方言日記（まかびむにー）

くんど〜、バナナブレッドんかい、挑戦。（今度はバナナブレッドに挑戦）

あんし、くんくぁいや、ミックス使用。　（そして今回は、ミックスを使用）

うり、ちけ〜いね〜、バナナとぅ、卵とぅ、みじびっけ〜あれ〜、しむんでぃがら。
（これを使うと、バナナ、卵、水だけあればいいんだとか）

へ〜い？　んでぃち、半信半疑やたしが、はくんかい、書かっとぅ〜るとぅ〜い、作てぃんちゃん。
（へ〜？　と半信半疑ではあったが、箱に書かれてるレシピ通り作ってみた）






バナナつぶちゃし、ミックス、みじ、卵てぃ〜ち（バナナ２本を潰したもの、ミックス、水、卵一個）


１、まじ、はじめに、型んかいバターぬてぃ、うちきとぅ〜てぃ、オーブンや３５０℉しプリヒート。
　　（まず始めに、型にバターを塗り置いておき、オーブンを３５０℉でプリヒートする）↓



２、材料、全部ボウルんかいたっくでぃ、かきまじ〜ん。（材料を全部ボウルに入れかき混ぜる）↓



３、型んかい、流しくむん。（型に流し込む）↓
　　きぬ〜ぬ、ぬくいむんぬ、チョコレートチップや、おまけ。
（昨日の残り物チョコレートチップはおまけ）笑



４、３５０℉ぬ温度し、４５分〜５０分オーブぬんし焼ち、爪楊枝、さち、うりんかい、ぬ〜んちかんね〜、出来上がり。
　（３５０℉の温度で４５分〜５０分オーブンで焼き、これに爪楊枝をさして何もつかずに綺麗に取れれば出来上がり）↓



うまわ〜け〜、しむたしが、又ん、オーブぬんかい、いったんまんま〜さくとぅ、いひぐぁ〜硬くなたん。

やしが、味や、１００点満点ぬ、１００点。

味ん甘はたしが、どぅ〜んかいん、あまはんや〜たい。

やっぱり、レシピどぅ〜いし〜ね〜、成功すんどぅるくとぅやは。


そこ迄は良かったのだが、又してもオーブンに入れっぱなしにしてあったので少し硬くなった。

だけど味は１００点満点の１００点！

味も甘かったが自分にも甘いね〜。

でもやっぱりレシピ通りにすれば成功するという事だね！




  

マフィンや、あらんせ〜や〜！　（マフィンじゃね〜し！）


あらん。

マフィン、作いんでぃるやたんど〜、最初や。

材料ん、むる、準備し、マフィンぬカップん用意し、レシピ、いんじ〜がち〜な〜、まじてぃ、いざ、カップんかい、流しくむんでぃ〜るとぅきに、カップいんじゅる、焼き型がね〜んくとぅんかい、気ぢちゃん。

あんすくとぅ、急遽、予定変更し、パン用ぬ型んかい、いったん。


いやいやいや。。。

最初は、マフィンを作ろうと思っていたんだ。

材料も全て揃え、マフィンのカップも用意し、レシピを見ながら材料をかき混ぜ、さてとカップに流し込むぞ！

という時に、マフィンの焼き型が無いのに気づいた。 src="https://twemoji.maxcdn.com/v/13.0.0/svg/1f632.svg" style="width: 22px; height: 22px; vertical-align: sub;">

それで急遽予定変更し、パン用の型に流し込んだ。

レシピ（Delish Kitchen　から）

材料【３人分】

バナナ　　　　　　　　　　　　　　　　　　　　　　　１本
たまご　　　　　　　　　　　　　　　　　　　　　　　１個
ピーナッツバター　　　　　　　　　　　　　　１００g
はちみつ　　　　　　　　　　　　　　　　　　　　　大さじ３
バニラエッセンス　　　　　　　　　　　　　　数滴
塩　　　　　　　　　　　　　　　　　　　　　　　　　ひとつまみ
ベーキングパウダー　　　　　　　　　　　　　３g
油　　　　　　　　　　　　　　　　　　　　　　　　　適量
チョコチップ　　　　　　　　　　　　　　　　　　適量

失敗談：

まじ、始めに、人数が、４人やたくとぅ、レシピぬ２倍（６人分）ぬ分量。

はちみつや、あんでぃうみとぅ〜たしが、大さじぬ、２杯分しか、ぬくとぅ〜たんくとぅ、ぬくいや、てんさい糖し代用。

ピーナツバターん、１００g んでぃ、ぃちゃっさがら分からんたくとぅ、ググてぃしらびたん。

７、０５　テーブルスプーンんどぅるくとぅ。

どぅるくと〜、7.05 x 2 = 14.10　なぁ〜？

はぁ〜？

テーブルスプーンぬ、１４杯？

いちいち測て〜うららんしが！

んでぃち、適当に、テーブルスプーンぬ大盛りんかいし５杯たっくだれ〜、どぅくん、ううく、いってぃね〜らん。

やくとぅ、なまね〜、バナナ、な〜一本、いったしが、うりしん、たら〜んね〜すたくとぅ、又な〜一本。

バナナ合計４本。

あんし〜ね〜、ふかぬ分量ん、な〜ひん、いんだんね〜ならんしが、ベーキングパウダーびっけ〜、いひぐゎ〜たち、焼ちゅる準備がとぅとぅぬたん。

あんし、なまね〜、オーブンぬ温度し、？？？

オーブン200度し、１０分間どぅるくとぅ。

わった〜オーブンや、華氏。

日本ぬオーブンや、摂氏。

あんすくとぅ、わった〜むんせ〜、多分４００度（℉）びっけ〜やるはじんでぃち、うぬ温度し焼ち〜はじみたん。

３人分やれ〜、１０分し、焼ちあがいしが、わんの〜、レシピぬ４倍んかいなたくとぅ、４０分？

は〜や〜？

取り敢えずタイマー設定さしが、オーブンぬまどぅから、いんちぇ〜し〜し〜し、膨らみぬ、わぃ〜んに〜が、茶色〜がかてぃっちゃくとぅ、３０分びっけ〜し、とぅみたん。

うんとぅけ〜、ケーキね〜し、わぃ〜かい、ふくらでぃ、いっぺ〜いい感じやたしが、１時間後に、オーブンからいんじゃちゃれ〜、はんぶの〜、萎どぅ〜たん。

味や、１００点満点ぬ、６０点。

つげ〜、な〜ひん、練習し、１００点満点、い〜ぶはっさ〜。


まず始めに、人数が４人だったのでレシピの２倍（６人分）の分量。

はちみつはあると思っていたのだが大さじ２杯ぶんしか残っておらず、残りはてんさい糖で代用。

ピーナツバターも１００gってどれぐらい？

とググってみた。

テーブルスプーンの７、０５との事。

という事は、７.０５　x ２　＝　１４．１０杯？

えっ〜〜〜〜〜？

テーブルスプーンの１４杯？

いちいち測ってられません。

と、適当にテーブルスプーンを山盛りに５杯入れてしまった。

どうやら入れすぎた様だと、今度はバナナをもう一本足すことに。

でもそれでも足りなさそう。。。

と更にもう一本。

バナナ合計４本。

という事は他の分量ももっと足さねばならないはずなのだが、ベーキングパウダーのみ少し足して焼く準備が整った。

そして今度はオーブンの温度で困った事が。。。？？？

オーブン２００度で１０分間との事。

うちのオーブンは華氏。

日本のオーブンは摂氏。

じゃあ、私達のオーブンだと約４００度（℉）だろうと、その温度で焼き始めた。

３人分であれば１０分間で焼き上がるが、私のはレシピの４倍になったので４０分？

え〜っ、まさか〜？

取り敢えずタイマーを設定したが、オーブンの窓から見てはチェックし、膨らみの上の方が茶色がかって来たので３０分程で止めた。

その時はケーキの様にふっくらと膨らみとても良い感じだったのに、１時間後にオーブンから出したら半分萎んでいた。

ひぇ〜！

味は100点満点の６０点。

次回はもっと練習をこなし、100点満点を取りたいな〜。






  

最近る、気ぢちゃるくとぅやしが、サラダミックスぬ中んかい、水菜が、いっちゅ〜ん。

水菜や、アミリカうてぃん、「ミズナ」やるば〜やさや〜。。。

あんい〜ね〜、ししとうん、うまうて〜うぬまま〜「シシトウ」やん。

ぬんがら、日本が、近くに感じ〜っさ〜。


最近気づいた事なのだが、サラダミックスの中に水菜が入っている。

水菜はアメリカでも「ミズナ」なのか〜。。。

そう言えば獅子唐もここでは「シシトウ」のままだ。

なんだか日本が近くに感じられる。







あんし、きぬ〜ぬ、ランチや、うり　↓

きぬ〜や、昼間からあみがふいんでぃ、予報がいんじとぅたくとぅ、ひてぃみてぃむぬん、かまんぐとぅ〜、草刈や〜、はじみたん。

あんすくとぅ、昼め〜から、や〜はぬならん、草刈とぅ〜るとぅきに、ランチぬメニューびっけ〜かんげ〜とぅ〜たん。

サラダびっけ〜せ〜、たら〜んくとぅ、卵ぬ厚焼きん、かみ〜ぶくなてぃ、さ〜らない、つくたん。

＊トマト〜や、わった〜や〜うてぃ、とぅりたし。


そして昨日のランチはコレ　↓

昨日は、昼間から雨が降るという予報が出てたので朝食抜きで草刈りを始めた。

だからお昼前からお腹が空き、草を刈ってる時にランチのメニューばかり考えていた。

サラダだけだと物足りないので、厚焼き卵も食べたくなりパパッと作った。

＊トマトは我が家で収穫したもの　








  

ちゅうぬ、ハイライトや、ケイファミリーが、わった〜や〜んかい、いっちゃるくとぅ。

テネシー州んかい、すどぅ〜る、どぅしぐゎ〜んに〜んかい、いんじゃるあとぅ、や〜んかい、け〜いる途中、わった〜に〜んかいん、いっちゃん。

うった〜や〜や、車し７時間かかいるとぅくまやくとぅ、ゆど〜はんたしが、いっぺ〜、いい時間やたん。

うとぅとぅ、わらびんちゃ〜と〜、はじみてぃ、あ〜たしが、め〜め〜から、しっちょ〜る〜ふ〜じ〜感があたん。

きぬ〜、ピーチ（桃）狩りんかい、いんじゃくとぅんでぃち、わった〜んかいん、お裾分けいたん。

わらびんちゃ〜が、車んかい、むどぅてぃ、わった〜んかい、くぃ〜せ〜、上等からんでぃち、えらでぃ、むっちっち、とぅらちぇ〜たん。

は〜、いいわらびんちゃ〜やっさ〜！

んでぃち、感動さん。

あんし、ちゅうぬランチや、桃、バナナ、イチゴぬフルーツサラダ。

いっぺ〜、ま〜はたん！


【訳】

今日のハイライトはケイファミリーの訪問。

テネシー州に住んでいる友達の家を訪れ、その帰りにうちに寄ってくれた。

彼女んちは車で７時間かかるので長居はしなかったが、とても楽しい時間だった。

旦那さんと子供達とは初めて会ったのだが、前々からの付き合いがあるかの様な感があった。

昨日ピーチ狩りに行ったとかで、桃をお裾分けしてもらった。

子供達が車に戻り、私たちの為に上等な桃を選定し持ってきてくれた。

なんていい子達なんだろう。

感動！

だから今日のランチは、ピーチ、バナナ、イチゴのフルーツサラダ。



とても美味しかった〜！




  

ダリアが、７ぐゎち２１日に、開花さん。

くとぅしや、棒ぐゎ〜し、ささゑとぅ〜くとぅ、まっす〜ぐ〜、てぃぬんかい、いんかてぃ、ぬびとぅ〜ん。

くずや、支柱せ〜ぅかんたくとぅ、ひんまがや〜ひんまがや〜し、横んかい、ぬびとぅ〜たん。

花ん、だてぃ〜、しわはんね〜、ちゅね〜し、くくるが、ひんまがいるば〜やさや〜。

あんすくとぅ、くとぅしや、だてぃ〜、面倒いんちゅう〜んど〜。

なま、１６０cm びっけ〜あがや〜？

ふかにん、ま〜だ、ちょうで〜がうくとぅ、な〜ひん、咲ちゅんど〜。

たぬしみ！　


ダリアが７月２１日に開花した。

今年は支柱を使ってるのでまっすぐ空に向かって伸びている。

去年は支柱を忘れてひん曲がり、ひん曲がり～で横に伸びていた。

花もちゃんと世話をしてあげないと人間みたいに心がひん曲がるんだね～。

だから今年はちゃんと面倒みてるよ〜。

今１６０cmぐらいかな～？

他にも兄弟姉妹がいるので、まだまだ沢山花が咲く。

楽しみ～！

蕾から花への成長過程

７月１７日（金）

７月１８日（土）

７月１９日（日）

７月２０日（月）

７月２１日（火）

７月２２日（水）

  

うってぃ〜や、ひてぃみてぃ、へ〜くな〜から、ゆさんでぃわ〜き、ふかうてぃ、わじゃす〜たくとぅ、きぬ〜や、筋肉痛なてぃ、どぅ〜ん、うんぶはぬ、いんじゅち〜かんてぃ〜す〜たん。

１日中に〜ぶいか〜ぶいし、うきとぅ〜しゆ〜か〜、にんとぅ〜る時間が長はたるはじ。

ひっち〜、にんて〜、うきて〜す〜たるむんぬ、ゆろ〜、７時半ね〜にんじ〜がはたん。

ぬ〜が、うんし、ゆ〜にんじゅる？

ちゅうぬ、あかちちや、４時に、み〜さみてぃ、きぬ〜んくとぅ、うみ〜いんじゃちんちゃん。

どぅしぐゎ〜んかい、きぬ〜んくとぅ、うってぃ〜とぅ、きぬ〜んくとぅ、あびたれ〜、「熱中症んかい、気〜ちきりよ〜」んどぅるくとぅ。

うんとけ〜、「え〜、ぬ〜んあらんよ〜！」んでぃち、うみたしが、なまかんげ〜ぃね〜、むしかし〜ね〜、熱中症るやてぃがや〜？

んでぃち、ググてぃ、症状、しらびてぃんちゃん。

症状や、立ちくらみ、頭痛、吐き気、嘔吐、筋肉痛、くんだあがいとぅかぬ痙攣、大量ぬあし、倦怠感、どぅぬ高温そ〜な〜。

うん中うてぃ、わんにんかい、あてぃはまいせ〜、筋肉痛とぅ、倦怠感びっけ〜。

やくとぅ、ぬ〜んあらんで〜うみ〜しが、じゅんに、気〜ちきらんね〜ならんさ〜。

きさ〜や、「ひてぃみてぃ、へ〜くな〜から、ゆさんでぃわ〜き、ふかうてぃ、わじゃす〜たん」んでぃ書ちゃしが、ランチや、クーラーがいっちゅうる、や〜ん中うてぃ、かだし、うんめ〜に、ちぬん、むるけ〜たん。

ランチぬあとぅん、どぅ〜がさみ〜るわ〜き、や〜ん中んかい、うたくとぅ、熱中症ぬ予防んかいなとぅ〜たんでぃうみ〜ん。

みじん、ゲータレードんでぃ〜る、清涼飲料水ん、て〜まいぬだん。

わじゃん、テントぬか〜ぎんに〜うてぃさん。

ん？　待て〜！

テントぬ中ぁ〜？

くれ〜、要注意がら分からんど〜。

熱中症が、うくいやっさるとぅくまんかい「気温が高はん」「湿度が高はん」「日差しがちゅ〜はん」「照り返しがちゅ〜はん」とぅかがあぎらっとぅ〜ん。

か〜ぎんに〜んかいういね〜、ぬ〜んあらんよ〜んでぃち、勘違いす〜たがら分からん。

あんい〜ね〜、熱中症んかい、かかいせ〜、室内んかい、うるっちゅがるううさんでぃ、まんがらうてぃ、ちちゃるうび〜があん。

気〜ちきらんね〜ならん。

あんし、１にみじ、２にみじ、３にみじ。

みじ、みじ、みじ。

水分補給、くくるがきらんね〜ならん！


【訳】

一昨日は早朝から夕方まで屋外で作業をしていたので、昨日は筋肉痛で身体も重く思うように動けなかった。

１日中眠くて、起きているより眠っている時間の方が長かったと思う。

ず〜っと、寝ては起きの繰り返し。

なのに夜は７時半には床についた。

今朝は４時に目が覚め、昨日のことを振り返り考えてみた。

友人に昨日当日、一昨日の話をしたら「熱中症には気を付けて」との事。

その時は「え〜っ？　そんな事はないよ！」と思ったが、今考えるともしかして熱中症だったのか？

とググって症状を調べてみた。

症状は、立ちくらみ、頭痛、吐き気、嘔吐、筋肉痛、痙攣、大量ぬ汗、倦怠感、高体温等々。

この中で私に当てはまるのは、筋肉痛と倦怠感だけだ。

なので大丈夫だとは思うが、ホント今後気を付けなければいけない。

さっきは「一昨日は早朝から夕方まで屋外で作業をしていた」と書いたが、ランチはクーラーの入った家の中で食べたし、その前に服も全部着替えた。

その後、ほてりが治るまで室内にいたので熱中症の予防になっていたと思う。

水もゲータレードという清涼飲料水も十分に摂取した。

作業もテントの中の日陰でやった。

あっ、ちょっと待て！

テントの中。

これ、要注意かも。

熱中症が起こりやすい場所として、「気温が高い」「湿度が高い」「日差しが強い」「照り返しが強い」などが挙げられている。

日陰にいれば大丈夫と勘違いしていたかも知れない。

そう言えば熱中症にかかるのは室内にいる人の方が多いって何処かで聞いたような気がする。

気を付けよ〜っと。

それに、１に水、２に水、３に水。

水、水、水。

水分補給、心がけよう！




  

「ジーンズぬ股にに〜んが、すり減てぃ、穴があちゅ〜くとぅ、な〜、してぃ〜ん」でぃ、い〜くとぅ、あんすら〜、くりし、紐作いくとぅ、してぃらんけ〜んでぃち、作たしがうり↓

「ジーンズの股の方がすり減り穴が開いてしまったのでもう捨てる」と言うので、じゃあこれで紐を作るから捨てないで。と作ったのがこれ↓











トマト〜ぬサイズやうり↓調整め〜（トマトのサイズはこれ↓　調整前）笑





  

くんみ〜ちや、うやっくゎ。

うやや、まん中ぬ、一番まが〜。

２０１６年ぬ、９ぐゎちに、こ〜たんね〜すん。

うん花や、葉っぱんかい、みじ、かき〜ね〜、斑点がいんじ〜くとぅ、みじ、くぃ〜るとぅきや、気〜ちきとぅ〜るば〜るやしが、１ヶ月め〜から、ぬくくなたくとぅんでぃち、フロントポーチんかい、うちきて〜たれ〜、あみふいに、あみぬしぶきがかかてぃ、葉っぱんかい、あたてぃ、斑点がいんじてぃっちゃん。

あんすくとぅ、またん、や〜中んかい、移ちゃん。

にじりんはら〜んの〜、真ん中ぬうやが、ま〜だ、ぐなはたるとぅきに、横んかい、いんじてぃいっちゃし。

しに〜がた〜ま〜とぅ〜たしが、ふかぬ鉢んかい、わぃ〜け〜たれ〜、元気なてぃ、うんし、まが〜なとぅ〜ん。（よしっ！）

ひじゃいんはら〜んの〜、うやぬ、葉っぱちっち、挿し芽さし。

ゆ〜ちからはじみたしが、た〜ちびっけ〜ぬくとぅ〜ん。

うりから、わらびんちゃ〜が、うまりてぃっちゃん。



この三つは親子だ。

親は真ん中の一番大きい方。

２０１６年の９月に購入したようだ。

この花は葉っぱに水をかけると斑点が出るので、水やりをする際は気を付けているのだが、１ヶ月前から暖かくなってきたのでフロントポーチに置いていた。

それで雨の日に雨しぶきがかかり、葉っぱに斑点が出てきた。

なので又家の中に移した。

右側のは真ん中の親がまだ小さい時に横に出てきたもの。

死にかけていたが他の鉢に植え替えたら、元気になりこんなに成長した。

左側のは、親花の葉を切って挿し芽をしたもの。

最初は４枚で始めたのだが２枚だけ残った。

それから子供達が生まれてきた。（ひゃっほ〜い！）
  

わった〜や〜ぬ、キッチンシンクや、うんや〜こ〜たるとぅきから、みじぬ流り〜しが、ちゃあ、わっさぬ、何回か、鉛管（配管）屋〜ゆでぃ、の〜ち、とぅらはったしが、またしぐ〜、流り〜しがわっさくなてぃ、最後に、みしたるうっちゅんかいや、や〜ぬ、しちゃ、全部、あきてぃ、配管しの〜はんね〜ならんはじんどぅるくとぅ。

やしが、あんだん、生ゴミん、水道かぬんかいや、流はんように、気〜ちきとぅ〜くとぅ〜ぃし、スネークんでぃ〜るパイプぬ詰まりチェックする道具ししらびてぃん、まんがらうてぃ、ちまとぅ〜るとぅくま〜、てぃめ〜ららんたくとぅ、床下工事する必要やね〜んはじやしがや〜。。。

又、全く流りらんば〜やあらんぐとぅ〜、流り〜しが、いっぺ〜遅はんどぅるば〜るやくとぅ、なまわ〜き、どぅ〜た〜な〜し、プランジャーちかて〜し〜し〜す〜たん。笑

やしがな〜いい加減、我慢ならんなてぃ、きぬ〜、又配管屋〜、ゆでぃ、相談さん。

あんされ〜、うれ〜、排水通気システムがわっさるば〜やあらんがや〜？

んでぃちなてぃ、シンクぬ、しちゃんかい、ちきて〜る、Studor Vent　(Oatey Sure-Vent)　んでぃ〜る、排水通気システムが接続はっとぅ〜る
パイプちっち、み〜むんとぅ、け〜たん。


我が家のキッチンシンクはこの家を買った時からず〜っと水の流れが悪く、何回か鉛管（配管）屋さんに直してもらったのだが、又すぐに流れが悪くなり、最後に見てもらった人には、床下の配管工事をし直した方がいいかも。。。

との事。

しかし油も生ゴミも水道管には流さないように気を付けているし、スネークと言うパイプの詰まりチェックをする道具で調べてもどこかで詰まってる箇所はないので床下工事をする必要はないはずだが〜。。。

それに、全く流れないという訳ではなく、流れがかなり遅いという事なので今までずっと自分達でプランジャーを使う事しばしば。

でももういい加減我慢出来なくなり、昨日、再度配管屋さんを呼び相談をした。

すると、これは排水通気システムが悪いのではないか？

ということになり、シンクの下に取り付けてあるStudor Vent　(Oatey Sure-Vent) と言う排水通気システムが接続されているパイプを切り、新しいのを付け替えた。









あんされ〜だ〜、流り〜ん、流り〜ん。

スムーズに、流りてぃ、音ん、ポコポコ〜はんなとぅ〜ん。

バンザ〜イ、バンザ〜イ、バンザ〜イ！

そしたら（あ〜ら驚き）、流れる、流れる。

スムーズに流れ、音もポコポコ言わなくなった。

バンザ〜イ、バンザ〜イ、バンザ〜イ！




  

せっかく、上等ぐゎ〜に、咲ちゅ〜るむんぬ、とぅないぬ、アジサイんかい、負きてぃ、ゆ〜いんだんね〜分からん。

来年や、場所、移しわるやる。


せっかく綺麗に咲いてるのに、隣のアジサイに負けてしまってよく見ないと分からない。

来年は場所を移そうっと。