2010年03月27日
リズボン(ポルトガル)
きぬー、リズボンから、けーてぃっちゃん。
あまんかい、いちゅせー、はじみてぃやいびーたしが、めーにん、いんじゃるくとぅが、あんばーやあらんがやーんでぃち、うみーるあたい、居心地ん上等やいびーたん。
ローマんかい、いんじゃるばーや、わんねー、生前や、イタリア人やたるはじんでぃ、感じたしとーいんむん、うぬ、土地とぅぬ、相性がしむるばーるやるはじんでぃ、うみぃーん。
うまー、緯度的ねー、日本ぬ、仙台とぅ、うんなじあたいやいびーん。
きぬー、うってぃーぬ、てぃんちや、晴りてーしーしー、くむてーしーしー。気温や5℃びっけーるやいびーたん。あんすくとぅ、道あっちゅーる、うっちゅんちゃーや、むる、まーだ、コートちちょーいびーたん。
くんくぁいや、はじみてぃぬとぅくまやいびーくとぅ、昼寝ぐぁーしから、どぅーちゅい、デパートんかいいんじゃい、こうえぬんかい、いんじゃい、スーパーうてぃ、ワインとぅか、こーいむんせーしーしーし、、ホテルぬまーいんにー、あっちゃーあっちゃーしちゃびたん。
デパートんにーぬ公園や、高台んかいあてぃ、うまから、みーる街や、映画んかい、いんじーぎはる、景色やいびーたくとぅ、しゃしぬん、てーまい、とぅってぃちゃびたん。
昨日リズボンから帰って来た。
そこに行くのは初めてだったが、前にも行った事があるのではないかと思える程居心地の良い所だった。
ローマに行った時も、私は生前はイタリア人だったのではないかと感じたのと同じで、この土地との相性がいいんだろうなと思った。
ここは、緯度的には日本の仙台と同じぐらいだ。
昨日、一昨日の天気は晴れたり曇ったりで、気温は5℃ぐらいだった。だから道行く人達は、皆まだコートを羽織っていた。
今回は初めて来る土地なので、昼寝の後一人でデパートへ行ったり公園へ行ったり、スーパーでワイン等買い物をしたりしてホテルの周囲を散歩した。
デパートの近くの公園は高台にあり、そこから見える街は、映画に出そうな景色だったので写真も沢山撮って来た。
こうえぬんかいや、うんとぅが、あいびたん。(公園にはこういうのがあった)
花ん、てーまい、さちょーいびーたん。(花も沢山咲いていた)
おっとっと、↑ これは我が家の木。
あんし、くんくぁいぬ、ふんとうぬ、目的や、うり。
そして今回の本当の目的はこれ。(笑)
そして今回の本当の目的はこれ。(笑)
とぅ(と)
フライト時間や6時間し、いんちゃはぁあいびーしが、またん、いちーぶさっさー。。。
フライト時間は6時間と短いが、又行きたいな。。。
2010年03月24日
2010年03月19日
我が家の芝生も青かった
Before
きぬーや、ディーンとぅ、おーえいさーにかい、わじわじーし、やーんめーぬ、掃除さびたん。
は〜っしぇ、うんとぅーし、ありんかい、わじてぃるうたがらんでぃち、はじかはぬないびらん。
どぅーし、ないるくとぅるやるむんぬやーたい。
とぅないぬ、芝生がいっぺーおーるーし、上等やいびーくとぅ、ぬんがら、いっぺー、劣等感、いだちょーぃびーたん。
やしが、掃除されー、だぁー、わったーやーぬ、芝生ん、おーるーやてーせーやーんでぃち、ちむふじゃん。(笑)
昨日は、ディーンと喧嘩をして頭にきてたので庭掃除をした。
は〜、こんな事で彼に腹を立てていたなんて恥ずかしい。
自分で出来る事なのにね。
隣の芝生が青々として奇麗なので、何だかすごく劣等感を抱いていた。
でも、掃除をしたらほら、我が家の芝生もグリーンだったんだと嬉しくなった。(笑)
After
2010年03月18日
あかとぅんちなーから (朝っぱらから)
ディーンとぅ、おーえいしねーぃびらん。`
くぢゅ、のーちゃるはじぬ、炊事場ぬ、流し台ぬ、排水パイプや、まーだ、じゅのーあらんくとぅ、まかい、あれーるかーじ、ながしんかい、みじがたまてぃ、にーりーん。
しちゃぬ、じゃーぬ、壁や、一部、はがはってぃ、まーだ、のーちぇーうかん。
コンピューターぬ、プリンターん、みーむぬんかい、けーたしぇーしむしが、コンピューターとぅ、接続はっとぅーかんくとぅ、プリントんならん。
やーんめーや、落ち葉ーんまんでぃ、ふーじんねーらん。
やるむんぬ、どぅしぐぁーが、あったーやーぬ、まんがら、のーすんでーからー、まっとーばいし、てぃがねーしーが、いんじ、どぅーん、やーや、ちゃー、あとぅまーしー。
やしが、かんげーてぃんでーからー、わんやてぃん、どぅーしないしぇー、どぅーしはんねーならんさーんでぃ、反省中。
だぁー、あんすらー、やーんめー、掃除しんだひーたい。
おーえいんどぅせー、じゅんに、あとぅあじが、わっさっさー。。。
ディーンと喧嘩してしまった。
去年直したはずのキッチンシンクの排水パイプはまだ完全に修繕されておらず、お椀を洗う度にシンクに水が溜ってイライラ。
下の階の部屋の壁は、一部剥がされたままで未だ直されていない。
コンピューターのプリンターも新しいのに替えたのはいいが接続されていないのでプリントも出来ない。
家の前は落ち葉だらけでみっともない。
なのに、友人達が彼らの家の何処かを直すというと真っ先にボランティアで手伝いに行き、自分の家の事はいつも後回しだ。
。。。。。。。。。。。。。。。
でも、考えてみたら、私だって自分で出来る事は自分でしなくてはね。
と、反省中。
さぁーってと、じゃあ、庭の掃除でもすっかぁー!
喧嘩って本当に後味が悪いよな。。。
上の画像は、姪のえ〜りからメールで送られてきたもの。
いつもは、私達もこんなカップルなのに、今日はどうしたんだろう。。。?
記事作成: 03/18/10(木) 07:54 ナシュビル
2010年03月17日
ゆなかに、がさがさ〜 (夜中にごそごそ)
きぬーや、いっぺーちかりてぃ、やーんかい、ちっち、しぐにんじーし、ゆなかぬ、12時すぎみ、みーさまちゃん。
むぬん、かでーうかんだくとぅ、わたん、ぐるぐるーし、とうとう、我慢ならんなたーにかい、うり、うちゅかだん。
いっぺー、まーはいびーたん。
やしが、うぬ、味噌汁ぬしじみよーたい、どぅくん、ぐなはぬ、なーいひぐぁーし、まるぐとぅ、うちゅぬむるとぅくるやいびーたんどーたい。
きーちきらんねーないびらんどーたい。
昨日は疲れ果てて、家に帰るなりすぐに寝、夜中の12時過ぎに目を覚ました。
食事もしてなかったのでお腹が空き、とうとう我慢出来なくなってこれを食べた。
と〜っても美味しかった。
でも、この味噌汁のしじみはあまりにも小さすぎる。
やがて丸ごと飲み込む所だった。
気をつけなきゃねぇ〜。
記事作成: 03/17/10(水)03:52 ナシュビル
2010年03月14日
夏時間
どぅーんじゃーんかいや、目覚まし時計が、たーち、うちきてーしが、うりぬ、時間とぅ、くぬ、コンピューターぬ時間が、あーらんくとぅ、ぬーがやー? んでぃ、うみたしが、にーぶいすーたくとぅ、うぬまま、けーにんたん。
みーさまちから、くりが、気になとぅーたくとぅ、目覚まし時計ぬ、時間、たーちんなむん、確認されー、時間やあたとぅーしが、やっぱし、コンピューターぬ時間とぅ、一時間ずりとぅーん。???
いほーなむんやっさー。。。んでぃ、テレビーぬ、ケーブルボックス、いんちゃれー、うれー、コンピューターぬ時間とぅ、おんなじ。???
あっは〜、やさっ、やたん。
ちゅうや、なつじかぬんかい、けーいる日ーやいびーたん。
んどぅるくとぅや、ちゅうから、日本とぅ、ニューアークや、13時間ちげーないびーん。
日本とぅ、ナシュビルや、14時間。
ヨーロッパん、夏時間やあいびーしが、あまー、3月ぬ最後ぬ日曜日にる時間変更すんでぃーくとぅ、さっこー、いほーんなむんやっさー。
うぬ、時間変更や、いちわーきたっちん、なりらんさぁ。。。
私の部屋には目覚まし時計が2つ置いてあるが、それの時間とこのコンピューターの時間が合わないので、あれ?と思ったのだが、眠かったのでそのまま床についた。
目が覚めた時、これが気になっていたので目覚まし時計の時間を二つとも確認した。時間は合っているがやっぱりコンピューターの時間と一時間ずれている。
変なのぉ。。。と思いながら、テレビのケーブルボックスに目を向けたら、こっちはコンピューターの時間と同じだ???
ああ、そうだ、そうだった!
今日は、夏時間に変わる日だったんだぁ。
という事は、今日から日本とニューアークは、13時間違うという事になる。
日本とナシュビルは14時間だ。
ヨーロッパも夏時間はあるが、あそこの時間変更は3月の最終日曜日という事なので非常にややっこしい。
この時間変更には、いつまでたっても慣れないなぁ。。。
記事作成: 03/14/10(日)ニューアーク 07:05
Posted by ゆぐりはいから〜 at
20:05
│Comments(4)
2010年03月13日
エジンバラ
なま、スコットランドぬ、Edinburgh(エジンバラ(エディンバラ))んかい、いっちょーいびーん。
くぬ、めーぬ、トリップしいんじゃる、マンチェスターぬ、かーま、うぃーんにー、やいびーん。
うぃーぬ、写真や、空港ぬ管制塔。
変わとぅーる、建てぃむんやいびーん。
うんぐとぅ形ぬ、管制塔や、あんまし、いんだらんくとぅ、写真とぅいやびたん。
今、スコットランドのEdinburgh(エジンバラ(エディンバラ))に来ている。
この前のトリップで行ったマンチェスターから、ずーっと北に行った所だ。
上の写真(最初の)は、空港の管制塔。
変わった建物だ。
こういう形の管制塔はあまり見られないので写真に収めた。
2010年03月10日
2010年03月10日
マンチェスター (イギリス)
ちゅうや、マンチェスターやいびーん。
くんくぁいや、ふかんかい、いんじーる、ちん、むっちっちぇーかんくとぅ、じゃーぐまいやいびーん。
むぬん、むっちっちぇーかんくとぅ、だー、やーくなてぃ、ねーぃびらん。
なまわーき、いひなー、いひなー、かばぬんかい、たっくでーたる、くぁーしぐぁー、かどぅーしが、ふんとーぬ、むんが、ふっさっさー。。。(なちぢら〜)
んでぃち、
ルームサービスぬ、メニュー、いんちゅーしが、うんとぅーや、あらんぐとぅー、なーびむんがる、ましらんでー。。。
いちにちびけー、うーがりてぃん、しむさやーたい。
わんにんかいや、いい、くすいだる!
今日はマンチェスターだ。
今回は、外出用の服を持ってきていないので部屋に籠りっきりだ。
食べるのも用意してこなかったのでお腹が空いてきた。
今迄、少しずつバッグに溜め込んでいたお菓子を食べているのだが、ちゃんとした食事がしたい。。。(泣)
と思い、
ルームサービスのメニューを見ているが、
こういうのではなく、鍋物が欲しいんだよな。。。
ま、一日ぐらい、食べなくったっていいか。
私にはいい薬だ。
てぃじょうんかいや、暖房ぬ、まぎー、排気口が、たーち、あいびーしが、くりしぇー、いちなてぃん、じゃーんなかや、ぬくくないびらんくとぅ、クローゼット(タンス)んかい、あたる、しに、ぐなー、ヒーター、いんじゃち、かきとーぃびーん。
ゆーふる、いっちゃる、あとぅ、ながりとぅ、くしんかい、「蒸気の温熱シート」んでぃーし、たっくぁーち、にんたくとぅ、なまねー、あちくなてぃ、ぬーでぃーん、かーきてぃ、みじん、がばない、ちゃーぬみーそーぃびーん。
くれー、ヒーターが、ちちゅーんばーがら、温熱シート効果るやがら、わかいびらん。(笑)
天井には、暖房の大きな排気口が2つある
が、これでは何時迄たっても部屋の中が暖かくならないので、クローゼット(箪笥)の中にあったミニヒーターを出して使っている。
シャワーの後に、背中と腰に「蒸気の温熱シート」というのを貼って寝たので、今度は暑くなり水をがばがば飲んでいる。
これは、ヒーターが効いているのだか、温熱シート効果なのかよく分からない。(笑)
きぬー、しぐとぅんかい、いちゅるめーに、時計こーぃびたん。
いちむぬ、時計や、ナシュビルんかい、けーわしりてぃっち、ねーびらんくとぅ、みーむん、こーらんねーならんふーじーなてぃるやいびーん。
うんとぅーや、何回か、あてぃ、間に合ーしーし、空港内ぬ、普通ぬ売店うてぃ、こーたる、でーやしーが、たーちびっけー、あいびーしが、うまうてー、サイズん、まがはぬ、ゆるゆるーそーてぃん、長さぬ、調整や、し、とぅらはんくとぅ、結局、こーてぃん、ちけーむぬんかいないびらん。やいびーくとぅ、くんどー、いひぐぁーや、でーだかーやてぃん(んでぃちん、わんぬ、「でーだかー」ぬ、基準や、50ドル以上る、やいびーしが。。。笑)、しまびーくとぅ、どぅーん、手首んかい、あーち、上等ぐぁー、こーらんでぃち、SWATCH(スワッチ)んどぅる、時計屋ーうてぃ、こーゃびたん。
うれー、ちらー、てぃーちるやいびーしが、ポンっでぃ、表面たたちーねー、時間が変わいる、デュアルワッチ(Dual Watch)んかい、なとーぃびーん。又、字ーんまがはぬ、老眼鏡ちかーんてぃん、みーくとぅ、わんにんかい、ぴったりやいびーん。(笑)
昨日、出勤前に時計を買った。
いつもの時計は、ナシュビルに忘れて来てしまったので、新調せざるを得ないってな感じだったから。。。(ムフフ)
こんな事は何度かあり、間に合わせで空港内の普通の売店にて、安値で買ったのが2つ程あるが、そこでは、サイズが大きくても長さの調整はしてくれないので結局買っても使い物にならない。なので今度は、少し高くても(と言っても私の「高い」の基準は50ドル以上なのだが。。。笑)いいので、自分の手首に合った良いものを買おうと思いSWATCH(スワッチ)という時計屋さんで購入した。
これは、顔は一つだけだが、ポンッっと表面を叩くと時間が変わるデュアルワッチ(Dual Watch)になっている。それに、数字も多きくて老眼鏡を使わなくても見えるので私にはぴったり。(笑)
さーってと、まだまだ眠れそうにないし、漢字の勉強でもするとすっか!
あっ、ティーサージもはじまってるぞー!
今日のお題は、「セーラー服をもう一度着たいかー?」って。
アンサーは、「ノー!」
ってだけ、メールしておこーっと!(笑)
記事作成:03/10/10(水) マンチェスター,UK 03:23
2010年03月07日
03/06/10
きぬーや、いっぺー、いい、てぃんち、やいびーたくとぅ、久しぶりに、やーんくしりーうてぃ、火、めーちゃん。
昨日は、とっても天気がよかったので、久しぶりに焚き火をした。
鷹(タカ)がら、鷲(ワシ)ねーするーが、いいやんべーし、とぅどぅーたくとぅ、やしちぬ、おくんにーんかいある、まがー、木ーんかい、とぅまとぅーしぇー、あぬ、とぅいらがやーんでぃ、うみてぃ、カメラし、ズームインし、いんちゃれー、烏(からす)るやいびーたん。(ふん!)とぅないぬ、わらびんちゃーが、どぅしんちゃーとぅ、まじゅい、バスケットボールし、あしどぅーたるばーるやいびーしが、うったー、くぃーが、どぅくん、まがはぬ、木ーぬ、わーびから、うったー、いんちぇーしーしーそーいびたん。うとぅるさよー!
鷹(タカ)か、鷲(ワシ)の様なのが気持ち良さそうに飛んでいたので、屋敷の奥の方にある大きな木にとまっている鳥は、あの鳥だったのかと思い、カメラをズームインし見てみたらカラスだった。(な〜んだ。。。)隣の子供達が、友達と一緒にバスケットボールをして遊んでいたのだが、彼らの声があまりにも大きいので木の上から彼らを睨(にら)みつけたりしていた。怖!
昨日は、とっても天気がよかったので、久しぶりに焚き火をした。
鷹(タカ)がら、鷲(ワシ)ねーするーが、いいやんべーし、とぅどぅーたくとぅ、やしちぬ、おくんにーんかいある、まがー、木ーんかい、とぅまとぅーしぇー、あぬ、とぅいらがやーんでぃ、うみてぃ、カメラし、ズームインし、いんちゃれー、烏(からす)るやいびーたん。(ふん!)とぅないぬ、わらびんちゃーが、どぅしんちゃーとぅ、まじゅい、バスケットボールし、あしどぅーたるばーるやいびーしが、うったー、くぃーが、どぅくん、まがはぬ、木ーぬ、わーびから、うったー、いんちぇーしーしーそーいびたん。うとぅるさよー!
鷹(タカ)か、鷲(ワシ)の様なのが気持ち良さそうに飛んでいたので、屋敷の奥の方にある大きな木にとまっている鳥は、あの鳥だったのかと思い、カメラをズームインし見てみたらカラスだった。(な〜んだ。。。)隣の子供達が、友達と一緒にバスケットボールをして遊んでいたのだが、彼らの声があまりにも大きいので木の上から彼らを睨(にら)みつけたりしていた。怖!
記事作成:03/07/10 07:29 ナシュビルにて