方言日記（まかびむにー）

ちゅうや、ローマ（Rome）んかい、いっちょーいびーん。

うまん、あちはぬないびらん！

やしが、うちなーふどー、あちこーねーんはじ。

うまー、北緯４１、９０。

青森ゆーかーいひぐぁーや、うぃーんにーんかいあたいびーん。

地図しいんでーからー、あぬ、イタリアぬブーツぬ、ちんしーぬ、しちゃぬ、めーんにーんかいあたいん（くんだぬ、反対ぬにー）。だー、うまー、ぬーんでぃ、あびーてぃーがやー？　ちんしーぬ、しちゃやいびーん。


うぃーぬ、写真や何年かめーに、バチカン市国んかい、いんじゃるばーに、とぅったし。くんくぁいや、ちかりてぃ、観光やはんたん。
昼間やちゃーにんじーし、ゆるぬ８時から、クルーとぅ、まじゅい、夕飯かみーが、んどぅる、ちみーやたしが、まるまる一時間ばっぺーてぃ、結局や、ホテルぬ中うてぃ、どぅーちゅい、むん、かむるくとぅんかいなたん。せっかく、おしろいんぬてぃ、上等すがいしいんじとぅーるむんぬ、うぬまま、部屋んかいむどぅいみやー。うぃなぐんちゃーや、うぬ、きむち、わかいるはじ。（笑）

ルームサービスとぅいしゆーかー、レストランうてぃかむせー、やしくちちゅし、ゆるから、どぅちゅい、ふかんかい、いんじーんどぅしん、かんげーむんやくとぅ、まじぇ〜、ロビーぬバーんかい、いんじ、ワインぬでぃから、レストラぬんかい、うちてぃ、「カラマリータ」んどぅし、うさがたん。　

ぬーが、うれー！　？？？

んどぅしが、くぬ、料理ぬ感想。

「カラマリータ」んどぅる、のーじから、いちゃぐぁーぬスパゲッティー、そうぞうすーたしが、麺ぬ半分煮ーさるふーじー。うかはっさーんでー、うみたしが、ぜんぶ、うさがたん。（へへ）　あんしから、又バーんかいむどぅてぃ、バーテンダーんかい、むんや、ちゃーやいびーたが？んでぃ、ちかったくとぅ、「ぬーが、シェフや、へーくなー、やーんかい、けーいんでぃち、めぬん、にーらんうちに、わんにんかい、くぃてぃ、でーじやっさー！」んでぃち、冗談まじりにあびたれーわらーったん。あれー、あんぐとぅー料理るやいびーんどー」んどぅるくとぅ。いちゃっさ、にちん、やはらーくやならんどぅるくとぅやいびーたん。どぅるくとぅや、あれー、麺やあらんたるばーやさやー。。。。。ぬーやたるばーがやー？　あんまり、深くかんげーらんぐとぅー、デザートんかい、ベイリーズぬオンザロック注文し、どぅーん、じゃーんかい、むちっち、あじわたん。


クルーとぅ、まじゅい、ふかんかい、いんじーはんじゃーさしが、バーうてー、ジャズぬ演奏んちかったし、いいやんべーさん。