方言日記（まかびむにー）

くぬめー、やーんかい、けーてぃっちゃれー、ディーンが、かじひち、鼻ぴーぴーそーいびーたん。

さっくぃーん、にちん、ねーらんくとぅ、びょういぬんかい、いかんぐとぅー、鼻みじとぅ、鼻ずまいゆうぬ、くすいびっけー、ぬどぅーるふーじ。

えー、やーや、くすいびっけー、ぬでぃん、栄養分とぅらんねー、のーらんどーやー！　

すいみぬん、てーまい、とぅってぃ、どぅー、やしみーしがる、一番ぬ、くすいらしが！

んでぃち、うまー、良いゆみぶり、発揮し、栄養ぬまんどぅーるむん、しこーいるくとぅんかいさびたん。

だぁー、まじぇー、わんが、かみーぶはたる、味噌汁とぅ、ごはんとぅ、おかず。　（どぅーがる、かみーぶはてーしぇーやー。笑）

味噌汁んかいや、豆腐、ほうれん草、えのき、椎茸、黒木耳（くろきくらげ）、わかめ、あんし、いちむぬように、卵たっくでぃ、でぃきあがい。

おかずや、バクチョイとぅ、ポークとぅ、ポートベロマッシュルームぬ、いりちゃー。

ふちかみーや、海藻サラダとぅ、きぬーぬ、ぬくいむんぬ、おかずとぅ、冷や奴。

豆腐んかいや、シソぬふりかけ、かきてぃ、あんしからまた、しそぬ、はっぱ、ちっちゃーにかい、びーらーとぅ、まじゅい、うぃーんかい、ぬしてぃ、醤油かきたん。

あんし、最後や、茹でぃたるブロッコリーし、うわい。

　



この間家に帰るとディーンが風邪を引いており、鼻をぐずつかせていた。

咳も熱もないので病院へは行かず、鼻水と鼻詰まり用の薬だけを飲んでいると言う。

あなたねー、薬だけ服用しても栄養分を摂らなきゃ治らないだよ！

睡眠だって沢山とって体を休めるのが一番の薬なんだけど！

という事で、ここは私が良い嫁振りを発揮し、栄養たっぷりの食事を作る事にした。

どれどれ。。。

先ずは私が食べたかった味噌汁とご飯とおかず。
（自分が食べたかっただけじゃん。笑）

味噌汁には、豆腐、ほうれん草、えのき、椎茸、黒木耳（くろきくらげ）、わかめ、そしていつもの様に卵を入れて出来上がり。

おかずは、バクチョイとポークと、ポートベロマッシュルームの炒め物。

２日目は、海藻サラダと昨晩の残りのおかずと冷や奴。

豆腐にはシソの振りかけをかけ、更にシソの葉を切り、グリーンオニオンと一緒に上に乗せて醤油をかけた。

そして最後は、茹でたブロッコリーでおしまい。

く、苦しぃ〜

．．．