方言日記（まかびむにー）

ようやくちっちゃん！
してぃみてぃ、へーくなーぬびぬんかい、ぬらりーたん。
やーんかいちっちゃせー９時めー。
ありから、にんじゅがやーんでぃち、うみとぅーたしが、みーんさみてぃ、にんだらんたくとぅ、トリップトレードんでぃち、わじゃぬ日ーぬ調整とぅか、たみちぇーしーしー、E−メールしらびてぃんちゃい、ブログさいし、半日がすぎてぃならん。

あちゃや、ふかんかい、いんじーぶくねーんくとぅ、ちみやーんかいや、ちゅういかんねーならんし、かーらじん、すみらんねーならん（白髪よー、はーっしぇ）

どぅるわきし、さちにかーらじ、あんしちみぬ順し一通り用事んすまちゃん。

ゆるや、ディーンが、最近近所んかいオープンさんどぅる“SushiーOーSushi”んかい、そーてぃんじとぅらちゃん。
うまぬウェイトレスが、わんいんじゅしとぅまじゅい、「韓国人どぅやいびーるい？」んでぃち、わらやーわらやーしちちちゅーたん。
いっぺー上等笑いじらーやたくとぅ、だー、うりんかいそそらってぃ、なーいひぐぁーし「やいびーんどー」んでぃち、あびーるとぅくまやたしが、ディーンが
わんぬかわいに、「日本人どぅやいびーんどー」んでぃち、ありん、またわらいじらーし返答さん。　わんねー、あんちゅがる日本人やがやーんでぃちうみたんどーんでぃちあびてぃ、夕飯ぬスタートや和やかな雰囲気しはじまたん。　寿司シェフん、韓国人ねーするー、キムんどぅるのーじぬ日本人じらーすーるうかたやたん。

肝心ぬ寿司やんでーからー、うりが又どぅまんぎーるうっさ、わったーくちんかいあーてぃ、いっぺーまーはぬ。　うんたきし、満足すーたるむんぬ、きさーぬウェイトレスが特別にんでぃち、デザートぬかわいんかい、あんちゅ特製ぬ冷や奴つくてぃ、むちっちとぅすたん。なまわーき、あじんさるくとぅぬねーらん、にんにくとぅ、セサミちかたる醤油味やたん。でーっじまーはたっさー！

ちゅうや、一日が長はたしが、充実さる日ーがうくらったん。
ぐそーうてぃ、みまむてぃとぅらちゅーるご先祖様、にーへーでーびる！　
（ご先祖様は方言で何て言うんだっけ？）

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

やっと着いたー！
早朝の便に乗れた。
家に着いたのは９時前。
それから寝ようと思っていたが目が冴えて眠れず、トリップトレード（仕事の日にち調整）を試みてみたり、E−メールをチェックしたり、ブログをしたりで半日が過ぎてしまった。

明日は外出したくないので、ネイルサロンには今日中に行かなければいけないし、髪の毛も染めなければいけない（白髪だよ、涙）。

ってな訳で、先に髪、そして爪の順で一通り用事を済ませた。

夜はディーンが、最近近所にオープンした
“Sushi-O−Sushi”に連れて行ってくれた。
お店のウェイトレスが、私を見るなり「韓国人ですか？」ってにこにこしながら聞いて来た。満面な笑顔にそそられてもう少しで「はい」と言う所だったが、私が返事をする前にディーンが「日本人です」と彼も笑顔で答えた。私は彼女の方こそ日本人かと思ったと言って、和やかな雰囲気で夕食のスタートをきった。
寿司シェフも韓国人らしく、キムという名前の日本人のような顔をした方だった。

肝心の寿司はというと、これが又びっくり、私達の口にあって、とても美味しい。それだけで満足しているのに、さっきのウェイトレスの方が特別にと、デザートの代わりに彼女特製の冷や奴を作って持って来てくれた。今迄に味わった事がないガーリックとセサミを使った醤油味だった。とーっても美味しかったー！

今日は一日長かったが、充実した一日が過ごせた。
天国で見守って下さっているご先祖様ありがとう！