方言日記（まかびむにー）

ちゅう、アムステルダムからけーてぃっちゃん。
念願ぬ「キス」こーてぃっちゃんどー！
いちいんちん、でーじロマンチックやっさー！



＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今日アムルテルダムから帰って来た。
念願の「キス」を買って来た！
いつ見ても、とてもロマンチックだぁ〜！
　
  

０７／２２／０７　１４：０８　ナシュビル　（７／２３　４：０８　沖縄）

どぅしぐぁ〜んかい、E−メールうっちゅーるばーに、「豊見城」んでぃ、いんじゃすんでぃち、「とみしろ」んでぃちうっちゃれー、だー、「と魅しろ」「富み白」「と三代」「戸三代」んでぃしか、いんじらんくとぅ、はーしぇ、わざわざ「豊富」「見る」「城」んでぃうっち、くっちきらんねーならんがやーんでぃち、面倒臭さよー、でぃうみとぅーたん。　
あんしが、うぬめーに、まじぇー、うちなーぐちし、「とみぐすく」んでぃち、うっちんだ、んでぃち、たみちゃれー．．．．．
あい！　
うりし、いんじーたん！

わんぬコンピューターん、うちなーんちゅ（？）やるばーやさやーんでぃち、うかはくなてぃっちゃん。　（笑）
幸せやっさー。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

友達にE−メールを打っている時に、「豊見城」を出す為に「とみしろ」と打ったら、「と魅しろ」「富み白」「と三代」「戸三代」としか出て来ないので、仕方がない、わざわざ「豊富」「見る」「城」と打って、くっつけなければいけないのかぁ、面倒くさいなーと思っていた。
しかし、その前に先ずは沖縄風に「とみぐすく」と試しに打ったら．．．．．．
あれ！
それで出て来たぁ！

私のコンピューターも、打ちナーンチュ（？）なんだなぁ〜って思って可笑しくなってきた。（笑）
幸せ者だなー。  

ブラジルで１７６人乗り旅客機が炎上

最初や、着陸失敗んでぃ、書ちぇーたくとぅ、着陸時に機体んかい大打撃があてぃ炎上さんばーらがやーんでぃち、うみたしが、あとぅから、ふかぬニュースゆだれー、あみぬ影響しスリップさーんかい、着陸後にとぅまいはんなてぃ、滑走路からはんでぃてぃ、空港ぬ脇ぬ道んかい、とぅびいんじゃちゃんばーやあらんがやーんどぅる可能性が高はんねーすん。　あんし、くぬ飛行機やうんままー、輸送会社ぬ建物んかい激突し炎上さんどぅるくとぅ。

ＴＡＭ航空ぬ国内便旅客機エアバスＡ３２０型機ぬ乗客１７０人、乗員６人以外に、　くぬ事故し、旅客機が突っくだる輸送会社ぬ従業員たー、最低１４人、あんし、またふかに地上うてぃ、くぬ事故んかいまきくまったるうっちゅんちゃーん、あーち、２００人かい達する死者がいんじとぅーる可能性があんでぃち、あびらっとぅーん。

黙祷．．．．．．．．．．．．．．．．．．うーとーとさびら。

　　　　　　　　　　　　　　　　　　　　　　　　　　　　　　　　　　　


　　　　　　＞＞＞＞＞＞　後略＜＜＜＜＜



うんとぅーニュースちちーねー、おかぁーが、ちゃあ、「なーしぐとぅ、やみーせーましどー」んでぃち、わんぬくとぅ、しわすしが、わんねー、高速道路うてぃ、事故する確率がる高はるんでぃち、うみーん。　
　わんくとぅや、しわはんきよー、おかぁ〜！


＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

最初は、「着陸失敗」と書いてあったので、着陸時に機体に大打撃があって炎上したのかと思ったが、後で他のニュースを読んだら、雨の影響でスリっプし、着陸後に止まれなくなって滑走路から外れて空港脇の道路に飛び出したという可能性が高く見られているらしい。そして、この飛行機はそのまま輸送会社の建物に激突し炎上したというのだ。

　ＴＡＭ航空の国内便旅客機エアバスＡ３２０型機の乗客１７０人、乗員６人、及びこの事故で、旅客機が突っ込んだ輸送会社の従業員ら少なくとも１４人と、他にも地上で事故に巻き込まれた人も含め、死者は２００人に達する可能性もあると伝えられている。


この事故で亡くなられた方達の御冥福を祈ります。　　黙祷．．．．．．．．．



　　　　　　　　＞＞＞＞＞＞　後略＜＜＜＜＜


こういうニュースを聞くと、いつも母が「もう仕事辞めた方がいいよ」と心配するが、私は高速道路で事故をおこす確率の方が高いのではないかと思う。　
私の事は心配しないでね、お母さん！
　　　　　　　　　　　　　　　　　

　  

くだらない事にエネルギーを消耗するのはもったいない。
それより、人生にはもっと大事な課題があるはずだ！
それにエネルギーを費やしよう！
もっと楽しく、精一杯生きよう！  

０７／１６／０７　０９：１５　ニューワーク　（７／１６　２２：１５　沖縄）

きぬーぬ、ゆる、はじみてぃ、とぅないんかい、いっちゃるわらばーとぅ、あーてぃ、はなしーさん。
あまくまんかい、電話し（携帯し）、よんなーはなしーないる状態やあらんたしが、なまあびらんねーならんでぃうみてぃ、自己紹介かにてぃ、なま、一番なやまはっとぅーるトイレットペーパーぬ補給とぅ、ぐみんくとぅはなしーさん。

あんされー、うんわらばー、かわいそうに、うまんかい、はじみてぃ、いっちゃるときから、はじめからトイレットペーパーやねーんたんどぅるくとぅ。
給料日がくれーから補給すんどぅるくとぅ、あんし、ぐみんまーんかい、してぃてぃしむがら分からんたしが、なまーなーわかたくとぅ、なまからー、ぐみがたまいねー、してぃーんでぃち、わっさぎはーぢらーしあびとぅーたん。

はなから、うぬわらびがわっさん、でぃち、きみちきてぃ、わっさたんやーんでぃちうみたっさー。
はなしーせーからー、うふやしーふーじーやくとぅ、なまからさち、ようすぐぁーいんちいちゅんてー。

あんしが、うんしぐなーぐとぅし、わじわじーすーる、わんにん、まーだわらびやっさー。
くだらん、くだらん！　馬鹿らしくなてぃっちゃん！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

昨日の夜初めて、隣に入った子と会って話をした。
色んな所に電話をしていた（携帯で）ので、ゆっくり話せる状態ではなかったが、今のうちに話さねばと思い、自己紹介を兼ねて、今一番ネックになっているトイレットペーパー補給と、ゴミ捨ての事について話した。

そしたらこの子、可哀想に、ここに入居した時からトイレットペーパーは始めっから無かったとの事。
給料日が来たら補給するとの事、そしてゴミも何処に捨てていいか分からなかったが、今はもう分かっているので、今後はゴミが溜まったら捨てると、
申し訳なさそうな顔で話していた。

はなっから、“この子が悪い！”　と決めつけて、悪かったなと思った。
話してみれば、大人しくていい子っぽいので、今後様子をみて行こう。

それにしても、こんな小さな事で腹を立てている私も子供だなぁ．．．
くだらない、くだらない！　　馬鹿らしくなってきた！

  

０７／１３／０７　１１：２０　ニューワーク　（７／１４　００：２０　沖縄）

ちゃあやれー、トイレットペーパーさちに、とぅってぃから、いいしが、きぬーや、あわてぃとぅーたくとぅ、しぐいいさん。
だぁー、
うんなばーに、かぎてぃ、トイレットペーパーがねーんせーやー。
はーっしぇ。

ちり箱んかいや、空んかいなとぅーるティッシュボックスがいっち、うぬちり箱ん、いっぱいかっぱいし、あふりーがたーすーし、ペーパータオルん、中ぬ芯びっけーぬくてぃ、ぬーんねーらんなとぅーせーやー。　はーっしぇ、ちゃーすがてー、なー？　　運がいいくとぅに、うぃーぬハウスメートがうたくとぅ、ありゆだーんかい、ありがトイレットペーパーむちいっちとぅらちゃくとぅ、たしかたん。

ゆーかんげーてぃんでーからー、わんぬルームメイトが、とぅないんかい、新しいわかむんぐぁーが、いっち、うんわらばーや、いーななーから、わったーがちかとぅーるバスルームうてぃ、どぅーんかーらじ、すみたーんかい、あまくまんかい、しみちきてーんでぃち、あびとぅーし、うみーいんじゃちゃん。

タブんかいや、ちけーうわとぅーる歯磨き粉（うたんあきっぱなし）とぅ、ぐむぐぁー、ホテルからむちっちぇーる空ぬシャンプーがうちきらっとぅーし、ぬきぎーん、タブんかい、ひっちっちゃるまんまどー。うんわらばーや、どぅーぬかーらじや、しぐながしーすーるはじやっさー。めーごーさーとぅ、ちらんぱーほーかんねーならん！

はーっしぇ、うぬかわいよーんかいや、うどるちゃん。たったぬ１０日あきてぃ、うんしかわいんなー？
　わんぬルームメイトびっけーやれー、わったーバスルームん上等やたしが、くぬさち、うみーやらりーっさー。
「なまぬ、わかむんや〜．．．．．」んでぃ、あびーぶはしが、うれーとぅしぬ問題やあらんぐとぅー、うやぬならーしがなとぅーかんくとぅらる。
はたちすぎーる、うん、わらばーぬくせんどぅせー、いちゃっさあびてぃん、のーらんはじやー。

あんしが、

あんしがてー、

わったーとぅ、まじゅいくらちいちゅるいじょうや、最低限ぬ常識とマナーやまむてぃとぅらはんねーならんくとぅ、ちゅーく、あびーんどー！！

激戦開始どー！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

いつもだったら、トイレットペーパーを先に取ってから用を足すが、昨日は慌ててすぐに入ってしまった。
ほーら、
こういう時に限って、
トイレットペーパーが無いもんだ！
もぅーーー！！

ゴミ箱には空のティシュボックスが入っており、そしてそのゴミ箱はいっぱいいっぱいであふれんばかり、ペーパータオルも中の芯だけ残っていて何も残っていないじゃないか。もうーーーーーー、どうする？　　運がいい事に上階のハウスメイトがいたので、彼女を呼んで、トイレットペーパーを持って来てもらったから助かった。

よーく考えてみたら、私のルームメイトが隣に新しい若い子が入り、この子は既に私達が共用しているバスルームで自分の髪の毛を染め、あちこちに染みをつけていやがると言っていたのを思い出した。

タブには、使い終わった歯磨き粉（蓋も空きっぱなし）と、ゴム、ホテルから持って来た空のシャンプーが置かれているし、抜け毛もタブにひっついたままだ。この子は自分の髪の毛はそのまま流しているんだろうなあー。　ゲンコツと顔をひっぱたいてやる！

それにしても、この変わり様には驚いた。たったの１０日空けただけでこんなにもかわるのか？
私とルームメイトだけだったら、私達のバスルームも奇麗だったのに、この先が思いやられるなー．．．．トホホ．．．．

「最近の若者は〜」って言いたい所だが、これは歳の問題ではなく親の躾けがなっていないからなのだ。
二十歳を過ぎるこの子の癖は、いくら言っても直らないのだろうなぁー。

しかし、

しかーし、

私達と一緒に暮らす以上は、最低限の常識やマナーは守ってもらわないと困るので、しっかり言うぞー！！

激戦開始だ！






  

０７／１１／０７　１３：１２　ナシュビル　（７／１２　３：１２　沖縄）

しぐとぅはじみーぬひーぬ、二日めーに、コミュートし、くんぐぁち、はじみてぃぬフライトんかい、万全、期ーすんはじやたん。

やたしが、

わんぬ、コミュートぬ便が、てぃんちん、わっさんでぃち、キャンセルんかいなてぃ、うぬめーぬびぬん、てーげーやキャンセルやるはじやくとぅ、トライしー

ぶくんねーらん。

不覚にん、ニューワークぬてぃんち、しらびーわりしてぃらんでー（うちなーぬ、台風接近情報や、あまくまうてぃ、しらびたるむんぬ）。

ちゅうぬ、ゆーあきーがたーぬ便やれーからー、１０席以上あちゅーたるむんぬ．．．．．．．

は〜な〜、後悔しんはじまらん！

あちゃぬ、してぃみてぃ、トライしんじゅは、なー。

うりしん、ならんでーからー、一日、飛行場んかいうてぃ、次ぬ便、あんし又次ぬ便でぃち、たみすんてー。

あちゃん、ならんでぃーねー、あさてぃぬ、当日コミュートんかんげーらりーん。

いちおうや、やーんかい、数時間やてぃん、ながでーうらりーるくとぅんかい、かんしゃさ。

んでぃち、

ちゅうばーむにーすーしが、だんだん、わたがやでぃっちゃん．．．．．．．．．．．．．

ち◯まがぁーや！　　　く◯くぇー！　 く◯ぉー！

わんぬ、やなくとぅばじけー、ゆるちとぅらしみそーり！

＊おりこーや、まにはんきよー！

*******************************************

仕事開始日の2日前にコミュートして、今月初のフライトに万全を 期するはずだった。


が、


私のコミュートの便が、悪天候の為キャンセルになった。

その前の 便もほぼキャンセルだから、トライする気力がない。

不覚にも、ニューワークの天候を調べ忘れたのだ（沖縄の台風接近の情報は色んな所で調べたのに）。

今日の早朝便だったら１０席以上空いていたのに．．．．．

あ〜、後悔しても始まらない。

明日の朝の便をトライしてみよう。

それも駄目なら一日空港に居座って次の便、そして次の便って試してみるさ。

明日も駄目なら、明後日の当日コミュートも考えられる。

とりあえずは、家に数時間でも長く居れる事に感謝しよう！　

って、

強いふりをして言っているが、だんだん

胃が痛くなって来た．．．．．

ちくしょー！

ふぁっ◯、ふぁっ◯、ふぁっ◯！


私の暴言をお許し下さい。

＊　よい子は真似しないでね
  

０７／１０／０７　１９：００　ナシュビル　（７／１１　９：００　沖縄）

またん、腕とぅ肩んかいぶつぶつーがいんじてぃ、はたはたーすーたん。

久し振りやっさー。うみてぃんでーからー、太陽ぬ陽ーんかい直接あたいすぎやるはじ。

わらばーんころや、ゆーいんじてぃ、おばーぬにーんかい、いかはっとぅーたるくとぅ、うみーいんじゃちゃん。

おばーが、タバコぬ、きむい、ぶつぶつーなとぅーるとぅくまんかい、ふかち、草履し、ぬんがらあびーがちーなー、おまじないふーじーあびとぅーたん。

あんしーねー、次ぬ日ーねー完全にのーとぅたん。

あん時や、ありがあたいめーんでぃち、うみとぅーたしが（でぃゆーかー、ぬーんうまーんたん）、なまかんげーてぃんでーからー、いっぺー不思議なてぃ

ならん。

やくとぅ、今回や、おばぁーぬ、うぬ、おまじない、うみーいんじゃち、ディーンかい葉巻ふかちとぅらち、うりぬ、きむいぐぁー、わんぬ腕んかい、かきてぃ

きみそーりんでぃち、うにげーさん。

はー、あんされー、だー、わんぬぶつぶつーがぐなくなとーん。

多分、ニコチンがうぬじんましんふーじーんかい、ちちゅるばーるやはじ。

むかしんちゅぬ、知恵や大事に受けちぢいちーぶはっさー。

うどぅるちゅるうっさ、ゆくしふーじーぬ、ふんとーぬ話やいびーたん。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

又、腕と肩にジンマシンの様にぶつぶつができて大変な事になっていた。

久し振りだ。多分、陽に直接あたり過ぎだと思う。

子供の頃はよくでて、祖母の所にやらされていた事を思い出した。

祖母がタバコの煙をブツブツになっている所に吹きかけ、草履で何か言いながらおまじないの様なのを言っていた。

そうしたら、次の日には完全に治っていた。

あの時は、あれが当たり前だと思っていた（というか、何も思わなかった）が、今考えてみたら、とても不思議でならない。

だから、今回は祖母のそのおまじないを思い出して、ディーンに葉巻を吸ってもらって、それの煙を私の腕にかけてもらう様にお願いした。

そしたら何と、私のブツブツはみるみるうちに小さくなっていった。

多分ニコチンがそのジンマシンの様なのに、抗力作用があるんだと思う。

昔の人の知恵は大事に受け継いで行きたいものだ。

びっくりするぐらい、嘘の様な本当の話なのだ。



  

なーなーなー、でーじなとーん！
わんが、やーんかい、けーてぃちーねー、ちゃあ、やーんなかが、ありてぃ、でぃーんや、わじわじー。
ありが、しぐとぅから、けーてぃちゅーるめーに、やーんなか、かたじきらんねーならんさー。

あんしん、いちゃんとぅーせーからー、くんしありーがやー。
われながら、感心すっさー。

オッケー、

オッケー、

あんしぇーやー。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

もう〜〜〜〜〜〜、大変！
私が家に帰ってくると、いつも家の中が荒れて、ディーンが怒っている。
彼が仕事から帰って来る前に、家の中を片付けなければ．．．．．

それにしても、どうやったらこんなに荒れるんだろう。
我ながら感心する。
















オッケー、

オッケー、

じゃあねー。

PS：　途中、「くわがな技法」を取り入れました。　分かったかなぁ？　（笑）。　　

スクロール　ダウン．．．
  

０７／０９／０７　０８：５５　ナシュビル　（７／９　２２：５５　沖縄）

ぬーんでぃちがらわからんしが、うぬ、くとぅばが、ちゅぶるから、はなりらん。
用意が行きとぅどぅち、手抜かりがねーんどぅる意味。

しあさてぃから、しぐとぅんかい、むどぅいくとぅ、いーななーから、しぐとぅんくとぅが、きになとぅーるばーらがやー？。
はー、やーんかい、うるばーや、しぐとぅんくとー、わしりーぶさしが。
だー、わったーぬしぐとぅや、どぅーんやーから、ベースんかい辿りちかんねー、しぐとぅん、ならんくとぅ、まじぇー、コミュート（通勤）からしわはんねーならん。

くんぐぁちぬ、しぐとぅはじみや７／１３。　
どぅるくとぅや、前日ぬ１２日にニューワークんかいコミュート（飛行機し移動）すんばーやしが、うぬ日ぬフライトや５便中、4便や既に満席とぅオーバーブック。してぃみてぃぬ便びっけーが、2席あちゅーしが、うりん、しぐーうまいる可能性んあくとぅ、油断ならん。　
なかねー、当日コミュートするうっちゅんちゃーん、てーまいうしが、わんねー、小心者やくとぅ、ちゃあ、しぐとぅぬ前々日ぐらいからそわそわーし、落ち着きがねーんないん。

あ〜、わしりれ〜！
わしりてぃ、むんかま、だー！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

何故か知らないが、この言葉が頭から離れない。
用意が行き届いて、手ぬかりがないという意味だ。

明々後日から仕事に戻るので、その事が気になっているのだろうか？。
家にいる時は仕事の事は忘れたいが、私達の仕事は、自分の家からベースに辿り着かないと仕事が出来ないので、まずはコミュート（通勤）から心配しなければいけない。

今月の仕事初めは７／１３。
という事は、前日の１２日にニューワークにコミュート（飛行機で移動）する訳だが、その日のフライトは５便中4便は既に満席とオーバーブック。早朝の便だけが2席空いているが、これもすぐにうまる可能性があるので、油断出来ない。
中には、当日コミュートする人達も沢山いるが、小心者の私はいつも仕事の前々日ぐらいからそわそわし始めて、落ち着きがなくなるのである。

あ〜、忘れよう！
忘れてご飯たべよーっと！