方言日記（まかびむにー）

あぎじゃびよ〜い、い〜なな〜、４ぐゎちなとぅ〜ん。

３ぐゎちや、あってんぐゎ〜に、過ぎてぃね〜らん。

な〜んかい、咲ちゅ〜る、花、ま〜だ、ぬして〜かんくとぅ、遅くなたしが、ちゅう、ぬし〜るくとぅんかいさん。

まじぇ〜、スイセンぬ花から。

くとしんの〜、３種類ぬ、スイセン。

画像３が、ラッパスイセン。

画像４が、ダブルスイセン。

画像５が、花ぬ真ん中ぬ色がちげ〜いし。

【訳】あちゃー！

もう４月に入ってしまった。

３月はあっという間に過ぎてしまった。

庭に咲いている花を未だ載せてなかったので、今日載せる事にした。

まず先に水仙の花から。

今年のは３種類のスイセンだ。

画像３が、ラッパスイセン。

画像４が、ダブルスイセン。

画像５が、ラージカップスイセン







































記事作成：２０２４年　令和６年４月１４日（日）
ナシュビル　６：２３　晴れ　５６°F／１３℃　






  

あげっ、くとぅしん、な〜ひぐゎ〜し、うわいっさ〜。

な〜、クリスマスん、過ぎたん。

で〜じなとぅ〜ん（ぬ〜が、で〜じがら分からんしが）。

くんぐゎちや、バケーション（有給休暇）が１０日間あたくとぅ、月はじめにドミニカ共和国ぬプンタカナんかい、４泊５日し、いんじっちゃん。

ドミニカ共和国や、カリブ海んかいあてぃ、島ぬいり〜はらぬ３分の１がハイチ共和国し、うぬとぅないぬ３分の２〜が、ドミニカ共和国やいび〜ん。

島や、キューバとぅ、プエルトリコぬ、ゑ〜だんかいあん。

ホテルや、オールインクルーシブやたくとぅ、最高！

んでぃ、うみとぅ〜たしが、ひてぃみてぃから、ゆるわ〜き、暴飲暴食が、ちぢち、な〜ひん長くういね〜、確実に、どぅ〜やんとぅ〜たるはじ。

ゆんね〜すんね〜、や〜んかい、け〜てぃ、体重測たれ〜だぁ〜、５ポンドん、ふぃ〜とぅ〜せ〜や〜。

は〜な〜、ありから、体重や、全然変わらんど〜や〜。

自業自得やさ。

やしが、ぅむっさやあたん。





【訳】ぅわっ、今年ももうすぐ終わってしまう。

もうクリスマスも過ぎてしまった。

やばい！

今月はバケーション(有給休暇)が10日間貰えたので、月初にドミニカ共和国のプンタカナに4泊５日間行ってきた。

ドミニカ共和国は、カリブ海にあり島の西側3分の1がハイチ共和国で、その隣国3分の2がドミニカ共和国だ。

島はキューバとプエルトリコの間にある。

オールインクルーシブホテルだったので最高！

と思っていたが、朝から晩まで暴飲暴食が続き、もっと長くいたら確実に体を壊していたに違いない。

案の定、帰宅後に体重を測ってみたら5ポンドも増えていた。

あれから全然体重が変わらない。

自業自得だ。

でも楽しかった。










うぬつげ〜、ディーンぬ、誕生日。

６５んかいなたん。

うぬ日〜や、ディーンが、ゆ〜いちゅるバーんかい、いんじ、うまぬ常連さんた〜が、祝てぃ、とぅらちゃん。

あんし、うぬな〜あちゃや、どぅしぐゎ〜ぬ、に〜びち。

うんちゅんちゃ〜ぬ、幸せ、いたん。

やしが、うれ〜しむしが、な〜あちゃ、へ〜くな〜、うきららんたくとぅ、うちな〜うてぃ、開催はっとぅ〜る、中学校ぬ還暦同窓会んかい、ライン参加（Zoom) ならんたん。

は〜な〜、悔しいやっさ〜。

やしが、あとぅから、写真とぅか動画が、うくらってぃっちゃくとぅ、なちかはる、ちら、いんじ〜がち〜な〜、中学ぬくる、うみ〜ぃんじゃするくとぅがなたん。






【訳】その次は、ディーンのお誕生日。

65歳になった。

その日は行きつけのバーに行き、常連さん達が祝ってくれた。

そして翌日の15日は友人の結婚式。

幸せをシェアしてもらった。

のは良いが、後日、朝寝坊をしてしまい、沖縄での我が中学校の還暦同窓会にライン参加（zoom）する事が出来なかった。

嗚呼、悔しい。

でも、その後に写真や動画が送られてきたので、懐かしい顔ぶれを見ながら中学の頃を思す事が出来た。









クリスマスめ〜ね〜、わじゃんかい、いんじ〜るちむいやたしが、どぅくん、てぃんちが上等なてぃ、きおぬん、華氏５０度、６０度台し、１２ぐゎちんかいし〜ね〜、ぬくはる日〜が、ちぢちゃくとぅ、球根うぃ〜るくとぅんかいさん。

【訳】クリスマス前に仕事に出るつもりだったが、あまりにも天気が良く、気温も華氏50度、60度台と12月にしては暖かい日が続いたので、球根植えをする事にした。









来春、花が咲くのが楽しみ。




クリスマスや、生憎ぬあみ。

やたしが、ゆさんでぃから、はりたん。

ゆるや、アイちゃんた〜んかい、ゆばっとぅ〜たくとぅ、あまうてぃ、くゎっち〜かでぃっちゃん。

写真や、しちゃ。

メインコースや、写真とぅいわしりたん。

【訳】クリスマスは生憎の雨。

でも夕方から晴れてくれた。

夜はアイちゃんちに招待されてたので、そこでお食事。

これはアッペタイザー。

メインコースは写真を撮り忘れた。





くとぅしぬ年末や、ま〜だ雪や降て〜かん。

くずんかい、くらび〜ね〜、ぬくはる日〜が、ちぢちゅ〜ん。

くれ〜、グローバルウォーミングぬ、影響らがや〜？

んでぃち、過去ぬ日記とぅか、ブログ、チェックしんちゃれ〜、２０１６年や、な〜ひん、ぬくはたんね〜すん。

【訳】今年末は未だ雪が降ってない。

去年に比べると暖かい日が続いている。

これはグローバルウォーミングの影響だろうか？

と過去の日記やブログをチェックしてみると、２０１６年はもっと暖かかったようだ。

12/25/2023 摂氏

華氏

あ〜っ、ま〜だ、球根が、ぬくとぅ〜ん。

２０２４ねぬんかい、むちくしやっさ〜。

【訳】あ～、まだ球根が残っている。

２０２４年に持ち越しだ～。








記事作成：２０２３年　令和５年　１２月２９日（金）
ナシュビル　５：１２　曇り　３５°F／２℃






  

くんぐゎちぬ、１８日に、くぬレイズドベッドんかい、ラッパ水仙とぅ、アジアティックリリー、うぃ〜たん。

すぬあとぅ、いんぐゎ〜とぅ、リス、うさぎんかい、穴ふららん様にんでぃち、や〜んかい、ぬくとぅ〜る、パーティー用ぬ、フォークとぅ、ナイフ、スプーン、全部、うまんかい、刺ちぇ〜たるば〜るやしが、真ん中んに〜が、たんがらんかい、荒らはっとぅ〜たん。

あんすくとぅ、な〜ひん、フォーク、こ〜てぃっち、刺ちゃん。

あんしから、又、ニンニクとぅ、なまね〜、玉ねぎん、ばらまちゃん。

うり！

ちゃ〜が？　


【訳】今月の１８日に、このレイズドベッドにラッパスイセンとアジアティックリリーを植えた。

その後に、犬やリス、うさぎ等に穴を掘られない様にと、家にありったけのパーティー用フォーク、ナイフ、スプーンを全部そこに刺しておいた。

がしかし、真ん中ら辺が何者かに荒らされてしまった。

なので、もっとナイフを買い足し、もっともっとそこに刺しておいた。

そして又ニンニクと、今度は玉ねぎもばら撒いた。

どうだ、参ったか？　笑








記事作成：２０２３年、令和５年１１月２７日（月）
ナシュビル　２３：３０　晴れ　３２°F／０℃





  

「いち、ぬむる、ちゅらさ」んどぅせ〜、うんくとぅやは。

【訳】「息を呑む美しさ」と言うのは、このことだ！


ひらひら〜し、雪ね〜し、木〜ぬ、葉っぱが、うち〜るさまん、いとをかし。

【訳】ひらひらと、雪の様に木の葉が落ちるさまも、いとをかし。


な〜、すっかり、秋やっさ〜。。。

【訳】もうすっかり秋だ〜







記事作成：２０２３年　令和５年　１０月２２日（日）
ナシュビル　晴れ　５３°F／１２℃ 　４：３３









  

２週間ぶりに、や〜んかい、け〜てぃっちゃん。

短期単身赴任ふ〜じ〜やっさ〜や〜。

てぃ〜ちな〜、てぃ〜ちな〜、フライトがうわてぃ、け〜てぃちゅ〜しん、ないしが、シカゴとぅ、ナシュビル、いちむどぅや〜すしん、ちかり〜くとぅ、くんくゎいや、フライト、全部たっちきてぃ、フライトとぅ、フライトぬゑ〜だや、ホテルんかい、とぅまたん。

わぃ〜ぬ写真や、ナシュビルぬ空港んかい、着陸すんとぅきぬむん。

わんぬ、ちゅぶるん中や、ディーンぬ、ちらとぅ、な〜ぬ花、ビールとぅワインし、ちら〜、にたにた〜す〜たん。

あんし、や〜んかい、ちっち、シャワー浴びてぃ、カウチんかい、ひらきてぃ、マンデーナイトフットボールぬ試合いんじ〜がち〜、むん、かでぃ、ワイン一杯ぬでぃ、バタンキュー。

ゆさんでぃや、いっぺ〜、ゆ〜にんたん。

やっぱり、どぅ〜んや〜が、一番やっさ〜。


【訳】２週間ぶりの帰宅。

短期単身赴任みたいだな。

フライトの終了後にその都度都度家に帰る事は可能だが、シカゴとナシュビルを何度も行き来するのは疲れるので今回はフライトを全部くっつけ、フライトとフライトの間はホテルに宿泊した。

上の写真は、ナシュビルの空港に着陸する時の物。

私の頭の中ではディーンの顔と庭の花、ビールとワインがちらつき、顔はにたにたしていた。

そして家に着き、シャワーを浴びた後はカウチに座りマンデーナイトフットボールの試合を観戦しながら夕飯を食べ、ワイン一杯飲んでバタンキュー。

昨晩は本当によく眠った。

やっぱり自分の家が一番だ！





記事作成：２０２３年　令和５年、９月１９日（火）
ナシュビル　６：２０　５３°F／１２℃




  

キッチンサイドぬ、３番み〜ぬ、レイズドベッドが、完成さん。

ディーンが、にんいってぃ、ちばてぃ、作たし。

くんど〜、わんぬ、出番やさ。

うまんかいや、ぬ〜うぃ〜がや〜？

なま〜、挿し木さるバラとぅ、くぶり〜だにし、すだちゅ〜る、ひまわりが、さちゅ〜しが、うりが、うわいね〜、バラびっけ〜ぬくいん。

うぬ挿し木ぬバラや、うむとぅ〜たる以上に、ふとぅんどぅ、いちぬびてぃとぅらちょ〜ん。

うりどぅくるか、ふどぅうぃ〜しん、へ〜さぬ、剪定さる、てぃ〜ちぬ、ゑ〜だから、ふかにゑ〜だ作てぃ、花ぐゎ〜咲かちゅ〜んで〜。

ゆんね〜す〜ね〜、うぬ場所が、気にいっちゅ〜るふ〜じ〜やくとぅ、うぬまま〜、うぬレイズドベッドぬ中うてぃ、すだてぃ〜しぇ〜ましやがら分からん。


【訳】キッチンサイドの３番目のレイズドベッドが完成した。

ディーンが一生懸命作ってくれた。

この後は私の出番だ。

さ〜ってと、ここには何を植えようかな〜？

今は、挿し木をしたバラと零れ種から育ったひまわりが咲いているが、それが終わったらバラだけが残る。

この挿し木のバラは、思っていた以上に殆どが生き延びてくれた。

それどころか成長が早く、剪定された一本の枝から他に枝を作って花を咲かせている。

どうやらこの場所が気に入ってるようなので、そのままそのレイズドベッドの中で育てた方が良いかもだな。

ここからは、レイズドベッドの出来上がるまでの過程

２０２１年７月　↓

２０２２年５月　↓

２０２２年６月　↓

２０２２年８月　↓

２０２２年１０月　↓

今　↓

記事作成：２０２３年　令和５年　８月２８日（月）旧盆、うんけ〜の日
ナシュビル　６：１９　雨のち曇り　７０°F／２１℃






  

くとぅしぬ、ひまわりや、くん２種類。

くとぅしや、たに、うぃ〜て〜かんくとぅ、どぅ〜た〜な〜し、かってぃに、さちゅ〜し。

いっぺ〜、可愛いぐゎ〜。

うぃ〜ぬ、写真ぬ花や、1っか月びっけ〜咲ち、「ま〜だ、さちゅ〜んな〜？」んでぃ、ディーンまじゅい、うどぅるちゅ〜ん。

しちゃぬ、写真ぬ花ぬ、ま〜いんかいや、くずぬ秋に挿し木さる薔薇ぬ花んさち、ぅむっさん。


【訳】今年のひまわりは、この２種類だ。

今年は種植えをしてないので、こぼれ種で咲いてるものだ。

とても可愛い。

上の写真の花は１ヶ月ほど咲きっぱなしで「まだ咲いてるの？」とディーンと二人で驚いている。

下の写真の花の周りには、去年の秋に挿し木をしたバラの花も咲いていて面白い。









記事投稿：２０２３年　令和５年　８月４日（金）
ナシュビル　５：５０　曇り　７１°F／２２℃











  

や〜んくしり〜ぬ、ぶ〜らんこ〜ぬめ〜ぬ、チューリップが咲ちっち、可愛いぐゎ〜やっさ〜んでぃち、写真とぅっとぅ〜たるば〜るやしが、ぬ〜がぬ〜んでぃち、にじりんはら〜しか咲ちゅ〜かんば〜がや〜？　てぃらぬ、あたいようや、まじゅいやるはじやしがや〜。。。？？？

んでぃち、ひじゃいんはら〜ぬチューリップ、ゆ〜いんちんちゃん。

あぎじゃびよ〜な〜、うまんはらや、ぬ〜んがらんかい、うちくゎ〜っとぅ〜せ〜や〜。

うまか〜ら辺や、鷹がちゃあとぅび〜す〜くとぅ、うさぎん、リスん、あんまり、いんだんしが、た〜ぬ、仕業がや〜？

んでぃち、ディーンかい、あびたれ〜、「犯人や、くぬめ〜いっちゅ〜たる、とぅないぬ、牛るやはじど〜。あんいい〜ね〜、ぶ〜らんこ〜ぬ近くうてぃん、ぬんがら、かどぅ〜たっさ〜」んでぃ。

フェンスぬま〜から、いんじてぃちゅ〜がら、分からんしが、うったぁ〜や、時々、わったぁ〜や〜んくしり〜うてぃ、いんじてぃちゅ〜るとぅきがあんば〜よ〜や〜。

は〜っしぇ、草やれ〜、いちゃっさ、かでぃんしむしが、チューリップや、かまんけ〜や〜。

【訳】裏庭のブランコの前のチューリップが咲き始め、可愛い〜と、写真撮影をしていたのだが、ん？　なぜ右側しか咲いてないの？　陽の当たり方は同じのはずなのにな〜。。。？？？

と、左側のチューリップをチェックしてみた。

あちゃーっ、なんじゃこりゃあ、こっち側は何者かに食われてるじゃないか！

ここら辺は鷹（タカ）がよく飛んでるので、うさぎもリスもあまり見ないが、一体誰の仕業なんだろう？

とディーンに愚痴ると、「犯人は、この間うちに来ていた牛だよきっと。そう言えばブランコの近くでも何か食ってたしな〜」との事。

フェンスの何処から出てくるのか知らないが、こやつらは時々うちの裏庭に姿を現すんだよな〜。

もうっ、草なら幾らでも食べて良いが、チューリップは勘弁してよ〜。




























記事作成：２０２３年　令和５年　３月１４日（火）４：１２
ナシュビル　晴れ　３１°F /−１℃












  

  

くとぅしぬ、ラッパ水仙や、さちゅしがへ〜さんね〜すん。

球根、うぃ〜たる日〜が、まちまちやたくとぅ、花がさちゅ〜しとぅ、さちゅ〜かんしがあん。

ちゅうや、まじぇ〜、なまさちゅうる写真集。

【訳】今年のラッパ水仙は咲くのが早く感じる。

球根を植えたタイミングもまちまちだったので、花が咲いてるのと咲いてないのがある。

とりあえず今日は今咲いてる方の写真を紹介したい。