方言日記（まかびむにー）

１／２８／０８　パリ　１３：２５

はい、パリやいびーん！　いひぐぁーやくもとぅーしが、いいてぃんちやいびーん。　気温や４℃んでぃ、機長からぬアナウンスが、あいびーたしが、うんしぇー、くうけー、ひじゅるくやねーやびらんさー。　１０どびっけーねーすん。ちゅうぬ、飛行時間や６時間３５分し、　全部スムーズにいちゃびたん。離陸んばーに、わんぬ、ジャンプシートぬ、まんめーぬ、キャリアー（ソーダとぅかいってーる、いれむん）が、ロックはっとぅーるはじやしが、とぅびいんじてぃいっち、けーしかだしが、うり以外や、ぬーんどぅるくとぅんねーらん、サービスん、へーくなー、終わてぃ、ひまるそーいびたる。　飛行機や揺りーんどるくとんねーいびらんたくとぅ、いっぺー上等やいびーたん。　時間があいびーたくとぅ、又ん、日の出ぬ写真とやびたん。

（はい、パリです！　少しだけ曇っているがいい天気だ。　気温は４℃と機長からのアナウンスがあったが、空気はそんなに冷たくない。１０℃ぐらいに感じる。今日の飛行時間は６時間３５分。全てがスムーズにいった。　今日の飛行時間は６時間３５分で全てがスムーズにいった。離陸の際に私のジャンプシートの目の前のキャリアー（ソーダとか入っている入れ物）が、ロックされているはずなのに飛び出してきたのには驚いたが、それ以外は何事も無く、サービスも早く終わって暇を持て余していた。飛行機は揺れるという事もなかったので順調にいった。　時間があったので、又日の出の写真を撮った。）







































  

なまから、しぐとぅやいびーくとぅ、空港んかい、7時ぬシャトルバンぬてぃちゃいびたん。
なまわーきぬ、運転手とぅちげーっさー。。。。。。。んでぃ、うみたれー、あい、ぬーが！
３年めーに、クビんかいなはったんどぅる、うぃなぐんぐぁらっさい！
でーじ、かわてぃ、おとなぐぁーなてぃ！

めーや、おしろいん、ばんない、たっくぁーち、ちみん、いっぺーぬばち、むんゆみーよーん、うすまはぬ、くるまぬ、うんてぬん、あらはぬ、うとぅるはたしが、なまー、いっぺー、ちゅらかーぎーないびとーん。めーから、ちゅらかーぎーやいびーたしが、でーじはですぎてぃ、せっかくぬ、ちゅらかーぎーがだいなしやいびーたくとぅ、なまぬ、うんちゅ、いんち、いっぺー、ちむんふじゃん。　　はなしー、ちちゃれー、ぬーやてぃん、２ねんめーに、わらび、なち、やーうてぅ、専業主婦すーたんでぃがら。　なまー、おしろいん、いひぐぁーし、むんゆみーよーん、うとぅなぐぁーなてぃ、くるまぬうんてぬん、ゆんなーやいびーん。　ちゅんどぅせー、わらびなせーからー、かわいるむんやいびーんやーたい。　うぃきぐぁんちゃーん、おんなじやいびーるはじ。
　ぬーがら、ちゅーや、うぬうっちゅとぅ、あーてぃ、とぅくさる、気分やいびーん。　

ちゅうや、なまからパリやいびーん。
あんすらー、いちゃびらひーたい！


これから仕事なので、空港に7時のシャトルバンを乗ってきた。
今迄の運転手と違うなー。。。。。。と思ったら、あら、まぁー！
３年前にクビになったという女の子だ。
とても変わって、大人っぽくなっている！

前は厚化粧で爪もかなり伸ばしていて、話し方も凄く車の運転も荒く怖かった。　が、今はとても奇麗になっている。前から美人だったがあまりにも派手で、せっかくの美人顔が台無しだったので、今の彼女を見て嬉しく思った。話してみると、何でも２年前に出産し、家で専業主婦をしていたとか。今はお化粧も薄く、しゃべり方も大人っぽくなり車の運転もゆっくりだ。人って子供を産むと変わるもんなんだなー。男性もそうなんだろうなー。
なんだか、今日はこの人と会って得した気分になった。

今日はこれからパリだ。
では、行って来ます。
  

  

いつか、「やーぬみー会」　（家飲み会）を開催したいと思っているんですが、どうですか？

インターネットでチャットが可能になった現代、ブログ仲間同士家で飲みながらオフ会をしてみませんか？
これだと、飲酒運転の心配ないし、お酒を飲めない人、飲まない人も参加できます。　もちろん世界中の人が参加できる。
どうですか？

私って、ただの酔っぱらい？
もう、寝ます！




  

ひさびさぬロンドン。
たーん、しっちょーるーが、うらんくとぅ、どぅーん、じゃーうてぃ、どぅーちゅいぬみー。

（久々のロンドン。　誰も知っている人がいないので部屋で一人飲み）

＊　　お菓子の陳列は、あたびちさん風、　ワインを注ぐ音は、かよさんのコーヒー風、笑




  

ちゅうから、しぐとぅやいびーくとぅ、きぬー、ナシュビルからニューアークんかい、コミュート　インさびたん。
飛行機や５０名乗りぬ、ぐなーぐぁ。　いちばん、くしぬ席やたくとぅ、エンジンぬ写真とぅいやびたん。　うれー、飛行機うとぅるーがー、うん席んかいや、ひらきららんはじやっさー。うとぅん、うすまはぬ、がたがたーするはじ。わんにんかいとぅれーから、最高ぬ席やいびーたん。

（今日から仕事なので、昨日ナシュビルからニューアークにコミュートインした。飛行機は５０名乗りの小さい機種。一番後ろの席だったのでエンジンの写真を撮った。　飛行機恐怖症の人は、この席には座れないだろうなー。　轟音も凄い。　私にしてみれば最高の席だった。）







飛行時間や１時間３７分。　やしが、ゲート出発から到着地ぬゲートわーき、約２時間飛行機ぬ中。　暇やたくとぅ、機内食（スナック類）ぬ写真とぅったん。　

（飛行時間は１時間３７分。　しかし、ゲート出発から到着時のゲートまで約２時間飛行機の中。暇だったので、機内食（スナック類）の写真を撮った。）







いっぺー暇やたくとぅ、機内ぬまがじぬんかい、ぬとぅーる、クロスワード・パズルしんちゃん。　
（とても暇だったので、機内のマガジンに載っているクロスワード・パズルをやってみた。）







なーいひぐぁー！　　（もうちょいだ！）
着陸めーに完成しみらんねーならん！　　（着陸前に完成させなければいけない！）

？

？

？

あんし、やっと完成！　（そして、やっと完成！）





皮肉な事に、神はここにも私にメッセージを送っていた。






  
続きを読む

動画テスト３も大成功！

オレオがやっと私の所に来た！　
カメラを隠して、そーっと、そーっと、撮ったつもりなのに、又逃げて行きやがった。。。。。




して、この声聞き覚えある？　　
  

あいえーなーなーなーなー！
いーななー７：００pmなてぃねーらん。　わんねー、うまんかい２時めーにいっち、なまん、ばーぬカウンターうてぃ、ブログそーいびーん。
うま？　　んでぃちん、わかいびらんでぃうみーくとぅ、せつめいさびらひー。

うまや、某航空会社ぬ会員制ぬクラブやいびーん。
一年ぬ会費が、個人し約３８、０００円し、わいぬん、すなっくん、ただやいびーん。　（種類やかぎらっとーいびーしが）
どぅるくとぅや、一ヶ月し約３，２００円。
空港内ぬワインぬ相場が、うぬ空港うてぃ、てーげー７００円（たかーなれーからー、一杯１，０００円から１，２００円）
わんが、うまんかいちゅーせー、てーげー月に６回。
あんし、毎回うまうてぃ、５杯（ぐなーグラス、笑）びっけー、ぬむくとぅ、一回ちゅうるぐとぅに、普通にはらとぅーいびーねー、７００円　x　５　＝　３，５００円　＋　スナック　ちかとーいびーん。　どぅるくとぅや、スナックんまじゅいあーち、いっかい最低５，０００円　x　６回んでぃなれーからー、一ヶ月し、３０，０００円ちかとぅーるくとぅんかい、ないびーん。　　だー、一ヶ月し、なーいひぐわーし、むとぅとぅいる計算やいびーん。　（うぬけいさんや、あたとーいびーがやー？）

だー、なー一回計算しんだ！　

一回分（一日）　５，０００円　x　６回　＝　３０，０００
毎月６回んでぃしーねー、　３０，０００　x　１２（一年分）　＝　３６０，０００円
はらとぅーる会費、一年分が３８，０００円やくとぅ、
３６０，０００　―　３８，０００　＝　３２２，０００円

うり！

わんねー、一年に３２２，０００円　節約すーるくとぅんかいないん！！！！
うんたきあいねー、海外旅行ないんどー！






やしが、ワインぬまんねー、なーひん節約ないびーんやーたい！　　　
わかいびーしがてーーーーーーーーーーーーーーーーーーーーーーーー。。。。。。。








標準語の訳は後ほどさせていただきます。。。（酔いがさめてから。。。）　　すみません。。。。。。

お待たせしました。　これから訳致します。　


あ〜りゃりゃりゃりゃ〜！
もう７：００pmになってしまった。　私はここに２時前に来て、今もバーのカウンターでブログをしている。
ここ？　　と言っても分からないと思うので説明しよう。

ここは、某航空会社の会員制クラブだ。
一年の会費が、個人で約３８，０００円でワインもスナックも只だ。　（種類は限られているが）
という事は、一ヶ月で約３、２００円。
空港内のワインの相場が、この空港では大体７００円（高いものだと、一杯１，０００円から１，２００円）
私がここに来るのが大体月に６回。
そして、毎回５杯（小さいグラス、笑）位飲むので、一回来る毎に普通に支払いをしていたら、７００円　x　５　＝　３５００円　＋　スナック代。
っと言う事は、スナックも一緒に合わせて一回に最低５，０００円　x　６回となると、一ヶ月で３０，０００円近く使っている事になる。
ほら、一ヶ月で、既にやがて元を取る計算だ。　（ん？　この計算は当たっているか？）


どれ、もう一度計算をし直してみよう！

一ヶ月　→　　５，０００　（一回分）　x　６回　＝　３０，０００円
一年分　→　３０，０００　（一ヶ月）　x　１２　＝　３６０，０００円
払っている会費、一年分が３８，０００円だから、
３６０，０００　―　３８，０００　＝　３２２，０００　

ほら！

私は一年に３２２，０００円節約している事になる。
こんなにあったら、海外旅行できるぞー！




だけど、ワインを飲まなければもっと節約できるねー！
それは分かっているんだけど。。。。。。。。。。。。。。。。。。。！
  

ちゅうぬ、してみてぃ、テレビちきたれー、「俳優ぬヒース・レジャーがけーまーちゃん」んどぅるニュースすやびーたん。　２９やたんどぅるくとぅ。
あぬ、「ブロークバック　マウンテン」ぬゲイ役さるイケメン。　「ペイトリオッツ」しメル・ギブソンぬ長男役さる可愛いぃぐぁーやいびーん。
ぬーやてぃん、睡眠薬ぬ、ぬみ過ぎがら分からんんどぅるくとぅ。　自殺どぅやがら、ぬーどぅやがら、なまーまーだ分からんどぅるくとぅやしが、死体ぬすばんかいや、睡眠薬がうかっとぅーたくとぅ、自殺がらわからんどぅるくとぅ。

はー、なーなーなー、ぬーがぬーんでぃち、どぅし、ぬちうとぅすがやー？

うんちょー、いっぺーハンサムぐぁーやたし、アカデミー最優秀男優賞がらんかいんノミネートはりーるびけー、演技んじょうじやくとぅ、なまから、さちぇー、うほーく期待ないる俳優やたるむんぬやー。。。。。。でーじ、残念やいびーん。

うりが、もし事故んでぃなれーから、うりん、また、わじーし、うとぅるはぬ、ないびらん。
わんにん、ゆーゆるにんだらんなてぃ、にーりーるばーん、あいびーしが、うんとぅーが、あいびーくとぅ、睡眠薬んどぅせー、てぃーちきらんぐとぅ、そーいびーん。　わんぬ、しぐとぅ、しんかぁーんかい、睡眠薬ちゃーむっち、うりがねーんねー、にんだらんどぅるうっちゅが、てーまいうん。あんすくとぅ、わんねー、うとぅるはぬ、ぬみーはん。　ぬーが、うとぅるはがんでぃーねー、うんとぅ、くすい、ぬみはじみーねー、くせなてぃ、ちゃーぬみーし、だんだん、ちかんなてぃ、ぬむる量が、ううくないんばーやあらんがーやーんでぃ、うみーん。　あんしーねー、いちか、どぅーが、わからんうちに、てーまい、うちゅぬでぃ、けーまーすんどぅるくとぅん、あいびーるはじんでぃ、うみとぅーるばーるやいびーん。

ちゅうや、してぃみてぃから、ちむぐるはるニュースがながりてぃ、ちゃいびたん。
ヒース・レジャーぬ御冥福うーとーとぅーさびら。

  
続きを読む

ちゅうや、てぃぬかんぐとぅー、だてぃー、つ（ちゅ）くやびたんどー。　ぬくいむんぬ冷凍エビ全部ちかてぃ、炒りちゃーめーとぅ、具ーんまんだきーぬ、みそ汁、あんし、ながでー、かでーかんたる、サラダやいびーん。　ちゅうや、昼間からワインぬどーいびーくとぅ、ぬみむんや、みじびっけーやいびーん。　おりこーやいびーんやー？　（笑）　サラダドレッシングや、くぬめーこーたる味噌味ドレッシングやいびーん。　ふりかけやディーンぬ大好物（笑）　。

（今日は手抜きをしないで、ちゃんと作りました。残り物の冷凍エビを全部使ってチャーハンと、具沢山のみそ汁、そして長い事食べていなかった（久し振りに）サラダです。今日は、昼間からワインを飲んでいるので、飲み物は水だけです。　おりこうさんでしょ！（笑）　サラダドレッシングは、この間買った味噌味ドレッシングです。ふりかけはディーンの大好物。　（笑））








clear="all">



clear="all">


新年そうそう、かじひち、うりがのーたがやーんでぃ、うみたれー、くしやみー。　あんし、うりがのーたがやーんでぃ、うみたれー、なまねー、まぎまぎーとぅ、ちらんかい、にーぶたーがいんじてぃ、でーじなーとーん！

（新年そうそう風邪を引き、それが治ったかと思ったら腰痛、そして今度はでっかいおできが顔に出来ている。　もう―大変！）