方言日記（まかびむにー）

きぬ〜や、久々ぬ休日。

ホテルうてぃ、ぬ〜んするくとぅんね〜んくとぅ、め〜め〜から、うぬ日〜や、一日中、本ゆまんでぃ、楽しみんかいす〜たん。

んどぅるふ〜じ〜し、くぬ本ぬ、書き出しが、わんぬ気持ちとぅ、にたかた〜やたくとぅ、ぅかはくなたん。

８６０ページんかい綴らっとぅ〜るうぬ本や、普通やれ〜から〜、「上、下」か、「一、二」んでぃち、２巻ぬんかい、分きらっとぅ〜しが、一冊ぬ分厚い本やん。

うぬ厚さ、いんち、本えらどぅ〜るとぅけ〜、いひぐゎ〜ひち、こ〜いがや〜、ちゃあ〜すがや〜んでぃち、まゆたしが、ぅむっさぎは〜やたくとぅ、こ〜てぃんちゃん。

予想や的中。

最初から話しんかい、のめりくでぃ、ぅむっさぬならん。

一気ゆみはんぐとぅ〜、半分わ〜きゆでぃ、休日に、よんな〜ゆむんでぃち、とぅって〜たん。

最後らへんにないね〜、へ〜く、さちんくとぅ（結果が）、分かいぶはんどぅる気持ちと〜、反対に、ゆみ〜うわいしん、勿体ないんでぃち、あたらは〜し、よんな〜よんな〜ゆでぃ、だぁ〜、３時にゆみうわたん。

なま〜４時。

あとぅ、２時間し、うきらんね〜ならんしが、うぬ話ぬ、余韻がぬくてぃ、にんだらんさ〜。

しにふら〜。

な〜ひんへ〜くな〜、ゆめ〜しむたっさ〜。

ちゅうや、リカレントトレーニング、一日目。

は〜な〜。。。。。



久々の休日。

ホテルで何もする事はないので、以前からこの日は一日中本を読もうと楽しみにしていた。

というような、この本の書き出しが私の気持ちと似通っていたので可笑しくなった。

８６０ページに綴られたこの本は、通常であれば「上、下」か、「一、二」と２巻に分けられているが、一冊の分厚い本だ。

この厚さを見て本を選んでいる時にちょっと引いてしまい、買おうかどうか躊躇したが面白そうだったので買ってみた。

予想は的中。

最初から話にのめりこみ、面白くて仕様がない。

一気読みはせずに半分迄読み、休日にのんびり読む為にとっておいた。

最後等へんになると、早く先（結果）が知りたいという思いとは裏腹に、読み終わるのも勿体ない気がして更に時間をかけてゆっくりと読んでいった。

読み終えたのは３時。

今は４時。

あと２時間で起床時間だが、この話の余韻が残り眠れない。

馬鹿なヤツ。

もっと速く読めばよかった。

今日はリカレントトレーニングの一日目。

はぁ〜。。。。。








記事作成：２０１５年（平成２７年）９月１６日（水）ヒューストン　４：１０