方言日記（まかびむにー）

きぬ〜、やんでぃとぅ〜たる、ぐな〜掃除機、の〜ちとぅらちゃるディーン。

マイヒーロー！

昨日、壊れていた小さな掃除機を直してくれたディーン。

マイヒーローだ！　




ベルトが、はんでぃとぅ〜たんでぃがら。（ベルトが外れてたそうだ）











  

ニットぬ、マスク〜？　

ユーチューブいんち〜がち〜な〜、つくたんでぃがら。

かんげ〜たるくとぅんね〜んたん。

やしが、うりやれ〜、冬や、ぬくはるはじ。

しに上等！

やしが、毛糸やくとぅ、むじゅむじゅ〜すんば〜あらみ？

んでぃ、ちちゃれ〜、

「中かいや、ガーゼーはとぅくとぅ、ぬ〜んあらん」んでぃ。

お〜、なるほど。

さすがケイ！

わんにん、つくいわるやっさ〜。


ニットのマスク〜？

ユーチューブを見ながら作ったそうだ。

考えた事もなかった。

しかしこれなら冬場はあったかいだろうな〜。

素晴らしい！

お、でも待てよ。

毛糸だとむず痒いんじゃない？

と聞くと、「内側にはガーゼを貼り付けてるから大丈夫！」と。

な〜るほど〜。

さすがケイ！

私も作ろ〜っと。












ケイが最初につくたるマスクや、うり↓

くれ〜、どぅしぐゎ〜から、つくいかた、ならたんでぃがら。

ケイが最初に作ったマスクはこれ↓

これはケイの友達に作り方を教わったそうだ。














マスクぬ、め〜に、つくたせ〜うり↓ （マスクの前に作ったのがこれ↓）




すげ〜！





わぃ〜ぬ、ソックスや、うり↓つくいうわてぃ、毛糸があまたくとぅ、つくたんでぃがら。

しに器用やっさ〜。

上のソックスは、コレ↓を作り終わって毛糸が余ったから作ったんだとか。

超器用！

素敵すぎる〜！！！

ちゅ〜ん、どぅしぐゎ〜自慢やいび〜たん。

今日も友達自慢でした。　







  

レンジし、あたたみとぅ〜るコーヒー、とぅいんでぃち、すばぬ、キャビネット、あきたるとぅき。

（レンジで温めているコーヒーを取る為、横のキャビネットを開けた時）




  

くりや、ダイソーぬ、百均うてぃ、こ〜たるいっぺ〜上等商品！

ちけ〜ぃるわ〜け〜、鼻ん中んかい、うしくみ過ぎてぃ、とぅららんないんば〜やあらんがや〜？

んでぃち、しわやたくとぅ、なまわ〜き、棚ぬ奥んに〜んかい、うちきて〜たしが、土曜日や、くしゃみん、とぅまらん、はなだいん、そ〜そ〜し、あんまはたくとぅ、とうとう、うりぬ、しわんかいなたん。

あんし、ちかてぃんち、うどぅるちゃん（どぅまんぎたん）。

くぬ鼻ぽんや、長はんあし、幅ん、まがはくとぅ、奥んかい、うしくみ過ぎ〜んどぅる、しわ〜、はんてぃん、しむて〜ん。

鼻んかい、ぴったし合〜いくとぅ、くしゃみん、いんじらんないん。

あんすくとぅ、くすいん、ぬまんてぃん、しむん。

うかぎし、１日中、ふかうてぃ、な〜んわじゃんなてぃ、いっぺ〜たしかたん。

な〜ひん、こ〜とぅ〜け〜やたっさ〜。

やしが、はじかはくとぅ、ちら〜、マスクさ〜に、くゎっくゎちゃん。笑


〈訳〉

これはダイソーの百均で買った優れものだ。

使うまでは、鼻の中に押し込み過ぎて取れなくなるのではないかと心配で、今まで棚の奥にしまっておいた。

しかし、土曜日はくしゃみは止まらず、鼻水は出るわでかなりきつかったので、とうとうこれのお世話になった。

そして使ってみてびっくり。

この鼻ぽんは、長いし幅も大きいので、奥に押し込みすぎるという心配は無用だったようだ。

鼻にぴったり合うので、くしゃみも出なくなる。

だから薬も飲まなくて済む。

お陰で１日中外で庭仕事をすることが出来てとても助かった。

もっと買っておけば良かった〜。

しかし恥ずかしいので顔はマスクで覆った。笑






  

わぃ〜ぬ、写真や、わんぬ、どぅしぐゎ〜、ユカちゃん。

ちるみ〜るやしが、うぬどぅ〜。

うれ〜まはん。

１年め〜に、タイんかいいんじ、集中フィットネス合宿んかい、一週間やたがら、参加さん。

初日や、うぬポーズや、ならんたしが、最後ぬ日〜ね〜、うんとぅ〜し、どぅ〜し、た〜んてぃ〜んからんぐとぅ〜、ないるようになたんでぃち、写真うくてぃっちゃん。

ちびら〜さよ〜！

あんい〜ね〜、め〜、ガレージセールぬ、ゴリさんが、安室奈美恵ぬコンサートうてぃ、ダンスんあ〜ち、ヘッドスピン１０回成功しみたる動画いんちゃしが、ありん、ちびら〜はたん。

泣ち〜ぶくないるあたい、ちばたる結果が、成功んかい、むっちいんじゃん。

ちゅんどぅせ〜、目標があてぃ、すぬ気〜んかいなれ〜から〜、ぬ〜やてぃん、ないん！

でぃち、あらたみてぃ、なら〜はったん。

わんにん、くんどぅ、コロナウィルス（COVIDー19)、パンデミックぬ影響し２ヶ月から６ヶ月休職ぬ、延長が決またくとぅ、うぬゑ〜だに、やし〜る目標立てぃ〜がや〜？

ぬ〜やてぃんしむしが、ユカちゃん、かっこいい〜！

上の写真は私の友人のユカちゃん。

同い年でこの体。

羨ましい。

一年前にタイに行き、集中フィットネスの合宿に一週間だったか参加した。

初日はこのポーズは出来なかったが、最終日には誰の手も借りず一人でこれが出来るようになったと写真が送られてきた。

すげ〜〜〜〜〜〜〜〜〜〜〜〜〜〜っ！

そう言えば、以前、ガレージセールのゴリさんが、安室奈美恵のコンサートで一緒にダンスを合わせ、更にヘッドスピンを１０回成功させた動画を見た。

涙ぐましい努力の結果が成功へと導いた。

人というのは、目標があってその気になれば、なんでも出来る！

という事を新ためて思い知らされた。

私も今回のコロナウィルス（COVIDー19)、パンデミックの影響で２ヶ月から６ヶ月休職の延長が決まったので、この間に痩せる目標を立てよう〜

かな？



どうでも良いが、ユカちゃん、かっこいい〜！


















  

は〜っ、ひ〜さよ〜！

４ぐゎちぬ、半ばんかい、いっちゃるむんぬ、くんしひ〜さぬ。

ナシュビルから、わぃ〜んかいいんじゃるポートランド（テネシー州）んでぃ〜る、とぅくまうて〜、きぬ〜、雪が、降たんでぃがら。

お〜っ、さぶっ！

４月の半ばに入ったのにこの寒さだ。

ナシュビルから北に行ったポートランド（テネシー州）と言う地域では、昨日雪が降ったらしい。




な〜、くまわ〜き、気温がさがいせ〜、うわいがや〜？

な〜んかい、わぃ〜て〜る、植物んたみにん、ああやれ〜しむるむんぬや〜たい。

もうここまで気温が下がるのは終わりかな？

庭に植えた植物の為にそうであって欲しい。









  

な〜そろそろ、やせ〜ぃとぅ、花ぬ苗わぃ〜てぃんしむはい、んでぃうみとぅ〜たしが、ま〜だ、ヘ〜さたんね〜すん。

４ぐゎちや、め〜にち、ひ〜くないしとぅ、ぬくくないる差〜が、まがはくとぅ、ま〜だ、うちちかん。

やせ〜ぃとぅ、花ぬ、苗、わぃ〜せ〜、４ぐゎちぬうわいか、ぐぐゎちんかい、いっちから、せ〜やたん。

やしが、わぃ〜たるむの〜、ちゃあ〜んならん。

霜よけ対策とぅし、古〜シーツ、かんするくとぅんかいさん。

ぶ〜らんこ〜ぬ、め〜んかいある、ランタナや、てぃ〜ちな〜、てぃ〜ちな〜、まが〜サイズぬ、鉢、かんしてぃ、かじんかい、とぅばはらんぐとぅ〜しとぅらしみそ〜りんでぃち、う〜と〜とぅ〜。

どぅ〜か、霜んかい、うちかっち、元気に、すだちよ〜たい！


もうそろそろ苗を植えても大丈夫だろうと思っていたが、どうやら未だ早かったらしい。

４月は日々寒暖の差が激しく、まだ落ち着かない。

野菜や花の苗を植えるのは４月の終わりか５月に入ってからすべきだった。

が、植えてしまったのは仕方がない。

霜よけ対策として、古いシーツを被せる事にした。

ブランコの前にあるランタナは、それぞれ大きめのサイズの鉢を被せ、風に吹き飛ばされない様にうーとーとー。

どうか霜に打ち勝って元気に育ちますように！















  

ラッパスイセんぬ、つげ〜、チューリップが、さち、め〜にち、な〜んかい、いんじ〜しが、たぬしみやん。

ラッパ水仙の次はチューリップが咲き、毎日庭に出るのが楽しみだ。












あんし、なまん時期や、タンポポそう〜な〜ぬ雑草ん、可愛いぐゎ〜。

それに、今の時期はタンポポ等の雑草も可愛い〜。





















  

あいっ！

さちゅ〜ん！

郵便受け、チェックさるば〜に、フェンスぬめ〜ぬ、デイリリーんに〜、いんちんちゃん。

くずぬ秋に、わぃ〜たる、ダッチアイリスや、葉っぱが、ネギね〜し、１ぐゎちから、ちゃ〜ぬび〜やしが、花や全然咲かんくとぅ、しわす〜るとぅくまやたん。

は〜っしぇ！

うんし、あってんぐゎ〜に！


はっ！

咲いてる！　

郵便受けをチェックした時にフェンスの前のデイリリーに目を向けた。

去年の秋に植えたダッチアイリスは葉っぱがネギの様に１月から伸び続けているが、中々花が咲かないので心配している所だった。

OMG！

いつの間に！　












  

３ぐゎちぬ、うわりに、８本ぬ、木〜と〜ちから、車庫ぬ、み〜んめ〜ぬ、敷地が、たで〜ま、明るくなたん。

うまが、明るくなたるくとぅにゆてぃ、造園がないるようになたん。

なまわ〜け〜、うまんかい、花とぅか、やせ〜、わぃ〜んどぅせ〜、かんげ〜たるくとぅん、ね〜んたん。

うまんかい、レイズドベッド、つくいがや〜んでぃ、うみ〜ちっちゃせ〜、うまんかい、赤〜タイヤ〜、うちきてぃからどぅやん。

ま〜だ、な〜ひん、スペースやあん。

あとぅ、た〜ちか、み〜ち、レイズドベッドが、作らり〜ぎは〜やっさ〜。


３月の下旬に８本の木の伐採をした後、車庫の真ん前の敷地が急に明るくなった。

そこが明るくなった事により、造園が可能になった。

今まではその場所に花や野菜を植えるなんて考えたこともなかった。

そこにレイズドベッドを作ろうと思いついたのは、赤いタイヤを置いてからだ。

まだまだスペースはある。

あと２、３レイズドベッドが作れそうだ。