方言日記（まかびむにー）

くんかいや、２デートリップ、ノースキャロライナぬ、シャーロットぬ、レイオーバーんかい、いんじっちゃん。

ホテルぬ、み〜ん、め〜んかい、モールが、あんでぃ〜くとぅ、いんじっちゃん。

最初ぬ道わたいんとぅきに、ラーメンや〜、発見。

は〜しぇ、てぃめ〜とぅ〜かんとぅきに、みちき〜ね〜、いっぺ〜、テンション上がいんど〜や〜。

ちゅうぬ、ランチや、うまうてぃ、かむんでぃち、きみてぃ、モールんかい、さちにいんじ、用事すまちゃん。

あんし、ホテルんかい、け〜いるめ〜に、ランチ、うまうてぃ、かだん。

中や、て〜げ〜、まが〜。

「Bar」んでぃ、かんばぬんかい、書ちぇ〜るだきあてぃ、バーが四角形なてぃ、３０名びっけ〜、ひらきらり〜るはじ。

フロアーや、テーブル席とぅ、ブース席があてぃ、わんね〜、ブース席んかい、ひらきたん。

メニューいんちゃれ〜、ふとぅんどぅ、「スパイシー（辛はん）」んでぃ、書かっとぅ〜くとぅ、「わんね〜、辛〜や、しかんくとぅ、普通ぬ、味噌ラーメンや、ね〜んがや〜？　

んでぃち、うにげ〜さん。

ついでに、あんだ〜ぎ〜ん、たぬだん。

うりん又「スパイシー」。

は〜な〜、に〜り〜っさ〜。

うりん、普通味ぬ、あんだ〜ぎ〜、注文さん。

「は〜、ぬ〜が、ぬ〜んでぃち、むる、スパイシーやる？」

んでぃ、冗談ふ〜じ〜しあびたれ〜、「ソースがるスパイシーどぅやる、あんだ〜ぎ〜自体や辛こ〜ね〜んど〜たい」んどぅるくとぅ。

はくばってぃっちゃる、あんだ〜ぎ〜、うぬ、スパイシーソースんかい、かきてぃ、かだれ〜、ま〜はたん。笑

あとぅ、「Tempura]んでぃ〜ね〜、えびとぅか、やせ〜いとぅか、ミックスしちゅ〜るはじんでぃち、うみとぅ〜たしが、むるエビやたん。笑

現地ぬちゅぬ「Tempura]ぬイメージや、えびしか、ね〜んば〜るやはじやっさ〜んでぃ、うみたん。

あんし、味噌ら〜めんが、はくばってぃっちゃん。

味噌汁がいっぺ〜、あじく〜た〜なてぃ、ま〜はたしが、うり、め〜にち、かみ〜ね〜、血圧、上がいるはじ。

麺ぬ硬さん、わん好み。

ただ、麺ぬ長さが、いんちゃはしが残念やたん。

アミリカうて〜、スパゲッティー、ちっち、かむるうっちゅんうくとぅ、現地ぬ住民ぬ好みんかいあ〜ちゅ〜るば〜るやはじ。

やしが、ラーメンどぅせ〜、スルスル〜し、かむしがる、ま〜はんど〜や〜。

んでぃ、どぅ〜ん、ちむん中うてぃ、文句いちょ〜たん。

あとぅ、うぬ中んかい、い〜ね〜、従業員が、むる、まが〜くぃ〜し、「らっしぇ〜！」んでぃ、くぃ〜かき〜しん、ぬんがら、うかはたん。

「いらっしゃい！」んでぃ、あびとぅ〜るちむいやるはじ。笑

最初や、ぬ〜んでぃ、あびとぅ〜がら、分からんたしが、ちゃくが、いんじ〜るとぅきに、「ありがと〜！」んでぃ、あびとぅ〜たくとぅ、あっは〜、ゆんね〜すんね〜、いんけ〜ぃる、挨拶が、「いらっしゃい！」やんば〜やさや〜んでぃ、気ぢちゃん。

ぅむっさっさ〜。



【訳】今回は２日間のトリップ、ノースキャロライナ州シャーロットでのレイオーバーに行ってきた。

ホテルの目の前にモールがあると聞いたので行ってみる事にした。

最初の道を渡る時にラーメン屋さんを発見。

お〜〜〜〜っ、探してない時に見つけると超テンションが上がってしまう。

今日のランチはここにしよう。

と決め、モールに先に行って用を済ませた。

そしてホテルに戻る前にそこでランチタイム。

中は、まあまあ広い。

「Bar」と看板に出てるだけあってバーも四角形になっており３０人ぐらい座れそうだ。

フロアーは、テーブル席とブース席があり、私はブース席に着いた。

メニューを見ると、殆どが「スパイシー（辛い）」と書かれているので、「私は辛いのは好きではないので普通の味噌ラーメンはありますか？」

とお願いした。

ついでに天ぷらも注文したのだが、これも又「スパイシー」となっている。

あ〜っもう〜っ！

こっちも普通味の天ぷらを注文。





「なんでそんなに全部スパイシーなの？」

と冗談ぽく言うと、「ソースがスパイシーなんであって、天ぷら自体は辛くないので大丈夫ですよ」との事。

運ばれてきた後、そのスパイシーソースに天ぷらをつけて食べたら美味しかった。笑

あと、「天ぷら」と言えば、エビや野菜のミックスで来るものだと思い込んでいたのだが、来たのは海老のみだった。

現地の人たちにとって「Tempura]のイメージは海老しかないのかも知れないな〜。

今度は味噌ら〜めんが運ばれてきた。








味噌汁は味が濃くて美味しかったが、濃すぎてそれを毎日食べると血圧上がりそうだ。

麺の硬さも私好みだ。

ただ、麺の長さが短いのだけが残念だった。

アメリカでは、スパゲッティーを切って食べる人もいるので、現地の住民の好みに合わせているのだろう。

いやいや、しかし、ら〜めんというのはスルスル〜と啜って食べてこそ美味しいんじゃないのか？

と、自分の心の中で文句を言った。

あとは、このお店の中に入ると従業員達が威勢よく「らっしぇ〜！」と声掛けをするのは面白かった。

「いらっしゃい！」と言っているつもりなのだろう。笑

最初は何を言ってるのか分からなかったが、客の帰り際に「ありがと！」と言っていたので、それは多分お迎えの挨拶で「いらっしゃい！」なんだなと気づいた。

面白いね〜。





記事投稿：２０２３年　令和５年９月１５日（金）
シカゴ　晴れ　７６℉／２５℃ １４：１０





  

ちゅうや、ペンシルバニア州ぬ、ハリスバーグ。

ちゅうや、テネシー州代表ーVSーワシントン州代表が、イースタンタイムぬ、午後３時からとぅ、次に日本ーVSー中国が５時からやたくとぅ、ホテルぬ近くぬスポーツバーんかい、いんじ、いんちっちゃん。

残念なくとぅに、テネシーん、日本ぬん、負きてぃね〜らんしが、ゆ〜、ちばたんんでぃち、ふみ〜ぶはん。

来年、又、ちばりよ〜んでぃ、うみ〜ん。



【訳】今日はペンシルバニア州のハリスバーグ。

今日は、テネシー州代表とワシントン州代表の対戦がイースタンタイムの午後３時、その次に日本ーVSー中国があったので、ホテルの近くのスポーツバーにて観戦をした。

残念な事に、テネシーも日本も負けてしまったが、よく頑張ったと褒めてあげたい。

来年又頑張って欲しい。







記事作成：２０２３年　令和５年、８月２１日（月）
ハリスバーグ、PA 曇り　２３：５６






　
  

久しぶりに、しぐとぅぬ、レイオーバーが、ニューヨークぬマンハッタンやたくとぅ、ラーメン屋〜、てぃめ〜てぃ、「丼屋」んでぃ〜る、とぅくまんかい、いんじっちゃん。

わんにんかい、とぅってぃ、ニューヨークや、ま〜はる日本食が、かまり〜る街。笑

シェフん、サーバー（ウェイトレス）ん日本人が、う〜さん。

ナシュビルんかいん、日本食レストランやあしが、ふとぅんどぅが、韓国人かベトナム人経営やくとぅ、メニューんかい「はんまよ〜、うり、なちかさよ〜！」んでぃ〜る料理がね〜らん。

あてぃん、いまいち、ぬ〜がらが、足ら〜んね〜する〜。

ら〜めん屋〜や、ナシュビルぬ、ダウンタウンんかい、あるふ〜じやしが、いんじゃるくと〜ね〜んくとぅ、分からんさ〜。

わった〜や〜ぬ近くんかい、あいね〜、め〜にち、いんじゅ〜るはじやしがや〜。

あんすくとぅ、くぬ、丼屋ぬ店員んかい、じひ、「ナシュビルんかい、店、いんじゃちとぅらはんな〜？」んでぃ、うにげ〜さん。笑

うぬ、丼屋や、ラーメン屋〜やあらんぐとぅ〜、丼中心ぬ居酒屋〜ね〜し、メニューん、て〜まいあてぃ、いちか、メニュー全部、制覇し〜ぶはっさ〜。
あはは〜

【訳】久しぶりに仕事のレイオーバーがニューヨークのマンハッタンだったので、ラーメン屋さんを探し当て「丼屋」という所に行ってきた。

私にとってニューヨークは、美味しい日本食が食べれる街だ。笑

シェフもサーバー（ウェイトレス）も日本人が多い。

ナシュビルにも日本食レストランはあるが、殆どが韓国人かベトナム人経営なのでメニューに「おっ、懐かしい〜っ！」という料理がない。

あったとしても今一何かが足りない感じがする。

ラーメン屋さんはナシュビルのダウンタウンにもあるそうだが、行ったことがないのでよく分からないな〜。

うちの近くにあれば毎日通ってるだろう。

なので、この丼屋の店員さんに、是非ナシュビルにも開店して下さいよ〜！とお願いをした。笑

このお店は、ラーメン屋ではなく丼を中心とした居酒屋風で、メニューも沢山あった。

いつかそのメニューを全部制覇したいな〜。あはは〜









253 W 55th St, New York, NY 10019
(212)980-7909

うまんかい、いんじ、きじちゃしが、うま〜、２０１８年８月３日に、うぬブログんかい、ぬしたる、「中国ビザ（長いよ〜）」ぬ中うてぃ、紹介さる、「Yakitori Totto（焼き鳥、鳥人）」んどぅる居酒屋〜ぬ、しぐ、すばやたん。

（訳：ここに行って気づいたのだが、そこは２０１８年８月３日にこのブログに載せた「中国ビザ（長いよ〜）」の中で紹介した「Yakitori Totto （焼き鳥、鳥人）」という居酒屋のすぐ側にあった。）










記事作成：２０２３年　令和５年　８月１９日（土）１１：40
シカゴ　曇り　７６°F／２５℃









  

ちゅうから、わじゃやくとぅ、きぬ〜、シカゴんかい、コミューとしっちゃるば〜るやしが、ホテルんかい、チェックインし、戸〜開きたる瞬間、どぅまんぎたん！

  

きぬ〜ぬ昼間にハワイぬ、カウアイ島ぬリフエ（Lihue)んかいちっちゃん。

うまんかいちゅ〜せ〜はじみてぃ。

あちは〜あしが、かじんあくとぅ、いっぺ〜しだはん。

ビーチん、ホテルぬ敷地内んかいあくとぅ便利。

あとぅ、ホテルからABCストアーんかいん、あっちいかり〜くとぅ、いんじっちゃん。

やしが、まちや〜や、ぐな〜ぐゎ〜やい、日本ぬ、ビールんうちきて〜うかんたくとぅ、がっかり。

とりあえず、カップヌードルこ〜てぃ、け〜てぃっちゃん。

【訳】昨日のお昼にハワイのカウアイ島のリフエ（Lihue)に来た。

ここに来るのは初めてだ。

暑くはあるが風があるのでとても涼しい。

ビーチもホテルの敷地内にあるので便利だ。

それと、ホテルからABCストアーにも徒歩で行けるので行ってきた。

しかしお店は小さい上に日本のビールを置いてないのでがっかり。

とりあえず、カップヌードルを買って帰ってきた。







ちゅうぬ、ひてぃみてぃや、海んみじんかい、ひさ、ちきてぃっちゃん。

擦り傷があくとぅ、海んみじし、の〜いね〜しむしが。

ちゃあないがら？

やしが、海や、くくるん、癒さり〜っさ〜。

うちな〜が、なちかはぬならん。

【訳】今朝は海の水に足をつけてきた。

擦り傷があるので、それで治ってくれれば良いのだが。

どうなることやら？

それにしても海は心も癒されるね〜。

沖縄が恋しい〜。



  

Sioux Falls　んでぃち書ち、「スーフォールズ」んでぃち、ゆむんでぃがら。

サウスダコタ州ぬ、南東んはらんかい、位置し、地図しいんじ〜ね〜、しちゃぬネブラスカ州、斜めしちゃぬ、アイオワ州、とぅないぬ、ミネソタ州があ〜いる、境界線ぬ、かどぅんに〜んかい、あたいん。

サウスダコタんでぃ〜ね〜、大統領ぬちらが、ふらってぃ、有名な観光地、マウントラシュモアが、浮かぶるはじやしが、スーフォールズや、うりからあがりんはらんかい、車し、５時間びっけ〜いんじゃるとぅくまんかいあん。


【訳】　Sioux Falls と書いて「スーフォールズ」と読むそうだ。

サウスダコタ州の南東側に位置し、地図上で見ると直ぐ下のネブラスカ州と斜め下のアイオワ州、隣のミネソタ州がかち合う境界線の角に当たる。

サウスダコタと言えば、大統領の顔が彫られて有名な観光地、マウントラシュモアが浮かぶはずだが、スーフォールズはそこから東へ車で５時間ほど行った所にある。







うってぃ〜、や〜んかい、け〜てぃっちゃん。

たったぬ、３日間ぬフライトし、コミュートんあ〜ち４日間しかいんじて〜ぅかんたしが、いっぺ〜長く感じ〜たん。

くんくゎいや、サウスダコタ州ぬ、スーフォールズんどぅるとぅくまんかい、いんじっちゃん。

「うまんかいいち〜ね〜、滝いんちく〜よ〜。いっぺ〜ちびら〜はくとぅや〜、かんなじ、行きよ〜。わんね〜、あみん日〜やたしが、いんじ良かったんでうみたんど〜」んでぃ、先輩んかい、あびらったくとぅ、うんし、ちびら〜はんやれ〜、わんにん、いち〜わるないる！

んでぃち、レイオーバーが３３時間あたくとぅ、ホテルんかいチェックインさる、ふちかめ〜に、フロントデスクうてぃ、いち〜かた、ならてぃ、いんじっちゃん。

うま〜、ホテルから、あっち２０分（道草とぅか、あまくまうてぃ、写真撮影はんぐとぅ〜、まっす〜ぐ〜いち〜ね〜）びっけ〜し、行かり〜ん。

いいくとぅに、てぃんちん、はりとぅ〜たくとぅ、うむいぬまま〜、観光、満喫さん。

ふんと〜んくとぅあび〜ね〜、最初に、「滝」んでぃ、ちちゃるとぅきや、５０メートルびっけ〜ぬ崖ぬてっぺんから、い〜ちゅ〜ね〜し細く流り〜る滝、想像す〜たくとぅ、ホテル出発め〜に、どぅ〜んじゃ〜うてぃ、ネット検索し、いんちゃる写真いんち、がっかりさん。笑

やしが、実際、くぬ滝んに〜んかい、いんじゃれ〜、迫力満点やたくとぅ、ちむんふじゃん。

滝ぬみじや、ゆるや、ライトアップすんでぃがら。

あんしうりが、クリスマスぬ時期んかいないね〜、赤〜とぅか、お〜る〜色ぬカラフルな色んかいかわいんでぃがら。

滝びっけ〜やあらんぐとぅ〜、長年、雪がとぅきてぃ、氷みじんかいなたるみじんかい、けずらってぃ、形成はったる赤〜石ん、上等やたん。


【訳】　一昨日家に帰ってきた。

たったの３日間のフライトで、コミュートを合わせて４日間しか出てなかったのだが、とても長く感じた。

今回は、サウスダコタ州のスーフォールズという所に行って来た。

「そこに行くのなら滝を見てきなさい、とても素晴らしいんだから。絶対行きなさいよ。私なんか雨が降ってたけど行って良かったと思ったわよ」と先輩に言われたので、そんなに素晴らしいのなら私も行かなくては！

と、レイオーバーが３３時間あったので、ホテルにチェックインした後日にフロントデスクにてそこへの行き方を習い行ってきた。

そこはホテルから徒歩２０分ぐらいで行け（寄り道や、あちこち写真撮影などせず真っ直ぐいけば）、幸い天気も良かったので思う存分観光を満喫した。

正直なところ「滝」と聞いた時は、５０メートル程ある崖のてっぺんから糸の様に細く流れる滝を想像していたので、ホテル出発前に自分の部屋でネット検索をして見た写真にはがっかりした。笑

しかし実際にこの滝の近くに行くと迫力満点で気持ちも高鳴った。

滝の水は、夜になるとライトアップされるそうだ。

それがクリスマスの時期になると赤や青い色のカラフルな色に変わるんだとか。

滝だけではなく長年に亘り、雪が溶け、氷水となった水に削られて形成された紅い石も綺麗だった。

フォールズパークの玄関　↓

ビジターセンターのタワーから観望　↓

ビジターセンター　↓

公園内　↓

おみやげ

  

シカゴから、ちゅううがなびら！

ちゅうん、うま〜、いいてぃんちないぎは〜やっさ〜。

ちゅうや、午後から、フロリダぬ、フォートマイヤーズ（RSW)んかい、いんじ、うまからワシントンD.C.（IAD)んかい、乗務。

あまか〜辺や、ハリケーン・フレッドがいっち、てぃんちがいっぺ〜荒りとぅ〜るふ〜じやしが、フライトや、順調にいちゅがて〜？

ちゅ〜ん、うやふぁ〜ふじんかい、てぃ〜むちゃぎてぃから、いんじらんね〜ならん。

うやふぁ〜ふじんでぃ〜ね〜、くとぅしぬ、盆や、８月20日〜８月22日んでぃがら。

くとぅしん、COVIDぬ影響し、まかびぬ実家ん、わぇ〜かんちゃ〜ん、墓参りんならんくとぅ、アミリカうてぃ、てぃ〜あ〜ち、う〜と〜とぅ〜するちむいやん。

と〜あんしぇ〜、ちゅ〜ん、一日、ちばりわるやる！


【訳】シカゴから、おはよう〜！

今日もここは良い天気になりそうだ。

今日は午後からフロリダのフォートマイヤーズ（RSW)に行き、そこからワシントンDC（IAD)への乗務だ。

あちら辺はハリケーンフレッドが来ており大分荒れている様だが、フライトはスムーズに行くだろうか？

今日も出かける前にご先祖様にお祈りをしよう。

ご先祖様といえば、今年の旧盆は８月２０〜８月２２日だとか。

今年もCOVIDの影響で真壁の実家や親戚、墓参りが出来ないので、このアメリカ国内でお祈りをするつもりだ。

さ〜、今日も一日頑張って行こう！

ディーンから送られてきた写真　↓

物置小屋の横で咲いているひまわり

スイングガーデンですくすく育つスイカ　↓

家を出る前のスイングガーデン　↓

そこで昨日収穫したと言うオクラとシシトウ　↓

今日も一日頑張ろう！




  

アルバーや、ニューヨーク州ぬ、州都　（キャピタルビルディング　↑）。

くんくゎいぬ、レイオーバーや、うまうてぃ、３２時間。

くまんかい、いっちゃせ〜、はじみてぃやくとぅ、いひぐゎ〜観光しっちゃん。

まじぇ〜、キャピタルビルディング（日本うて〜県庁・都庁）から。

ちびら〜さしが、木〜が邪魔やっさ〜。

んでぃち、ひじゃいんはらんかい、ま〜てぃんちゃれ〜、うまんかいや、州立博物館とぅ、ザ・エッグんでぃ〜る、たてぃむんが、とぅないんかい、建っち、とぅくさるきぶぬんかいなてぃっちゃん。

地図しいんじ〜ね〜、うれ〜、キャピタルビルディーングから、２ブロックびっけ〜、す〜じぐゎ〜、あっかんね〜ならんふ〜じ〜やたしがるや〜。

あんし、うまからやれ〜、キャピタルビルディーングん、むる、だてぃ〜、カメラんかい、おさまいん。


【訳】　アルバニーはニューヨーク州の州都。（上の写真はキャピタルビルディング）

今回のレイオーバーはここで３２時間。

ここに来たのは初めてなので少し観光に行ってきた。

まずはキャピタルビルディング（日本で言う県庁・都庁）から。

素晴らしい建物だが木が邪魔だ。

なので左側に回ってみた。

そしたらそこには州立博物館とザ・エッグと言う建物が隣接しており得をした気分になった。

地図を見ると、そこはキャピタルビルディングから路地を２ブロック程歩かなければならない感じだったから。

そしてそこからだと、キャピタルビルディング全体がカメラに収まる。　↓





玄関や、ま〜がや〜？　（玄関はどっちなんだろう？）

The Egg（ザ・エッグ）↓

くれ〜、コンベンションセンターとぅ、ちながてぃうてぃ、くまうて〜、コンサートとぅか、いるんな、イベントが、ゆ〜うくな〜り〜んね〜すん。

（ここはコンベションセンターと繋がっており、ここではコンサートや色んなイベントが開催されるようだ）

キャピタルビルディングとザ・エッグ　↓

State Museum（州立博物館）↓

館内や、ふとぅんどぅが、自然とぅ、動物、ぃんかしぬ、うっちゅんちゃ〜ぬ、暮らし、文化ぬ歴史そ〜な〜が展示ハッとぅ〜たしが、現代むんや２００１年９月１１日ぬアメリカの同時多発テロ事件当時ぬ、ニューヨークぬ街ぬ様子とぅか、警察官、消防士、その他レスキュー隊とぅ、被害者ぬ写真とぅ、スライド、生存者ぬくぃ〜とぅか、ながはっとぅ〜たん。

あんし、うぬ日〜ぬ、事件ぬ、流れをぅ、てぃ〜ちな〜、てぃ〜ちな〜、説明書きはっとぅ〜たくとぅ、わんにん、どぅ〜が、うぬ日〜、や〜んかい、うてぃ、テレビんめ〜から、いんじゅからんたるくとぅ，うび〜いんじゃちゃん。

９月１１日ん、な〜、来月やくとぅ、余計、悲しくなたん。

【訳】　館内は殆どが自然と動物、昔の人達の暮らし方や文化の歴史など展示されていたが、現代物としては２００１年９月１１日のアメリカ同時多発テロ事件当時のニューヨークの街の様子や、警察官や消防士、その他レスキュー隊と被害者の写真やスライド、生存者の声が流されていた。

そしてその日の事件の流れを一つ一つ説明書きされていたので、私もその日自分は家でテレビに釘付けになっていたのを思い出した。

９月１１月ももう来月なので余計悲しくなった。





博物館、いんじてぃから、ちゅ〜や、ま〜だ、ぬ〜んかで〜かんさ〜んでぃ、うみてぃ、レストランとぅか、バーがあいね〜、い〜んでぃやたしが、ま〜んかいん、みあたらんたくとぅ、仕方んね〜らん、ホテルんかい、け〜てぃ、ルームサービス、たぬだん。

ホテルぬ、レストランや、日曜日やあちゅ〜かんでぃがら（は〜な〜。。。）

たぬだせ〜、キャピタルバーガーんでぃ〜しとぅ、ブルックリン・ラガービール。

ブルックリン・ラガーや、いひぐゎ〜、いんじゃはたしが、ま〜はたっさ〜。

【訳】博物館を出て、そう言えば今日は未だ何も食べてなかったと、レストランかバーがあれば入ろうと思っていたのだが、何処にも見当たらないのでホテルに戻りルームサービスを注文した。

ホテルのレストランは日曜日は開いてないのだそうだ。（がっかり。。。）

注文したのは、キャピタルバーガーと、ブルックリン・ラガービール。

ブルックリンラガーは少し苦味があって美味しかった〜。









  

きぬ〜、サンディエゴ、いんじ〜るめ〜に、ゆかちゃんが、差し入れ、むっちっちとぅらちぇ〜たん。

中身や、ゆで卵、ブドウ、抹茶スティック、ローストビーフぬ、サンドイッチ、夕飯用に混ぜご飯とぅ、グリルチキン。

まじ始めに、サンドイッチ、きぬ〜、フライト中、サービスがうわてぃから、うさがたん。

ラッピングん、だてぃ〜、上等ぐゎ〜にちちでぃ、ゆかちゃんらしい。

サンドイッチや、いひぐゎ〜、辛味があてぃ、いっぺ〜ま〜はたん。

うぬ、辛味や、ぬ〜がや〜？

んでぃ、あとぅから、ちちゃれ〜、どぅ〜し作たる、スリランカ スリラチャ・マヨんでぃがら。

くんどぅ、レシピなれ〜わるやっさ〜。


【訳】　昨日サンディエゴを出る前に、ゆかちゃんが差し入れを持って来てくれた。

中身は、ゆで卵、葡萄、抹茶スティック、ローストビーフのサンドイッチと夕飯用に混ぜご飯とグリルチキン。

まず先にサンドイッチを昨日のフライトの中でサービスが終わってから頂いた。

ラッピングが綺麗に丁寧でゆかちゃんらしい。

サンドイッチは、ほんのりピリ辛でとても美味しかった。

この辛味は何？

と後で聞いたら、自製の「スリランカ　スリラチャ・マヨ」との事。

今度レシピを聞こう〜っと。






サンドイッチ、かでぃ、わた、みっち、１日中、や〜こ〜ね〜んたくとぅ、ゆるわ〜き、ぬ〜んかまんたん。

あんし、くま、グランドラピッツ（ミシガン州）んかいちっちから、メインディッシュぬ混ぜご飯とぅ、グリルチキン、うさがたん。

やしが、どぅくん、ま〜はぎはぬ、あわてぃてぃ、うちゅかでぃ、写真とぅいし、忘しりてぃね〜らん。

【訳】サンドイッチは腹持ちがよく、１日中お腹がすくことはなかったので夜まで何も食べなかった。

そして、ここグランドラピッツ（ミシガン州）に着いてからメインディッシュの混ぜご飯とグリルチキンを頂いた。

のだが、あまりにも美味しそうだったので慌てて食べてしまい、写真に収めるのを忘れてしまった。



ちゅうぬ、ひてぃみてぃや、どぅ〜んじゃ〜うてぃ、ゆで卵とぅ、ぶどうとぅ、抹茶。

丁度、フルーツが、かみ〜ぶはたくとぅ、たしかたん。

【訳】　今日の朝食は自分の部屋で、ゆで卵と葡萄、そして抹茶だった。

丁度フルーツが欲しかったので助かった。






ゆかちゃん、に〜へ〜で〜びる！　

ゆかちゃん、ありがとう！

  

ちゅうぬ、サンディエゴや、くむいね〜すしが、１０時ぐるから、雲やね〜んなてぃ、いいてぃんちんかい、ないんでぃがら。

（今日のサンディエゴは曇っている様だが、１０時頃から雲はなくなり良い天気になるんだとか）


ホテルいんじ〜る、２時間め〜に、しこ〜いん、うわたくとぅ、バルコニーうてぃ、コーヒータイム。

椅子んかい、ひらき〜ね〜、うんとぅ〜感じ。


（ホテル出発２時間前に身支度が終わったので、バルコニーにてコーヒータイム。

椅子に座るとこんな感じ。）↓





ハイチェアーが欲しいな〜！