方言日記（まかびむにー）

なぁーあとぅ、いひぐぁーし、新年やいびーんやー。
くとぅしん、むるんかい、せわになてぃ、お礼んあびーしん、うすくないびたしが、じゅんに、にへーでーびる！
くとぅしや、ROKぬティーサージパラダイス、チャットステーションL、　あんし、オリジンぬこきざみインディアンぬオリジンアワーとぅ、ブログとぅーち、てーまいんちゅとぅ、しっちょるーなてぃ、いっぺーいいとぅしやいびーたん。

おかぁーん、おとうーん、やーぐなん、むるちゃあがんじゅうやし、うりふどぅ、ありがたはるくとーねーやびらん。
わんねー、最後ぬ最後にかじひちねーやびらんしが、ちゅう、医者んかいいんじ、くすいぐぁーいてぃ、やーうてぃ、養生ぐぁーするちむいやいびーん。
新年や、鼻じゅるじゅるーし、いんけーるくとぅんかいないびーっさー。
２００８年や、健康第一し頑張らんねーないびらんやー。

あんすらー、ぐすーよー、らいねぬん、また、ゆたしくうにげーさびら！
ぐすーよーん、健康んかい、きーちきてぃ、くみそーりよー！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

もう少しで新年ですね。
今年も皆にお世話になったのに、お礼を言うのが遅くなりましたが、本当に有り難うございました！
今年は、ROKのティーサージパラダイス、チャットステーションL、そしてオリジンのこきざみインディアンのオリジンアワーと、ブログを通して沢山の方達とお知り合いになれて、とてもいい年でした。

両親も家族の皆も元気だし、これほど有り難い事はないですね。
私は最後の最後に風邪を引いてしまって、今日お医者さんに行って薬をもらって、家で養生するつもりです。
新年は鼻水たらして迎えることになります。　（クスン）
２００８年は、健康第一で頑張らなくていけませんねー。

それでは、皆さん、来年も宜しくお願いいたします。
皆さんも健康には気をつけて下さいねー！
  

１２／２５／０７　9:2５am　パリ










おとう、おかぁ、ねぇねぇたぁ、にぃにぃたぁ、うっとぅ、みーっくぁんちゃぁ、どぅしんちゃあ、ロマンチックディナーみそーとぅーるカップル、どぅーちゅい、やーうてぃ、むん、みそーとぅーるうっちゅ、いざかやーうてぃ、どぅしんちゃーとぅ、わーないすーるうっちゅ、病院ぬんかい入院すーる患者んちゃー、家族むるまじゅいテレビいんちゅーるうっちゅんちゃー、しぐとぅすーる船乗り、はるさー、消防士、警察官、むるんかい愛をくみてぃ、

メリークリスマス！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊











お父さん、お母さん、お姉さん、お兄さん、妹、姪や甥達（の子供達も）、友達全員、ロマンチックなディナーをしているカップル、独りで家でご飯を食べている人、居酒屋で友達同士でわいわいさわいでいる人達、病院に入院している患者さん、家族皆でテレビを見ている人達、仕事をしている船乗り、畑仕事をしている人、消防士、警察官、皆に愛をこめて、

メリークリスマス！

  

１２／２３／０７　５：４１　ニューアーク

ちゅうから４日間ぬパリ。
くんくぁいや、でぃーんまじゅいやいびーん。
ディーンやちゃくとぅし、わんがわじゃするフライトんかいぬてぃちゅーん。
パリうてー、まるふちかあくとぅ、外出用ぬズボンこーいんがいちゃびたん。
やしが、あみりかーや、むる、ひさんながはるばーがら、わんが、ちーし、ありんくりん、むる、ながはぬ、にーりたん。
最終的ねー、長はしが、上等ぐぁーぬ、ちーやっさる、くるー、こーどろい、こーやびたん。
あまんかいちっちから、たきや、のーするちむいるやいびーん。
はーなー、短足なれーからー、苦労すっさー。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今日から４日間のパリ。
今回はディーンも一緒だ。
ディーンは乗客として私の働くフライトで来る。
パリではまる２日あるので、外出用のズボンを買いに行った。
しかし、アメリカ人は皆足が長いのか、私が試着するもの全てが長くて困った。
最終的には、長くても質のいい、着やすい黒のコードロイを買った。
あそこに着いてから丈を直すつもりだ。
あ〜あ〜、短足っていうのはホントに苦労するもんだ。。。。
  

応急処置終了！

次や　（次は）、

  
続きを読む

１２／１９／０７　　8:50am　　　ニューアーク

かんげーてぃんでーからー、うちなーぐちんかいや　「ぶりっ子むにぃ〜」んどぅしがねーやびらんやー。
くぬ、タイトルよー！
はーっしぇ！
ぬーが、うんし、くとぅばぬ、ニュアンスんかい、差ーぬあいびーる！　（笑）
一応、わんねー、わぃなぐんぐぁやくとぅ、「ぶりっ子」ぐぁーしーし、「イヤんなっちゃう！」んでぃ、訳すーしが、ふんとうや、「嫌になる！」るやいびーん。
あんしが、うりちけーいねー、じゅんに、「に〜り〜ん！」んどぅる、くとぅばぬ、重みがねーんないるばーるやいびーんでー。

前置きが長くないびたしが、ぬーがにーりてぃがんどぅるくとぅ、なまから書ちんだひー。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

考えてみたら、沖縄の方言には「ぶりっ子」の可愛い言い方がないなあ。
アハ、このタイトル！　
何てこんなにも言葉のニュアンスに違いが出てくるんだろう！　（笑）
一応、私は女の子なので「ぶりっ子」風に「イヤんなっちゃう！」と訳したが、正式は「嫌になる！」だ。
しかしそれにすると、本当に「嫌だー！」っていう言葉のニュアンスの重みが無くなってしまうんだよな。

前置きが長くなったが、何が嫌になったかという事をこれから話そう。。。




  
続きを読む

１２／１８／０７　１１：００am　　パリ

先週ぬ金曜日ぬティーサージぬお題や「口癖」やいびーたんやー。

わんが、ちゃああびーる口癖や、

「いんだ〜」、「は〜や〜？」、「は〜っしぇ！」、「はぁあ〜んまよー！」　とぅかやっっさー。

うん中うてぃん、とぅくに、「いんだ〜」や、ぬーんかいん、くぃーんかいん、たっくぁーち、ちかとぅーっさー！

みーっくぁぬわらびんかい、ちゃーあびらりぃーっさー。

かんげーてぃんでーからー、うぬぶろぐうてぃん、ゆー、「だー、〜」んでぃち、ちかとぅーるはじやっさー！

あびーしん、かちゅしん、

だぁ、、、、、いんだ、、、、、、

はんまよーなー！

　＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

先週の金曜日のティーサージのお題は「口癖」でしたね。

私の口癖は、

「いんだ〜」、「は〜や〜？」、「は〜っしぇ！」、「はぁあ〜んまよー！」等だ。

その中でも、特に「いんだ〜」は何にでも、かんにでもくっつけて使ってるわー！

甥っ子の子にいっつも指摘されてるなー。

言う時も、書く時も、

だぁー、、、、、いんだ、、、、


あ〜、いけない！  

１２／１４／０７　　１０：２１pm　　ナシュビル

なま映画からけーてぃっちゃん。
ディーンがいんじーぶはんでぃち、誕生日めーからちゃーあびーすーたしやしが、あんまりいちーぶこーねーんたん。
あんしやー、SFんでぃ、かちぇーるむんぬやー。。。。
わんねー、SFやないびらんしが。
あんしが、うりぬ誕生日やし、いちむや、うりが我慢し、わんがいんじーぶはる、ドラマ系いんちとぅらすっくとぅ、ちゅうや、うりんかいあーち、いんじっちゃん。
どぅしんちゃーん、まじゅい、映画館ぬとぅないぬ、レストランうてぃ、むんかでぃからいんじゃん。

映画？
ディーンや上等やたんでぃ、満喫さるふーじーやたしが、わんねー、けーにんてぃ、わかいびらん。
わぃなぐんちゃーぬ、どぅしんちゃーや、途中からいんじたんどぅる、うっちゅんちゃーとぅ、さいごわーきいんちゃしが、「やーとー、なー、絶対まじゅんやくーん」でぃち、わじとぅーるどぅしん、うたん。　（わんびっけーや、あらんてーさやーんでぃち、うかしくなたん）。　わぃきがんちゃーや、上等やたんでぃあびとぅーたっさー。（笑）　　わぃきがとぅ、わぃなぐし、うんしちげーいるやー。。。。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今映画から帰ってきた。
ディーンが、誕生日前から見たい、見たいと言っていたものだが、あまり気が進まなかった。
SFだからだ。。。。
私はSFが苦手だ。
だけど、ディーンの誕生日だし、いつもは彼が我慢をして私が見たいドラマ系を見てもらっているから、今日は彼に合わせて行ってきた。
友達も一緒に映画館の隣のレストランで食事をしてから行った。

映画？
ディーンは凄く良かったと言って満喫したらしいが、私は寝てしまってわからない。　
女性陳は途中から出た人達、「もう二度とあなたと映画には来ない」と怒っている人がいた。（そう思うのは私だけじゃないんだなーって、可笑しくなった）　　男性陳は口を揃えて「良かったなー」と言っていた。（笑）　
男子と女子とで、何でそんなに違うんだろう。。。。

  

１２／１４／０７　０９：３２　ナシュビル　





ちゅうや、してぃみてぃなーから、わさわさーすーっさー。
ディーンぬ、うまりびーやいびーくとぅ、ほんにんゆーかー、わんがわさわさーし、あまくまんかい、メールうっちゅーんでー。

きぬー、うにげーせーたる、チャットステーションLぬみぃかぁぬ、バースデーソングん、きさー、たいんなむんまじゅいちゃびたん。
はーーーーーーんまよー！　ディーンがでーじ、うむっさくーし、ちゃあわれーやいびーたん。
うぬ、うた、ちちゃる、あとぅあとぅん、みぃかぁぬ、物まねし、どぅーし、どぅーぬ、バースデーソングうたとぅーいびーたんどー。　（笑）
してぃみてぃなーから、どぅしんちゃーからん、でんわん、ちゃあないし、いいしてぃみてぃ、いんけーるくとぅがなてぃ、いっぺー、ちむんふじゅーる、ふーじやいびーたん。うかげし、ちゅうぬ誕生日ん、うりから又一年ぬん、いいとぅしんかい、ないぎはーやいびーん。
にーへーでーびる！

＊　みぃかぁぬ“Birthday”ぬはちおんや、１０点満点ぬ１０点でぃ、いちょーたん！


  
続きを読む

電話やしかん！
きぬー、久々に実家んかい電話されー、おとーがいんじたん。

ディーン：　　おはようございます！　（うちなーぬ、してぃみてぃやいびーたくとぅ）
　　　　　　　ちゃあげんきー？　　あはは〜、はい、ちゃあげんきー。
　　　　　　　ちょっと待って下さい。

　　　　　　　　　　　　　ー　わんとぅ交替ー

私：　　おとー、ちゃあ元気ぃー？　変わいやねーみ？　むる元気？
父：　　うん、ぬーん変わいやねーん、むる、ちゃあ元気！
私：　　だぁ、おかあやー？　　デイ・ケヤーらるい？
父：　　うん
私：　　かわいんねーやれー、上等やは。　あんすらー、ちーんどー！
父：　　うん、はいはい、おっけー！

　　　　　　　　　　　ー　ガチャー　　（約４０秒）　　笑

うりがいちむぬパターンやいびーしが、意思ぬ疎通やいっぺーなはとーやびーんどー。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

電話はあまり好きじゃない。
昨日、久し振りに実家に電話をしたら父が出た。

ディーン：　　おはようございます！　（沖縄の朝だったので）
　　　　　　　ちゃあげんきー？　　あはは〜、はい、ちゃあげんきー。　　
　　　　　　　（ディーンはこの部分だけ沖縄の方言を話す。笑）　
　　　　　　　ちょっと待って下さい。
　　　　　　　　　　　　　　　　

　　　　　　　　　　　　　ー　私と交替ー

私：　　おとー、元気ぃー？　変わりない？　皆も元気？
父：　　うん、何も変わりはないよ、皆元気だよー！
私：　　おかあは？　　デイ・ケヤーに行ってるの？
父：　　うん
私：　　そうか、変わりないんだったら上等さー。　じゃあ、切るよー！
父：　　うん、はいはい、おっけー！

　　　　　　　　　　　ー　ガチャー　　（約４０秒）　　笑

これがいつものパターンだが、ちゃんと意思の疎通は取れているのだ。





  
続きを読む

なーいひぐぁ〜し、ディーンぬ誕生日がちゅうくとぅ、ぷれぜんとぐぁーこーてぃっちゃん。
（もうすぐディーンの誕生日なので、プレゼントを買ってきた）






ついでに、しちゃや、クリスマスぬタイパレードやいびーん。
（ついでに、下はクリスマスのタイパレードだ）  
続きを読む