方言日記（まかびむにー）

ようやく、にーけーんかい、うちきーる、ソファー、こーたる、ちむいやいびーしが、ちゃーないがら。。。。

しょうぐゎちや、うまうてー、１日びっけー、まーんくぃー、しまてぃ、ひっそりすーしが、２日からー、あまんくまん、新年セールがはじまてぃ、いちゅなはぬないびらん。　わったーが、いんじゃる、家具屋ーん、ちゅん、まんでぃ、しかでぃねーらん。　「不景気」んでぃ、あびらっとぅーるわりねー、こーいむんさーや、まんどーいびぃーたっさー。


いんだ、あんすらー、ぬーが、ぬーんでぃち、わったーぬ、ソファー、「こーたるちむい」んかいなとぅーがんどぅるくとぅぬ、説明さびらひーたい。


日本や、ちゃあがら、わかいびらんしが、うま、アミリカうてー、「クレジットヒストリー」んでぃ、いーる、なーめーめーぬ、なまわーきぬ、借金履歴とぅ、支払い履歴が、まぎーこーいむん、するばーに、いっぺー、重要んかいなてぃちゅーん。キャッシュ払いやれー、うれー関係ねーんしが、ひっちー、キャッシュ払いしーねー、うぬ、クレジットヒストリーんどぅしが、ねーん（いきらはく）ないくとぅ、将来、やーこーたい、車こーたいするばーに、ローン組むるとぅきに、ながでーかかたい、運がわっさいねー、ローンが組まらんくとぅんかいないるばーんあいびーん。あんすくとぅ、わったーや、くんくぁい、わざとぅ、ローン組むんでぃち、申込書をぅ、申請さびたん。又、うぬ家具屋ーんのー、「１２ヶ月、Same　as　cash」＝「支払いや１２ヶ月後、しかも、利子んちかん」どぅるローンやいびーくとぅ、一旦うりさーにかい、ローン組でぃ、３ヶ月以内に全部しへーぃんどぅる予定るやいびーん。わったーや、時々うんとぅーし、どぅーたーなーぬ、クレジットぬ信用性があがいるぐとぅ、うんぐとぅー、支払い方法とぅてぃいっちょーいびーん。


いちむやれー、しぐー、ローン組まりーしが、くんくぁいや、１０日かかいんでぃがら。　は〜んまよー！　なまわーき、うんしかかたるくとーねーんしが、うぬ、家具屋ーや、だいじょうぶがやー？　もっとも、あまー、あまし、わったーぬくとぅ、うたがとぅーるはじやしが、わざわざ、わったーが、ローン組むる理由や説明しーぶこーねーんたくとぅ、あんすらー、１０日待ちゅさんでぃ、うぬ、家具屋ーからいんじてぃっちゃん。ようするに、わったーが、うりんでぃち、きみたるソファーや、わったーぬ、クレジットヒストリーが上等んでぃち、証明はってぃからしか、こーららんどぅるばーるやいびーん。ローンサービスぬうっちゅとぅ、セールスまぬんかい、「はーっしぇ、じんがあんやれー、クレジットカードかキャッシュしこーれー！」　んどぅるふーじーし、あびらったしが、うんとぅーし、あびらりーねー、ぬんがら、わじわじーしっちねーびらん。（笑）　あんしやー、クレジットカードしこーいねー、利子がちちゅるむんぬやー。　どぅーたーなーし、「１２ヶ月　Same　as　cash」しこーらりーんどー！んでぃち、宣伝すーるくせに！んでぃ、だんだん、わったーん、意地んかいなてぃ、「しむさ！むし、うりがとぅーらんやれー、ふかんとぅくまんかい、いんじ、キャッシュしこーいさ！」んでぃち、ディーンとぅ、話ーさびたん。（笑）どうせ、うまうてぃ、こーてぃん、ソファーぬ配達や、１／２４にしか、ならんぬやー。。。だー、またん、だんだん、わじわじーしっちょーん！　（笑）





やっと、２階に置くソファーを買ったつもりだが、どうなることやら。。。


ここの正月は、元日のみ至る所が閉店になりひっそりしているが、２日めからは何処も新年セールが始まって賑やかになる。私たちが行った家具屋も人が多くて驚いた。「不景気」と言われている割には買い物客が多いもんだ。


どれ、じゃあ、なぜ私たちのソファーが「買ったつもり」になっているかという事の説明をしよう。


日本はどうだか分からないが、こちらアメリカでは、「クレジットヒストリー」という個々の今迄の借金履歴と支払い履歴が、大きい買い物をする時にとても重要になってくる。キャッシュ払いをするのであれば、これは関係ないのだが常にキャッシュ払いをしているとクレジットヒストリーが無く（少なく）なり、将来、家を購入したり車を買ったりする時、ローンを組むのが長引いたり、運が悪いとローンが組めなくなったるする場合がある。だから、私たちは、今回はわざとローンを組もうと申込書を申請した。又、この家具屋のは「１２ヶ月、Same　as　cash」＝「支払いは１２ヶ月後、しかも無利子」というローンなので、一旦そのローンを組、３ヶ月以内に全部支払う予定でいる。私たちはこの様に、時々自分たちのクレジットの信用性を上げる為にこういう支払い方法をとってきた。


いつもだと、すぐにローンが下りるのだが、今回は１０日かかるとの事。え〜？今迄そんなに時間がかかった事はない。この家具屋、大丈夫だろうか？　もっとも、先方は先方で私たちの事を疑っているに違いない。しかし、わざわざ私たちがローンを組む理由は説明したくないので、じゃあ１０日間待つと言い放ちその家具屋を後にした。要するに、私たちが「これだ！」と決めたソファーは、クレジットヒストリーが良好であるという事が証明されるまで購入出来ないという事なのだ。ローンサービス担当の人と、セールスマンに「お金があるんであれば、クレジットカードかキャ種で買えば？」みたいな口ぶりで言われたが、そういう風に言われるとなんだか腹が立って来た。（笑）だって、クレジットカードで買うと利子がつくわけだし、自分たちで「１２ヶ月　Same　as　cash」で買える！と宣伝しているではないか！と、だんだん私たちも意地になってきた。「よし、もし、それが通らない様なら他の店でキャッシュで買おう」と、ディーンと話した。（笑）　どうせ、ここで買ってもソファーの配達は１／２４にしか出来ないというし。。。。

ほら、

又、だんだん腹立たしくなってきた。（笑）





はい、

息吸ってぇーーーーーーーーーーーーー。


はい、

吐いてぇーーーーーーーーーーーーーー。　


フゥーーーーーー。　（笑）



さあ、部屋の掃除はじめよーっと！