方言日記（まかびむにー）

ちゅうや、アミリカぬ独立記念日。

わったぁーが、やーこーたる日ー。

わんが、アミリカんかいいっちゃる日ーが、あちゃないん。

あちゃし、２０年ないびーん。

へーさよー。


やーこーたる日ーや、いっぺー、わくわくーし、しぐとぅん、てぃーんかいちかんたん。カーテンや、いちゃんぐとぅーいるんかいすが？　壁んいちゃんぐとぅーいるなすが？　家具ん、いちゃんぐとぅーこーいが？　なーんかいや、ぬーうぃーが？　ぬーぬーし、いみいんちょーいびーたん。めーぬ、家主ぬ都合し７ぐぁちいっぱいや、引っ越しないびらんたくとぅ、くぬ一ヶ月や、ひーっちー、車し、やーんめーとぅーてーしーしーし、どぅーぬやー、いんち、幸福感あじわとぅーたん。ありから、なー、５年。へーさっさー。

アミリカんかい行っちゃるばーや、いっぺーうとぅるはたん。英語んあんまりあびーならんたくとぅ、まーんかい、いちゅるばーん、辞典むっちいんじゅーたん。アミリカ人ぬジョークんぬーんわからん、うむっさこーねーんたん。やしが、住めば都。アミリカやわんぬ“Home”、わんぬ、ふにうみーるとぅくまんでぃち、うみとーいびーん。

うんとぅー、かんげーとぅーたくがらわからんしが、きぬうや、飛行機が墜落するいみいんちねーらん。ハブぬいみんいんち、うりがまた、ちゅらかぁーぎーやたくとぅ、わんねー、どぅーし、うぬハブかちみてぃ、にーにーんかいわたちゃっさー。かんげーららん！


なまからロンドン。

ちゅうや、クラスメート（正社員になる前にトレーニングで一緒だった）とまじゅい。レイオーバーが楽しみやいびーん。