方言日記（まかびむにー）

るくぐゎち、１２日、（水）、くんぐゎちぬ、しぐとぅ始めや、ドイツぬ、「シュトゥットガルト（Stuttgart）」んでぃい〜るとぅくま。

英語せー、ストゥーットゥガ〜トゥんでぃち、ちかりてぃ、「ガ〜トゥ」ぬ「〜」ぬ部分やR（アール）ぬ発音し、しば巻ちゅん。

やしが、ドイツ語せー、Rぬ発音やちからん。

地図帳しいんじーねー、フランクフルトとぅ、ミュンヘン、スイスぬ、チューリッヒをぅ、線しちなじ3角形んかいしーねー、うぬ、三都市ぬ、丁度、真ん中びっけーんかい、位置すん。

ぬーやてぃん、うまー、ポルシェとぅか、ベンツ（メルセデス）ぬ、博物館が、観光スポットんかい、なとぅーんでぃがら。

話ーちちーねー、ポルシェぬ博物館や、ぐなーやくとぅ、半日し、まーらりーしが、メルセデスぬ博物館や、しにまがーやくとぅ、一日中かかてぃん、まーいかんてぃーすんでぃがら。

やしがわんねー、うまんかい、ちゅーせー、はじみてぃやくとぅ、ちゅうや、まじぇー、ホテルんまぁ〜いをぅ、あまくま、あっち、写真ぐゎー、とぅてぃっちゃん。




６月１２日（水）今月の仕事始めはドイツの「シュトゥットガルト（Stuttgart）」と言う所だ。

英語の発音は、ストゥーットゥガ〜トゥと聞こえ、「ガ〜トゥ」の「〜」の部分にR（アール）の発音で舌を巻く。

しかし、ドイツ語ではそのアールの発音は聞こえない。

地図帳で見ると、フランクフルト、ミュンヘン、スイスのチューリッヒを線で繋ぎ三角形を作りこの三都市の丁度真ん中らへんに位置する。

何でも、ここはポルシェやベンツ（メルセデス）の博物館が観光スポットになっているらしい。

話に聞くと、ポルシェ博物館は規模が小さく、半日もあれば見て回るのは充分だが、ベンツ博物館は一日あっても回りきれない程大規模だそうだ。

しかし私はここに来るのは初めてなので、とりあえず今日はホテルの周りを散策しながら写真を撮って来た。



木曜日るやしが、ちゅんまんどぅーる、街中〜ブラブラあっちゅーたれー、建てぃむんぬ、ゑ〜だから、公園ふーじーが、みーたくとぅ、うまんかい、いんじんちゃん。

あとぅからる分かたしが、うまー、オペラハウスとぅ、新宮殿、宮殿広場やたん。

木曜日だというのに大勢の人でごった返すショッピング街をブラブラ歩いていると、ビルディングとビルディングの間から公園の様なのが見えたのでそこに行ってみる事にした。

あとで分かった事だが、そこはオペラハウスや新宮殿、宮殿広場だった。

ショッピング通り

ベンツとぅBMWが、日本ぬ、日産とぅかトヨタねーし、普通にとぅーとぅーたん。さすが！
ベンツやBMWが日本の日産やトヨタの様に普通に道路を走っていた。さすが！


ぶどうぬはるが、中央駅んにーんかいあてぃ、ぬんがら、いほーなーやしが、ワイン好きなわんにんかいとぅってー、いっぺー、いい眺めやん。（笑）
葡萄畑が中央駅の近くにあり、何だか変な光景だが、ワイン好きな私にとってはとても良い眺めである。（笑）










ホテルぬ、どぅーんじゃーんかい、むどぅいるとぅき、廊下ぬ絨毯とぅ、どぅーぬ、ちちゅーる、ちんが、マッチングすーるくとぅんかい、気ぢちゃん。ぬんがら、うぬ、ホテルとぅ、縁があるばーあらんがやーんでぃち、いひぐゎー、嬉しくなたん。しにふら〜。（笑）
ホテルで自室に戻る時、廊下の絨毯と自分の着てる服がマッチングしている事に気づいた。なんだかこのホテルと縁があるような気がしてちょっと嬉しくなった。馬鹿なヤツだ。（笑）

記事作成：０６／１４／１３（金）シュトゥットガルト（ドイツ）０３：４７　曇り　１２℃