方言日記（まかびむにー）

くぬめ〜、２回み〜ぬ、大腸内視鏡検査（Colonoscopy)うきたん。

め〜や、ポリープがみちかたくとぅ、５年後に、再検査するくとぅんかいなたるば〜るやしが、運よくくんくゎいや、ぬ〜んね〜ん、無事検査がうわてぃ、くぬ次ぬ検査や、１０年後んどぅるくとぅんかいなたん。（ふぅ〜）


くんくゎいや、２回み〜やたくとぅ、検査ぬ、ながりや、て〜げ〜把握す〜たん。

うりんあてぃがら、め〜んかい、くらび〜ね〜、いひぐゎ〜、楽やたん。

んでぃちん、め〜ぬ日〜ぬ、絶食とぅ、腸内洗浄（あび〜ようけ〜いね〜、下剤。笑）や、しにあふぁ〜。

じゅんに、な〜、２どぅとぅ、し〜ぶこ〜ね〜ん。

やしが、あんやてぃん、健康をぅ、維持するたみね〜、くん検査や、必要やくとぅ、仕方んね〜らん。

わぃ〜ぬ画像や、くんくゎいぬ、プレプキット（腸内洗浄液）し、５年め〜ぬむんゆ〜か〜、ぐなくなてぃ、ぬみ〜やしくなとぅ〜ん。

くり、ぬでぃから、３時間が勝負時。

うぬあとぅや、一旦やしでぃ、就寝。

あんし、検査ぬ日〜ぬ、ゆ〜ぬあき〜がた〜に、な〜１回、２本み〜ぬ洗浄液ぬでぃ、完全に腸内、空っぽんかいしから病院ぬんかいいちゅん。

め〜ん、うみたしが、（https://yugurihaikarah.ti-da.net/e7581521.html　←が、め〜書ちゃる記事）くぬ洗浄液や、じゅんに、ゆ〜計算はってぃ、作らっとぅ〜ん。

うぬ、２本み〜ぬ、洗浄液ぬでぃから３時間あとぅね〜、下痢や、とぅまいくとぅ（はご〜話し、わっさいび〜しが）、病院ぬんかい、行ちゅる、途中に、便所んかい、ご〜れいし、いちゅんどぅるくと〜ね〜らん。

病院うて〜、検査ぬめ〜ぬ準備が、て〜まいぬ、ナースんかいゆてぃ、うくな〜り〜ん。

何名かぬナースが、いっちぇ〜、いんじて〜し、ひっち〜、おんなじ質問、ちかってぃ、検査んかい、ちっちぬ、同意書んかい、サインしみらり〜ん。

（うりんかい、サインはんね〜、ちゃ〜ないがや〜？。。。）

んでぃち、ちむしぇ〜うみ〜しが、サインやすん。

麻酔科ぬ、しんし〜から〜、麻酔し、み〜覚まはんくとぅんあれ〜、死ぬるくとぅんあんど〜。。。

勿論、ちゅうや、うんとぅ〜くとぅやね〜んでぃ、信じとぅ〜しが。。。

ふ〜じ〜し、しかまはり〜ん。

（ぬ〜がぬ〜んでぃち、なま、うんとぅ、あび〜るば〜が？　あたいめ〜らる、わんやてぃん、うんとぅくとぅんかい、ならんようにんでぃ、うみ〜ぶはは）

（なま、麻酔拒否するくとぅが、ないんば〜らがや〜？）

（拒否し〜ね〜、麻酔はんぐとぅ〜、検査するば〜らがや〜？　それとも検査や中止？）

んでぃち、ちゅぶるん中うてぃ、ありくりかんげ〜とぅ〜たん。

万が一、最悪ぬ状況んかいなてぃ、訴訟問題んかいなたるとぅきぬたみに、うんとぅ〜説明とぅか、同意書が必要んかいないるば〜るやるはじやしが、ちぬんけ〜てぃ、ベッドんかい、にんてぃ、なまから検査すんどぅるとぅきに、うんとぅ〜や、はんけ〜しむるむんでぃうみ〜ん。

タバコとぅか、さき、こ〜ぃるめ〜に「くぬ商品や、うんじょ〜んかい、危害あたゐ〜ん」ね〜する〜注意書きゆでぃ、「と〜あんしぇ〜、な〜、しむん」んでぃち、いいらり〜しと〜、ちげ〜ぃんど〜や〜。

あんし、全部て続きがうわてぃ、検査室んかいゴー。

うまうてぃ、はじみてぃ、しんし〜とぅ、会〜たん。

ナース３名。

うん中ぬちゅいが、「わんが鎮静剤、うちやび〜ん」んでぃ、自己紹介すたん。

ん？　きさ〜ぬ、麻酔科ぬしんし〜が麻酔うつるば〜やあらんば〜やさや〜？

むしかし〜ね〜、麻酔やあらんぐとぅ〜、睡眠薬？

（あぬ、同意書むとぅみてぃいっちゃる麻酔科ぬしんし〜んかいや、ぃちゃっさびっけ〜、はら〜んね〜、ならんがや〜？）

んでぃ、かんげ〜とぅ〜るうちに、け〜にんてぃ、ね〜らん。

み〜がさみたるとぅけ〜、な〜、きっさ、検査やうわてぃ、リカバリーエリアんかい、うつはっとぅ〜たん。

うんとぅき、ぬ〜んでぃがら〜、分からんしが、デイリークイーンぬ、アイスクリーム、かみ〜ぶはんでぃ、ナースんかい、あびとぅ〜たん。

デイリークイーンぬ、アイスクリームや、な〜３０年以上かで〜ぅかんさ〜。

ちかはるうちに、かみ〜ぶはっさ〜。

あんし、検査するめ〜にいっちゅ〜たる準備室（個室）んかい、移動し、うまんかいや、ディーンが、まっちょ〜たん。

ディーンや、わんが、検査室んかい、移動するめ〜に、ゆばってぃ、うぬじゃ〜うてぃ、わん待っちゅ〜たん。

くとぅしや、COVIDー１９ぬ影響し、病院内や、や〜ぐなや、いららんでぃ、うみとぅ〜たしが、あね〜あらんたん。

わんが、リカバリーエリアんかい、うたるゑ〜だに、しんし〜が、ディーンかい、結果報告さびたるふ〜じ。

ぬ〜ん、みちからんたくとぅ、つげ〜１０年後！

んでぃ、あびらったんでぃがら。

嗚呼、ぬ〜んどぅる、ちゅらはる響きやる！　笑



あ、あとぅ、くとぅしや、検査４日め〜に、COVIDテストん、受きらはったん。

結果や陰性。

　
【訳】

先日、２回目の大腸内視鏡検査を受けた。

前回はポリープが見つかった為５年後に再検査となった訳だが、運よく今回は何もなく無事検査終了し、次回の検査は１０年後となった。（ふぅ〜）

今回は２回目だったので、検査の流れは大体把握していた。

それもあってか、前回に比べ少し楽ではあった。

とは言え、前日の絶食と腸内洗浄（言い方を変えれば下剤。笑）は辛い。

本当にもう２度と経験したくない。

まあ、でも健康を維持する為にはこの検査も必要なので仕方がない。　

上の画像は、今回のプレプキット（腸内洗浄液）で、５年前のよりはコンパクトになり飲みやすくなった。

服用後３時間が勝負時だ。

その後は一旦休憩し就寝。

そして検査当日の早朝にもう一度２本目の洗浄液を飲み、完全に腸内を空っぽにして病院へゴー。

前回も思ったが（https://yugurihaikarah.ti-da.net/e7581521.html　←が前回書いた記事）、この洗浄液は実に上手く計算されて作られている。

２本目の洗浄液を飲んでから約３時間後には下痢は止まるので（汚い話で悪いが）、病院へ行く途中にトイレに駆け込むということはない。

病院では検査の前の準備が多くのナースによって行われる。

何人ものナースが入れ替わり立ち替わりし、同じ質問を何度も聞かれ検査についての同意書にサインをさせられる。

（これにサインしないとどうなるんだろう？。。。）

と内心思いながらもサインをする。

麻酔科のお医者さんからは、麻酔の影響で目が覚めない事もあれば死ぬ事もあります。。。

勿論、今日はそれは無いと信じていますが。。。

などと脅される。

（なぜ今そんな事をおっしゃるのですかい？　勿論私だってそう思いたいよ）

（そこで麻酔を拒否する事が出来るのだろうか？）

（拒否したら麻酔無しで検査するのだろうか？　それとも検査は中止？）

と私は頭の中で色んな事を考えていた。

万が一、最悪の状況に陥って訴訟問題に発展した場合の為に、こういった説明や同意書が必要になるのだろうが、服も着替えてベッドに横たわりこれから検査をしますって時にそういうのはやめて欲しい。

タバコや酒を買う前に「この商品はあなたに危害を与えます」みたいな注意書きを読んで、「じゃあやめます！」と言えるものじゃあないんだからぁ。。。

と、全ての手続きが終了し検査室へゴー。

そこで初めてお医者さんと顔合わせ。

ナース３名。

その中の1人が、「私が鎮静剤を投与します」と自己紹介した。

ん？　さっきの麻酔科の先生が麻酔を射つんじゃないんだ？

もしかして、麻酔じゃなくて睡眠薬？

（あの同意書を求めてきた麻酔科の先生にはどれぐらい支払うんだろう？）

と考えているうちに寝てしまった。

目が覚めた時はもう既に検査は終わり、リカバリーエリアに移されていた。

その時、何故かデイリークイーンのアイスクリームが食べたいとナースに話していた。

デイリークイーンのアイスクリームだなんてもう３０年以上も食べてないや。

近いうちに食べたいな〜。

そして検査をする前に入った準備室（個室）に移動し、そこにはディーンが待っていてくれた。

ディーンは私が検査室に移動する前に呼ばれ、部屋の中で待っていたのだ。

今年はCOVID-19の影響で、病院内は家族は入館出来ないと思っていたがそうではなかった。

私がリカバリーエリアにいる間にお医者さんがディーンに結果報告をしたらしい。

何も見つからなかったので次回は１０年後！

と言われたらしい。

嗚呼、なんて美しい響きなんだろう。。。笑





あ、それと、今年は検査４日前にCOVIDテストの受診を要請され、それも受けた。

結果は陰性。