すっぽん

鼈

ゆなか、にんだらん、暇やたくとぅ、ことわざ、あしび、すーたれ、「＿と鼈」んでぃーる、問題がいんじたん。なんとぅなく、くとぅばぬ、長さとぅ、リズムし、くたゑ〜、「月とぅ、すっぽん」どぅるくとー分かいたん。やしが、くぬ、「すっぽん」でぃーる漢字よー、はー、ぐじゅぐじゅーし、みーらんしが！　拡大しんちゃれー、うぃーぬ、うんぐとぅ、なたん。はーっしぇ、うんし、むちかはる！　うんとぅー漢字や、じょーい、かちーはんしが！　んでぃ、うみたしが、ちゅぶるぬ、まんがらうてぃ、うぬくとぅが、わしららん。あんすくとぅ、あとぅから、コンピューターし、「鼈の書き順」んでぃ入ってぃ、検索さん。あんされー、しちゃぬ、サイトが、いんじてぃっちゃん。うれー、いっぺー、上等サイトやっさー。親切に、画数とぅ、部首ぬ説明ん、あい、くぬ、漢字ちかーっとぅる、四字熟語ぬ、紹介んあん。くりし、勉強しーねー、漢字検定試けぬん、一級合格ないるはじどー。んでぃち、わんぬ、くとーあらんしが！　だぁー、なま、漢字検定試けぬんかい、むきてぃ、勉強すーる、ぐすーよー、ちばりよーたい！

夜中眠れずに暇だったので、ことわざ遊びをしていたら、「＿と鼈」という問題が出た。何となく言葉の長さとリズムでその答えは「月とすっぽん」というのは分かった。しかしこの「すっぽん」という漢字、ごちゃごちゃしててよく見えんぞ！拡大してみたら上記の様になった。はぁー、何て難しいんだ、こんな漢字はとてもじゃないが書けやしない！と思ったのだが、頭のどこかでこの事が忘れられず、後になってコンピューターで「鼈の書き順」と入れ検索した。すると下記のサイトが出て来た。おぉー、これは非常に良いサイトだ。親切にも、画数や部首の説明もある他、この漢字を使った四字熟語などの紹介もある。これで勉強すれば、漢字検定試験の一級だって合格できるはず。って私の事ではないよ。今漢字検定試験に向けて勉強なさっている方々、頑張って下さいね〜。


http://kakijun.main.jp/page/suppon25200.html

記事作成：０８／２７／１２（月）ナシュビル　１４：００　曇り　３３℃