方言日記（まかびむにー）

ちゅうや、ヘルシー料理んかいさんでぃち、タブーリサラダ、て〜まい、つくたん。

くんくゎいや、ちゃあ、ちかとぅ〜る、「タブーリサラダぬ素」がね〜んたくとぅ、クスクスちかたん。

中身やクスクス以外に、パセリ、トマト〜、ういぐゎ〜、レモン汁すぶたし。

ちゅ〜ん、運動はんたし、ディーンや、ジムからけ〜てぃっちゃるびっけ〜。

やくとぅ、くりし、わた満たせ〜。

んでぃち、まが〜ボウルんかい、いってぃ、くり又一品料理んかいなたん。

最初や、「ま〜はん、ま〜はん」でぃち、ちら、いんち、うなぢちぇ〜し〜し〜し、かどぅ〜たるば〜るやしが、、、

半ばあたいから、に〜りてぃっち、ランチぬ、おかずぬ、ぬくい、あちらち、ぶっかけご飯し、しみたん。笑

最初っから、うんとぅ〜す〜け〜、しむたんでぃち、後悔。

せめて、ピタパンが、あれ〜、に〜り〜るくと〜ね〜んたるはじやしがや〜（たい）。

【訳】

今夜は軽くヘルシーに行こうと、タブーリサラダを沢山作った。

今回は、いつもの「タブーリサラダの素」がなかったので、クスクスを使用。

中身はクスクス以外に、パセリ、トマト、キュウリ、レモンの絞り汁。

今日も運動してないし、ディーンはジムから帰ってきたばかり。

だからこれでお腹を満たそう。

と大きなボウルに入れ、これ又一品料理の夕飯となった。

最初は、「美味い、美味い」と顔を見合わせてはうなずきながら食べていたのだが。。。

途中から二人とも飽きてしまい、ランチのおかずの残り物を温めてぶっかけご飯で締める事に。うまい！

最初っからそうすれば良かったと後悔。

せめてピタパンがあれば飽きることもなかったんだろうな～。















  

ソーキそば用につくたる煮付け。

ソーキが足ら〜んがらんでぃち、皿んかいいってぃいんじゃちゃれ〜、案の定、ソーキやディーンが、むる、うちゅかで〜たん。

な〜びんかい、いっちゅ〜るで〜くにとぅ、うんぬくいや、あちゃぬ、ランチ用。

くゎっち〜さびたん！


【訳】

ソーキそば用に作った煮付け。

ソーキ（豚のあばら骨）が足りないかもと思い皿にとって出したら案の定、ソーキはディーンが全部食っちゃった。

鍋に入っている大根と、皿に残ってるのは明日のランチ用にとっておこ〜っと。

ごちそうさまでした〜！

  

やっとぅ、うわたん！　

２０１６年から木〜ぬま〜いぬ、エッジング、し〜はじみてぃから、ちゅうわ〜き、４年かかとぅ〜ん。

はじみたるとぅきや、一本ぬ木〜びっけ〜し、満足やたしが、「うま、し〜ね〜、あまん、はんね〜ならんさ〜」ふ〜じ〜なてぃ、最初にエッジングさる木〜ぬとぅないんさん。

あんされ〜、ぅむっさくなてぃ、つげ〜、ハート型〜、つくてぃんちゃん。

やるむんぬ、ま〜いぬ木〜やエッジングはっとぅ〜かんくとぅ、「ハートが引き立たんさ〜」んでぃち、はらが〜ぬ木〜ん、エッジングするくとぅんかいさん。

やしが、エッジングぬ石や、で〜だか〜やくとぅ、いひな〜いひな〜しいかんね〜ならん。

や〜かい、いんかてい、にじりんはら〜ぬ、木〜全部、うわたるとぅきや、とりあえず、うぬとぅしぬ、目標や達成し、ちむんふじゃるば〜るやしが、「にじりんはら〜、し〜ね〜、ひじゃいんはら〜んはんね〜、バランスがとぅららん、ふ〜じんね〜らん」んでぃち、うまんはら〜ん、てぃがきたん。

エッジングぬサイズが、しんで〜しんで〜、まが〜なてぃっちゅ〜しが、しむさ。

とにかく、全部うわてぃ、一段落ちっちゃん。


【訳】

やっと終わった〜！

２０１６年から木の周りのエッジングを始めて今日まで４年かかってしまった。

始めた時は一本の木だけで満足だったのだが、「ここをするんなら、あそこだってしなくっちゃ！」みたいな雰囲気になり、最初にエッジングをした木の隣のもやった。

そうしたら段々面白くなってきて、次はハート型を作ってみた。

でも周りの木はエッジングされてないので、「せっかくのハートが引き立たないな〜」と、横の木達もエッジングをする事にした。

しかし、エッジングの石は値段が高いので少しずつやっていかなければならない。

家に向かって右側の木を全部し終わった時は、とりあえずその年（去年）の目標は達成し満足したわけだが、「右側をやったら、やっぱり左側もしないとバランス取れないよな〜。。。」みたいになり、こちら側を手掛けたという事だ。（笑）

エッジングのサイズが次第に大きくなってきてるが、気にしない、気にしない。

とにかく全部終わって一段落ついた。







  

１ぐゎちがら、２ぐゎちね〜、鉢んかい、いっちゅ〜るアマリリスぬ、くとぅ、紹介さしが、くんくゎいや、バードバスがある花壇ぬアマリリス。

うんとぅ〜とぅくまんかいん、わぃ〜て〜たがや〜？

んでぃち、地面から、ちらいんじゃちちゅ〜る、アマリリス、いんちぇ〜、ちゅぶる、かしぎて〜し〜し〜し、め〜にち、うりが、ふどぅわぃ〜し、いんじゅしが、ぅむっさたん。

あんし、め〜にち、いんちゅ〜たくとぅ、分かたるくとぅやしが、ふどぅぬ、高はせ〜、花がゆ〜ち咲ち、色や、ライトオレンジ。

ふどぅぬ、低はせ〜、花や、た〜ちし、色やまっかっか〜。

あんし、それぞれ１本から２ほぬんかい、ふぃ〜とぅ〜ん。

来年や、３ぼぬんかい、ふぃ〜るば〜らがや〜？

たぬしみやっさ〜。


【訳】

１月か２月には鉢に入ったアマリリスの事を紹介したが、今回はバードバスのある花壇のアマリリスだ。

こんな所にも植えたっけ？

と地面から顔を出すアマリリスに頭を傾げ、成長するのを毎日楽しく観察してきた。

観察していて分かった事だが、背の高い方は花が４つ咲き、色はライトオレンジ。

背の低い方は、花は２つで鮮やかな赤だ。

そしてそれぞれ１本から２本に増えている。

来年は３本に増えるのかな？

楽しみ～

クロースアップ

  

きぬ〜や、１日中、あみんでぃち、予報が、め〜め〜から、いんじとぅ〜たくとぅ、アイちゃん夫婦んかい、さすわってぃ、あったぁ〜が、かゆとぅ〜る、ジムんかい、初みてぃ、いんじっちゃん。

うぬ、ジムや、わったぁ〜や〜から、車し１０ぷぬんかからんあたい、ちちゃはん。

会員費ん、やっさい、会いぬんかいならんてぃん、使用料や一回４ドルんでぃがら。

やしが、なま〜、コロナウィルス（COVIDー１９）ぬ強制閉館が解禁はったるとぅくまやくとぅ、いちゃんだし、中んかい、いらり~ん。

中や、人数制限はってぃ、トレッドミルや、一台越しにブロックはってぃ、使用制限ぬん４０分でぃ、なとぅ〜ん。

わんね〜、きぬ〜や、久しぶりぬ、運動やたくとぅ、トレッドミルし、２マイルしか、あっかんたん。

やしが、坂あがいんね〜し、インクライン、最高ぬ１５んかいせ〜し〜し〜さくとぅ、あしかちゃん。

うぬあとぅ、な〜てぃ〜ちぬ、マシンちかてぃ、腹筋運動。

あんしから、館内ま〜てぃ、写真とぅって〜し〜し〜し、情報収集。

ディーンが、なま、いんじゅ〜るジムや、うまぬ３倍びっけ〜まがはしが、とぅ〜はんあい、会員費ん、高はくとぅ、うまんかい、うちてぃとぅらはんがや〜んでぃ、うみ〜ん。

とにかく、ちゃんとぅ、ジムんかい、いんじゃるくとぅが、てぃ〜ちめぬ、ゴール達成。笑


【訳】

昨日は１日中雨との予報が前々から出ていたので、アイちゃん夫婦に誘われ、彼女達が通うジムに初めて行ってきた。

このジムは、我が家から車で１０分もかからない程近い。

会員費も安いし会員にならなくても、使用料は一回４ドルだそうだ。

しかし今は、コロナウィルス（COVIDー19)の強制閉館が解禁されたばっかりなので無料で中に入ることが出来る。

中は人数制限されており、トレッドミルは一台越しにブロックされ、使用制限も４０分となっている。

私は昨日は久しぶりの運動だったので、トレッドミルで２マイルしか歩かなかった。

とは言え、坂を上がるようにインクラインを最高の１５に上げたりしたので汗をかいた。

その後は、もう一つのマシンを利用し腹筋運動。

その後は館内を回り、写真を撮ったりして情報収集。

ディーンが今通うジムは、ここの３倍ぐらい広いと思うが、遠いし会員費も高いので、どうにかここに移ってもらえないだろうか？　

とにかく、ちゃんとジムに行ったというのが一つ目のゴール達成。笑




た〜ちめぬ、ゴールや、エッジング。

【訳】

二つ目のゴールは、エッジングだ。

Before

After

ぬくいや、あとぅ、た〜ち。

うん、た〜ちし〜ね〜、中んはら〜ぬ、木〜ぬ、エッジングが、全部うわいるくとぅんかいないん。

やしが、次んの〜、木〜ぬ、に〜が、地面から、いんじとぅ〜くとぅ、むちかはん。

ちゃ〜すがて〜？　


残りはあと２つ。

この２つが完成すれば内側の木のエッジングが全部終了する事になる。

がしかし、次の木は、根っこが地面から出てるので難しい。

どうしようかな〜？　









  

ゴールディーとぅ、どぅし。

ゴールディーや、だんぱちはってぃ、やしてぃみ〜ん。笑

どぅしぐゎ〜や、め〜いんちゃんとぅけ〜、ぐな〜ぐゎ〜るやたしが、うんし、ふどぅわぃ〜とぅ〜るへ〜！

くんどぅしぐゎ〜んかいん、の〜じ、ちきらんね〜ならんさ〜。


【訳】

ゴールディーとお友達。

ゴールディーはヘアーカットされており痩せて見える。笑

お友達は、前回見た時は小さかったのに、こんなに大きくなっちゃって！

このお友達にも名前をつけなくてはだな。






  

あしび〜ぐくるし、ラッパスイセン、な〜ん、ど真ん中んかい、わぃ〜たしが、きっかけし、くんくゎいぬ、花壇が完成さん。

黄色〜バラが、ま〜だ、鉢んかいいっち、うり、ま〜んかい、わぃ〜がや〜んでぃち、まゆとぅ〜たる、ある日、たまたま、母ぬ日〜やたるば〜るやしが、ディーンが、「うま〜、ちゃあが？」んでぃち、スコップとぅ、ふかぬ、ガーデニング用ぬ、道具とぅまじゅい、用意はってぃ、うちきらっとぅ〜たん。笑

「お〜、上等！　あんすら〜、ローズガーデンつくいみ？」

んでぃち、しぐ〜、うん日〜に円ぬまがさ、中んはら〜直径７フィート（2.1メートル）んでぃ決みてぃ、芝んはがち、ま〜るく、形んつくてぃさしが、エッジングぬ、石がたら〜んたくとぅ、作業や一旦中止。

くぬあとぅ、ホームセンターんかい、いんじ、石とぅ、バラ、こ〜てぃちゅ〜る予定やたしが、ディーンが、レイズドベッド、つくとぅ〜る最中やたくとぅ、わんにん、かし〜するくとぅんかいさん。

あんしから、こ〜いむんし〜がいちゅんでぃちやたしが、たいんなむん、くたんでぃてぃ、うぬ日〜や、うぬ、レイズドベッドびっけ〜完成しみてぃ、１日が、うわたん。

５日後、やっとぅ完成。

やしが、ローズガーデンやあらん。

黄色〜ばらぬ、まぁ〜いんかいや、可愛いぐゎ〜、ダイアンサス、わぃ〜るくとぅんかいさん。笑


【訳】

遊び心でラッパスイセンを庭のど真ん中に植えたのがきっかけで、今回の花壇が完成した。

黄色いバラの花がまだ鉢に入っており、それを何処に植えようか迷っていたある日、その日はたまたま母の日だったのだが、「こっちに植えれば？」とシャベルと他のガーデニング用の道具と一緒に用意され置かれていた。笑

「お〜、いいね〜。じゃあ、ローズガーデン作ろうかぁ？」

と早速その日のうちに円の大きさ内側直径７フィート（２、１メートル）と決め、芝を剥がし、まぁ〜るく形を作ったのだが、エッジングの石が足りなくて作業は一旦中止。

この後ホームセンターに行き、石と薔薇を買ってくる予定だったが、ディーンがレイズドベッドを作成中だったので私も手伝う事にした。

そしてその後に買い物に行こうという事になっていたが、結局は二人とも疲れてしまい、この日はそのレイズドベッドだけ完成させて１日が終わった。

５日後、やっと完成！

だがローズガーデンではなく、黄色いバラの周りには可愛いダイアンサスを植える事にした。



今回の教訓：

プロジェクトは、材料が全部揃ってから始めよう！






くまから〜、花壇がないるわ〜きぬ、作業過程。（ここからは花壇が完成する迄の作業過程）

プロジェクト開始　初日

因みに、ディーンが作ってくれたのはこれ↓

  

きぬ〜、２０２０年（令和２年）ぐんぐゎちなのか、木曜日、（はり）。

め〜め〜から計画す〜たる、コンクリートパティオるやしが、うれ〜、なま、必要やてぃがや〜？

んでぃち、セメント、敷ちから、後悔し、むぬうみ〜す〜たん。

何回な〜ん、ひっち〜、しあがたる写真いんちぇ〜、うふいちちっち、「失敗さがや〜？」んでぃち、どぅ〜ちゅいむに〜す〜ん。

やしが、待て〜。

だぁ〜、め〜ぬしゃしぬん、いんちんだ。

んでぃち、Beforeとぅ、うん又め〜ぬBeforeぬ写真、み〜くらびてぃいんちゃん。

かんげ〜てぃんで〜から〜、１ヶ月びっけ〜め〜に、焚き木ぬ、山積みはっとぅ〜たし、かたじきたるあとぅん、うまんに〜んかいや、い〜るくと〜ね〜んたっさ〜。

うま〜、負〜ぬ、空気が、くまとぅ〜たん（ながりとぅ〜たん）。

やしが、なま〜、ちげ〜ぃん。

なま〜、あってんぐゎ〜に、明るくなてぃ、ぬんがら、分からんしが、うまんかい、惹かり〜ん。

うま〜、「陰」から「陽」んかい、変わたんね〜すん。

やくとぅ、やっぱし、なま、セメント敷ち、あたとぅ〜たるば〜やは。

んでぃ、うみ〜るくとぅんかいさん。


昨日、２０２０年（令和２年）５月７日、木曜日（晴れ）。

兼ねてから計画していたコンクリートパテオだが、これって今必要だっただろうか？

と、セメントを敷いた後に後悔する自分がいた。

何度も仕上がりの写真を見てはため息をつき、「失敗したかな？」とつぶやく。

いや、待てよ。

前の写真も見てみよう。

と、Beforeとその又Beforeの写真を見比べてみた。

考えてみると、１ヶ月程前に薪の山積みをよけてクリーンアップした後も、そのエリアに足を踏み入れる事はなかった。

そこには負の空気が漂っていたのだ。

だが今は違う。

そこは急に明るくなり、何故かそこに惹きつけられる。

そこは「陰」から「陽」に変わった様な気がする。

やっぱり今セメントを敷いて良かったのだ。

そう思う事にした。








  

くずぬ、ポチュラカぬ、挿し芽が成功さくとぅ、くとぅしや、な〜ひん、て〜まい、するくとぅんかいさん。

まじ、さちに、鉢ぬ用意から。

鉢や、め〜、ホームセンターとぅかから、こ〜たる花がいっちゅ〜たし、再利用。

去年のポチュラカの挿し芽に成功したので、今年はもっと数を増やすことにした。

まずは先に鉢の用意から。

鉢は以前ホームセンターなどから買った花が入っていたものを再利用。













むしかし〜ね〜、葉っぱん、挿し芽ないがや〜？　んでぃち、たみしに、テスト開始。

もしかすると葉っぱも挿し芽出来るかどうかテスト開始。












め〜ぬ、５鉢から、くしぬ、７０〜、挿し芽なたん。

なちが、たぬしみ！　

手前の５鉢から後ろ７０個の挿し芽が出来た。

夏が楽しみ〜！










  

Hosta（ホスタ）や日本語しぇ〜、「ギボウシ」んでぃ言ぃ〜んでぃ、どぅしぐゎ〜から習たん。

くりん、多年草やくとぅ、め〜とぅし、ひ〜くなれ〜から〜、じめぬんかい、ひっくでぃ、次ぬとぅしぬ、春がち〜ね〜、なんくる、にょきにょき、地面からへ〜てぃちゅ〜ん。

まがく、ふどぅわぃ〜ね〜、いっぺ〜、ちゅらさくとぅ、門ぬに〜んかいん、わぃ〜てぃんちゃん。

なま〜、貧弱ぐゎ〜やしが、数年後ね〜、ふかぬ、ギボウシね〜し、貫禄んあるちゅらかぁ〜ぎ〜みしてぃとぅらすがや〜？

ゆたしく！











Hosta（ホスタ）は日本語では「ギボウシ」と言うんだと友人から教わった。

これも多年草なので、毎年寒くなると地面下に隠れ、次の年の春が来たら勝手にニョキニョキと地面から生えてくる。

大きく成長するととても綺麗なので門の方にも植えてみた。

今は貧弱ではあるが、数年後には他のギボウシの様に貫禄のある美しい姿を演出してくれるかな？

よろしく〜！