。
いっぺえ上等やし、ありが一生懸命ちばてぃ　　とぅいけーてぃとぅらちぇーくとぅ　　めーから　　お願いすーたる　　しぐとぅ様ぬ指輪やいらんてぃんしむん。うれぇ、あとぅから　　どぅしオーダーすは。
わったあディーンよー、ゆーしとぅらち、いっぺえ感動さんどお。

ちゅうん朝うきてぃ、しぐーティー茶ぬブログいんち、あまくまんかいメール打っちゃしが、やがてぃ
むるんかい“うちすぎ”んでぃち、きらわらんがやー　　しわやっさー。　　いひがーや、スローダウンはんねーやー。

又あとぅから　日記かちゅさ。あんすらーやあー。