方言日記（まかびむにー）

０６／１１／１０　金曜日（２日目）

ふちかめや、ディーンが、へーくなー、わじゃ、うわたくとぅ、ナシュビルぬ、ダウンタウンぬ、カンバーランドがーん、めーぬ、コンサートから行動開始。ダウンタウンうてぃ、うくなーっとぅーる、コンサートや、むる、ただやいびーくとぅ、たーやてぃん、いんだりーしが、くぬ、ファンフェアーぬ、いいとぅくま。（二日目は、ディーンが早めに仕事を切り上げたので、ナシュビルダウンタウンのカンバーランド川沿いのコンサートから行動開始。ダウンタウンで行われるコンサートは全て無料なので誰でも見られるのが、このファンフェアーの良い所だ。）






ぐんぐぁちぬ、集中豪雨があたるばーに、うん、かー、ぬ、みじや、くぬ、メージャメントポストぬ、てっぺんぬにーわーき、あがとーぃびたん。（手前ぬ、しるー、棒ふーじーが、メージャメントポスト）あまんはらんかい、あせー、ゆるぬ、コンサートが、うくなーりーる、LPフィールド。（５月の集中豪雨があった時、この川の水位はそのメージャメントポストの先の方まで上がっていた（手前の白い棒の様なものがメージャメントポスト）。向こう側にあるのは、夜のコンサートが行われるLPフィールド）







橋わたてぃ、ゆるぬ、コンサート会場んかい、ゴー！（橋を渡って夜のコンサート会場へゴー！）

トップバッターは、Julianne　Hough　（ジュリアン・ヒュー）

くんちょー、わかいびらんしが、は〜っしぇ、っしに、ちゅらかぁーぎぃ！　「天は二物を与えず」んでぃ、あびーしが、うれー、絶対ゆくしるやるはじ。（この人は分からないが、なんて美人だこと！「天は二物を与えず」と言うが、それは絶対嘘だぁ！）

Josh　Turner（ジョシ・ターナー）

くぬ、わらびじらーぬ、うっちゅから、あんし、ひくはる、くぃーが、いんじーんでー、うまーんあたい、セクシーボイスぬ、ギャップがまがはん。ヒットソングや、“Would you go with me"。（この童顔の彼から、あんな低い声が出るとは思えない程のセクシーボイスのギャップが大きい。ヒットソングは、“Would you go with me"）

Miranda　Lambert（ミランダ・ランバート）

Keith　Urban（キース・アーバン）

ニコール・キッドマンぬ、うとぅ。ヒットソングや、" Somebody like you" （ニコール・キッドマンの旦那様。ヒットソングは、" Somebody like you"）

Reba　McEntire（リバ・マッケンタイヤー）

くんちょー、わんにんかい、しんでーからー、美空ひばり的ぬ、ベテランぬ、エンターテイナー。いくちん、ヒット曲があるうち、最なま、しぐー、いんじてぃちゅーる、曲や、“He gets that from me"、“Somebody”。（この人は私にしてみると美空ひばり的なベテランエンターテイナー。幾つものヒットソングがある中、今すぐに頭に浮かぶ曲は、“He gets that from me"、“Somebody”）

スペシャルゲスト　Kid　Rock（キッド・ロック）

くれー、わんねー、めーや、あんまり、しかんたしが、くじゅぬ、コンサート、いんちから、ファヌんかいなたん。（笑）くんちゅとー、どぅしぐぁーんかいや、ないぶこーねーんしが、うりぬ、コンサートや、最高やいびーん。ヒットソングや、“Cowboy”。（こいつは私は以前は好きではなかったが去年のコンサートを見て以来ファンになった。（笑）友達にはなりたくないが、この人のコンサートは最高に良い。ヒットソングは、“Cowboy”）

記事作成：　０６／１２／１０（土）ナシュビル　１７：３０