方言日記（まかびむにー）

いちむんや、成田線や、年に、２回か３回、とぅばりーねー、いいとぅしやいびーしが、くんぐぁちなてぃ、あってんぐぁーに、５回、とぅぶるくとぅんかいないびたん。

きぬーや、２回みーぬ、成田からけーてぃっちゃるとぅくまやいびーん。

くんくぁいや、ニューアークいんじーるめーから、成田駅ぬ近くんかいある「琉球村」んでぃーる居酒屋〜んかい、いちゅんでぃち、決みとぅーたくとぅ、あまんかい、いんじっちゃん。

「琉球村」んかい、はじみてぃ、いんじゃせー、くじゅぬ、クリスマスんあたいやたがら。。。？　あんとぅきぬ、サーバーぬ、にーにーぐぁーが、わん、カウンターわーき、案内しとぅらしみそーちゃん。

うどぅるちゃるくとぅに、うぬ、にーにーや、わんぬくとぅ、うびーとーぃびーたん。

は〜んま、いっぺーうむっさくなてぃ、うまうてぃ、てーまい、かでぃいかんでぃ、くくるんなかうてぃ、あびたん。（笑）

わんが、うちなーんちゅんでぃ、わかたれー、カウンター越しうてぃ、料理つくとぅーる、大里出身ぬ普天間さんが、ウチナーグチし、話しかきてぃちゃびたくとぅ、わんにん、負きてーならんでぃうみてぃ、うちなーぐちし、返答さびたん。

わったぁーたいぬ、会話や、まぁーいぬ、うっちゅんちゃーんかいや、ちんぷんかんぷんやみしぇーぃるふーじやいびーたん。やしが、成田うてぃ、うちなーぐち、あびらりーんでーうまーんたくとぅ、どぅまんぎたん。
あんし、ちむんふじゃーにかい、注文さるフー炒りちゃーん、むる、うちゅくぁだん。（笑）

うぬ、「琉球村」ぬホームページや、うり。
http://r.tabelog.com/chiba/A1204/A120401/12004429/

あんし、カウンターぬ、はらぐぁーんかい、ひらきてぃうみしぇーたる店ぬ経営者ぬ、本地さんどぅるう方とぅ意気投合し、うぬ、う方ぬ、どぅしぐぁーが、働ちゅーんどぅる、イタリアンレストラン「フォレスタ」んかい、移動。
http://ggyao.usen.com/0002029708/

あとぅから、本地さんぬ、またなーちゅいぬ、どぅしぐぁーが、合流し、話ーん、盛いあがてぃ、時間がちゃー過ぎーしいんじゃん。

くぬ、みっちゃいや、わんゆーかー、とぅしうぃー、人生ぬ、先輩やいびーん。うぬ、日ーに、うんとぅーし、会ーたしん、ぬんがらぬ、縁どぅやいびーくとぅ、くりからん、ゆたしくうにげーさびら！んでぃち、たげーぃに、挨拶さびたん。

くぬ、フォレスタぬ、ワインぬん、いっぺー、まーはたくとぅ、「またん、いちーぶはるレストラン」ぬリストんかい、追加さびたん。



いつもだと成田線は、年に２回か３回飛べれば良い方なのだが、今月に入りいきなり５回も飛ぶ事になった。

昨日は、２回目の成田から帰って来た。

今回はニューアークを出る前から、成田駅の近くにある「琉球村」という居酒屋に行くと決めていたのでそこに行って来た。

「琉球村」に初めて行ったのは去年のクリスマスの頃だっただろうか。。。？　あの時のサーバーのお兄さんが私をカウンター席まで案内して下さった。

驚いた事に、このおにいさんは私の事を覚えていた。

嬉しいではないか、ここで沢山食べて行こう！と心の中でつぶやいた。（笑）

私が沖縄の出身だと分かると、カウンター越しで料理を作っている大里出身の普天間さんが、ウチナーグチで話しかけてきたので、私も負けてはならぬとウチナーグチで返事をした。

私達の会話は、周りの人達にとってはちんぷんかんぷんらしい。

それにしても、成田でウチナーグチを話せるなんて思ってもいなかったので驚いた。

と同時に嬉しくなり、注文したフー炒りちゃーを完食した。（爆）




この「琉球村」のホームページがこれ。↓
http://r.tabelog.com/chiba/A1204/A120401/12004429/



その後、カウンターの端に座っていらしたお店の経営者、本地さんというお方と意気投合し、その方の友人が働いているというイタリアンレストラン「フォレスタ」へ移動。





そこのホームページがこれ。http://ggyao.usen.com/0002029708/

後に、本地さんのもう一人の友人が合流し、話が盛り上がってどんどん時間が過ぎていった。

この３人さんは私よりも少し年上で人生の先輩だ。

この日にこんな出逢いがあったのは何かの縁というものだ、これからも宜しく！という挨拶をお互いにかわし合った。

このフォレスタのワインもとっても美味しかったので、「又行きたいレストラン」リストに追加した。

記事作成：１１月０６日（日）ニューアーク ０５：３７　１℃

今日１１／０６（日）に時間変更があったので、今日から日本との時間差はニューアークが１４時間で、ナシュビルは１５時間。
日本からだと、ニューアーク時間は、日本時間から（−２）で、ナシュビル時間は（−３）。そしてAMとPMをとっかえる。

例えば：　日本時間が６時PMだとする。
　　　　　
ニューアーク時間は、６−２＝４時AM
　ナシュビル時間は、６−３＝３時AM

となる。