方言日記（まかびむにー）

は〜な〜。。。。。

つげ〜、うまんかい、花わぃ〜んでぃち、いんちゃ、たげ〜ち、うちきとぅ〜たれ〜、うった〜ぬ、ゆっくぃ〜どぅくるなとぅ〜たん。笑

どぅくん、かなはぬ、わじ〜る気〜んならん。

【訳】あ〜あ〜あ〜。。。。。

次はそこに花を植えようと土を耕しておいたのだが、いつの間にか彼らのベッドになっていた。笑

その様があまりにも可愛くて怒る気にもなれない。






あんし、わんが、や〜んめ〜うてぃ、な〜んわじゃ、す〜たれ〜、なまね〜、うり。↓

（そして私が家の前で庭仕事をしてたら、今度はこれ↓）

可愛すぎる〜！

  

きぬ〜、どぅしぐゎ〜から、「ちゅうぬサンフランシスコや、あちはっさ〜」んでぃち、ラインぬグループメッセージし、くぬ写真↓がうくらってぃっちゃん。

（昨日友人から「今日のサンフランシスコは暑いよ〜」とラインのグループメッセージでこの写真↓が送られてきた）




ん？　写真ぬ中んかい、あきらかにうりが編集さんでぃうみ〜る「あちー」んどぅしがあん。

うぬ「あちー」んどぅせ〜、ちゃんぐとぅ〜しいったるば〜が？

んでぃ、ちちゃれ〜、スクリーンショットしから編集せ〜、しむるば〜よ〜。

んでぃ。

編集ないせ〜、わんにんわかいしが、わんの〜、てぃ書きしかならんど〜。

んでぃち、うぬ写真↓うくいけ〜ちゃん。

【訳】　ん？　写真の中にあきらかに彼女が編集したと見られる「あちー」と言うのがある。

その「あちー」はどうやって入れたの？

と聞くと、「スクリーンショットをした後に編集すればいいのよー」との事。

編集できるのは私も知ってるが、私のは手書きでしか出来ないよ。

とこの写真を送った。↓




くんとぅ〜し、わんが、ちちゅう〜るゑ〜だに、ふかぬ、どぅしん、たみちゅ〜たるふ〜じ、うり↓がうくらってぃっちゃん。

（こんなやりとりをしてる間に、他の友人も試していた様で、これが送られてきた。↓）




ぬ〜が、ならんせ〜、わんびっけ〜らるい？

んでぃち、悔しくなてぃ、な〜一回、たみしに、あまくま、さ〜や〜さ〜や〜しんちゃん。

あんされ〜、は〜、なたん！

うりひゃ〜、わんにん、なたんど〜！

んでぃち、くぬ写真↓うくいけ〜ちゃん。

【訳】　な〜んだ、出来ないのは私だけかよ？

と、悔しくなり再度挑戦する事にし、あちこちいじっていたら、やっと出来た〜！

出来たよ〜、出来た！

とこの写真を送り返した。↓　




ぃえ〜い、わんやてぃん、し〜ね〜ないせ〜や〜！

んでぃち、自己満足す〜たれ〜、くんど〜、ちむふじゅ〜るとぅくまんかい、なまね〜又ふかぬどぅしからうり↓が、うくらってぃっちゃん。

【訳】ぃえ〜い、私だってやれば出来るじゃん！

と自己満足をして良い気分になってる所へ、今度は又他の友人からこれが送られてきた。↓




あげっ、くにひゃ〜、絵文字いって〜っさ〜。

絵文字んいんだり〜るば〜？

ちゃんぐとぅ〜し、いったるば〜がら分からんしが、だ〜、あんすら〜、又、挑戦しんだ。

んでぃち、なたしが、くり。

【訳】　げっ、こいつ絵文字を入れてるじゃんか。

絵文字も入れられるんだ？

どうやって入れたんだろう？

知らんが、じゃあ又挑戦だ〜。

と出来たのがこれ。↓




色々試してみるもんだね〜と、友達に教えられた教訓であった。






  

わじゃんかい、いんじ〜ね〜、むんかむるタイミング、ぬがち、まともに、むぬんかまらんば〜んあん。

くんくゎいや、１週間ぬうち、３日連続夕飯が、か〜しんどぅる日〜が、ちぢちゃん。

機内食がいんじ〜るば〜んあしが、よんな〜やかまらんやい、メニューん、ちゃあ、にちょ〜るるやくとぅ、飽きてぃね〜らん。

あんすくとぅ、や〜んかい、け〜てぃち〜ね〜、どぅ〜ぬ手料理がいっぺ〜ま〜はん。笑

空港からや〜んかい、け〜い道、アジアンマーケットんかい、ゆてぃ、日本食ぬ材料て〜まい、こ〜いむんしっちゃくとぅ、きぬ〜や、肉じゃがつくてぃんちゃん。

肉じゃがんでぃちん、じゃがいも、こ〜い忘したくとぅ、うん代わいに、紅芋たっくだん。

どぅ〜しあび〜しん、ありやしが、ま〜はたん。

ジャガイモゆ〜か〜、うりが、ましがら分からん。



【訳】　仕事に出ると食べるタイミングを逃し、まともに食事を摂る事が出来ない場合がある。

今回は１週間のうち３日連続で夕飯がお菓子という日が続いた。

機内食が出る場合もあるが、ゆっくり食べられないしメニューもいつも同じもので飽きてしまった。

だから家に帰ってくると自分の手料理がとても美味しい。笑

空港から家への帰り道にアジアンマーケットに寄り、日本食の材料をまとめ買いしたので、昨日は肉じゃがを作る事にした。

肉じゃがと言っても、ジャガイモを書い忘れたので、その代わりに紅芋を入れてみた。

自分で言うのもなんだが、美味しかった〜。

ジャガイモより、こっちの方が良いかも。

肉じゃがのお供はこれ　↓

  

くとぅし用意さる球根やうり。

うり、うぃ〜んでぃち、や〜んかい、け〜てぃっちゃしが、ま〜だ、ぬくはくとぅ、あとぅ、１週間か２週間びっけ〜待たんね〜ならんはじ。


【訳】　今年用意した球根はこれ。

これを植える為に家に帰ってきたのだが、まだ暖かいのであと１週間か２週間程待たなければいけないかも。

Amaryllis（アマリリス）↓

Lily Giant Trumpet（ジャイアント　トランペットリリー）↓

German Iris （ジャーマンアイリス）↓

Asiatic Lily （ユリ）↓

Allium（アリウム）↓

Daffodil（ラッパスイセン）↓

Dutch Iris（ダッチアイリス／あやめ）↓

Leucojum （スズラン）↓

Tulip（チューリップ）↓

Anemone（アネモネ）↓

Fritillaria（バイモ）↓

  

Sioux Falls　んでぃち書ち、「スーフォールズ」んでぃち、ゆむんでぃがら。

サウスダコタ州ぬ、南東んはらんかい、位置し、地図しいんじ〜ね〜、しちゃぬネブラスカ州、斜めしちゃぬ、アイオワ州、とぅないぬ、ミネソタ州があ〜いる、境界線ぬ、かどぅんに〜んかい、あたいん。

サウスダコタんでぃ〜ね〜、大統領ぬちらが、ふらってぃ、有名な観光地、マウントラシュモアが、浮かぶるはじやしが、スーフォールズや、うりからあがりんはらんかい、車し、５時間びっけ〜いんじゃるとぅくまんかいあん。


【訳】　Sioux Falls と書いて「スーフォールズ」と読むそうだ。

サウスダコタ州の南東側に位置し、地図上で見ると直ぐ下のネブラスカ州と斜め下のアイオワ州、隣のミネソタ州がかち合う境界線の角に当たる。

サウスダコタと言えば、大統領の顔が彫られて有名な観光地、マウントラシュモアが浮かぶはずだが、スーフォールズはそこから東へ車で５時間ほど行った所にある。







うってぃ〜、や〜んかい、け〜てぃっちゃん。

たったぬ、３日間ぬフライトし、コミュートんあ〜ち４日間しかいんじて〜ぅかんたしが、いっぺ〜長く感じ〜たん。

くんくゎいや、サウスダコタ州ぬ、スーフォールズんどぅるとぅくまんかい、いんじっちゃん。

「うまんかいいち〜ね〜、滝いんちく〜よ〜。いっぺ〜ちびら〜はくとぅや〜、かんなじ、行きよ〜。わんね〜、あみん日〜やたしが、いんじ良かったんでうみたんど〜」んでぃ、先輩んかい、あびらったくとぅ、うんし、ちびら〜はんやれ〜、わんにん、いち〜わるないる！

んでぃち、レイオーバーが３３時間あたくとぅ、ホテルんかいチェックインさる、ふちかめ〜に、フロントデスクうてぃ、いち〜かた、ならてぃ、いんじっちゃん。

うま〜、ホテルから、あっち２０分（道草とぅか、あまくまうてぃ、写真撮影はんぐとぅ〜、まっす〜ぐ〜いち〜ね〜）びっけ〜し、行かり〜ん。

いいくとぅに、てぃんちん、はりとぅ〜たくとぅ、うむいぬまま〜、観光、満喫さん。

ふんと〜んくとぅあび〜ね〜、最初に、「滝」んでぃ、ちちゃるとぅきや、５０メートルびっけ〜ぬ崖ぬてっぺんから、い〜ちゅ〜ね〜し細く流り〜る滝、想像す〜たくとぅ、ホテル出発め〜に、どぅ〜んじゃ〜うてぃ、ネット検索し、いんちゃる写真いんち、がっかりさん。笑

やしが、実際、くぬ滝んに〜んかい、いんじゃれ〜、迫力満点やたくとぅ、ちむんふじゃん。

滝ぬみじや、ゆるや、ライトアップすんでぃがら。

あんしうりが、クリスマスぬ時期んかいないね〜、赤〜とぅか、お〜る〜色ぬカラフルな色んかいかわいんでぃがら。

滝びっけ〜やあらんぐとぅ〜、長年、雪がとぅきてぃ、氷みじんかいなたるみじんかい、けずらってぃ、形成はったる赤〜石ん、上等やたん。


【訳】　一昨日家に帰ってきた。

たったの３日間のフライトで、コミュートを合わせて４日間しか出てなかったのだが、とても長く感じた。

今回は、サウスダコタ州のスーフォールズという所に行って来た。

「そこに行くのなら滝を見てきなさい、とても素晴らしいんだから。絶対行きなさいよ。私なんか雨が降ってたけど行って良かったと思ったわよ」と先輩に言われたので、そんなに素晴らしいのなら私も行かなくては！

と、レイオーバーが３３時間あったので、ホテルにチェックインした後日にフロントデスクにてそこへの行き方を習い行ってきた。

そこはホテルから徒歩２０分ぐらいで行け（寄り道や、あちこち写真撮影などせず真っ直ぐいけば）、幸い天気も良かったので思う存分観光を満喫した。

正直なところ「滝」と聞いた時は、５０メートル程ある崖のてっぺんから糸の様に細く流れる滝を想像していたので、ホテル出発前に自分の部屋でネット検索をして見た写真にはがっかりした。笑

しかし実際にこの滝の近くに行くと迫力満点で気持ちも高鳴った。

滝の水は、夜になるとライトアップされるそうだ。

それがクリスマスの時期になると赤や青い色のカラフルな色に変わるんだとか。

滝だけではなく長年に亘り、雪が溶け、氷水となった水に削られて形成された紅い石も綺麗だった。

フォールズパークの玄関　↓

ビジターセンターのタワーから観望　↓

ビジターセンター　↓

公園内　↓

おみやげ