方言日記（まかびむにー）

明けましておめでとうございます。

くずや、災難、飛行機事故、戦争、身内とぅ、どぅしぐゎ〜ぬ不幸んでぃち、わっさるニュースが、まんでぃ、ブログし、どぅ〜んくとぅ、書ちゅしが、いっぺ〜、わっさく感じ〜たくとぅ、書かんなたん。

とぅしが、あきてぃ、ふりけ〜てぃんじ〜ね〜、くずぬ、うぬ、空白、わんね〜ぬ〜す〜たるば〜がら？　

アミリカうて〜、ぬ〜が、うきとぅ〜たがや〜？

わった〜や〜ん、くとぅん、ぬ〜ん書ちぇ〜かん。

な〜ん花ん、て〜まい、咲ちゅ〜たるむんぬ、だ〜、うりん、ぬして〜かん。

あ〜あ〜。。。

くとぅしや、いいくとぅん、わっさるくとぅん、わじゃんくとぅ、ちゅとぅぬ出逢いとぅか、むる、書ちゅるちむいやいび〜ん。


【訳】去年は災難、飛行機事故、戦争、身内と友人の不幸等、悪いニュースばかりで、自分の事を書くのが申し訳なくブログから遠のいてしまった。

年が明け、振り返ってみると、去年のこの空白は私は一体何をしてたんだろう？　

アメリカでは何が起きてたんだろう？

我が家の事も何も書いてない。

庭の花も沢山咲いてたのに、それも載せてない。

あ〜あ〜。。。

今年は良い事も、悪い事も、仕事の事、新しい出会い等全部書いていこうと考えを改める事にした。





くとぅしぬ、しょ〜ぐゎちや、や〜うてぃ、過ごちゃん。

初日の出ぬ写真、うちな〜ぬ、や〜ぐなぬに〜んかい、うくいんでぃやたしが、残念なくとぅに、てぃんちが、くむてぃ、てぃらや、み〜らんたん。

やしが、次ぬふちかぬ日〜や、あかちちから、いっぺ〜、はりたくとぅ、いい写真が、とぅりたん。

【訳】今年の正月は家で過ごした。

初日の出の写真を沖縄の家族に送る予定だったが、残念な事に天気が悪く太陽は見れなかった。

それに比べ翌日の２日は朝から快晴となったので、良い写真が撮れた。








ポッドキャストし、ティーサージパラダイスぬ、公開放送、ちちゅ〜たれ〜、くとぅしや、昭和１００年でぃ、ヒープーさんが、あび〜たくとぅ、うどぅるちゃん。

【ポッドキャストで、ティーサージパラダイスの公開放送を聞いていたら、
今年は昭和１００年とヒープーさんが言っていたのでびっくりした。】


や〜ん中ぬ、ランぬ花がふぃ〜たくとぅ、クリスマスツリー、しじみてぃから、リビングルームぬ、まどぅんに〜んかい、カーテンレールちきてぃ、キッチンぬ、まどぅんかい、ごちゃごちゃ〜し、かきて〜たる、ラン、半分、うつちゃん。

【家の中の蘭が増えたので、クリスマスツリーを片付けた後、リビングルームの窓にカーテンレールを付け、ごった返しに掛けてあったキッチンの窓の蘭を半分移動した。】

Before

After

ニューオリンズうて〜、元旦ぬ、午前３じ過ぎに、バーボンストリートぬ、群衆んかい、車が、つっくだ〜んかい、１５１４人け〜ま〜ち、３０人が、怪我し、警察官が、たい、車ぬ運転手んかい、鉄砲し撃たってぃ、びょういぬんかい、はくばったんでぃがら。

運転手や、車からうりてぃ、警察かぬんかい発砲。

あんし、ふかぬ警察かぬんとぅ、撃ち合いんかいなてぃ、け〜しじゃるふ〜じ。

け〜ま〜ちゃる犠牲者ぬ中んかい、くとぅしから大学んかいいんじ、将来や、看護師んかいないんどぅる、ゐなぐんぐゎが、うたるば〜るやしが、くんちゅぬ、おかあが、わんぬ、わらびんかい、「ちゅうや、ふかんかい、いんじて〜ならんど〜」んでぃ、あびて〜たしが、うやんかい、くゎっきてぃ、パーティーんかい、いんじ、だぁ〜、うんぐとぅくとぅんかい、なてぃね〜らん。

若むんぬうっちゅんちゃ〜よ〜、うやんかい、「いんじぇ〜ならんど〜」んでぃ、あびられ〜から〜、いんじ〜なよ〜。

うやぬゐ〜るくとぅや、ゆ〜、ちきよ〜。

んどぅる、SNSぬ書き込みがあたんでぃがら。

じゅんに、無念やる。

け〜ま〜ちゃる、犠牲者ぬう方んちゃ〜ぬ、ご冥福、う〜と〜とぅ〜さび〜ん。

【訳】ニューオリンズでは、元旦の午前３時過ぎに、バーボンストリートの群衆に車が突っ込み、１５１４人死亡、３０人が負傷、警察官２名も車の運転手に銃で撃たれ病院に搬送されたそうだ。

運転手は車から降り、警察官に発砲。

それで他の警察官と撃ち合いになって死亡した模様。

亡くなった犠牲者の中に、今年から大学に進み、将来は看護師になると夢を抱いた女子がいたようだ。

その子のお母さんが、娘に今日は外に出てはいけないと言ってあったのに私に隠れてパーティーに行ってしまった。

それでこういう事になってしまった。

若者達へお願いです。

親に「行っちゃダメ」と言われたら行かないで下さい。

親の言う事はちゃんと聞いてください。

とSNSへの書き込みがあったそうだ。

本当に無念でならない。

お亡くなりになった犠牲者の皆さんのご冥福を祈ります。




わんね〜、あちゃから、はちしぐとぅやくとぅ、ちゅう、デンバーんかい、コミュートしっちゃん。

あ〜やさ、くずぬ、ぐんぐゎちに、シカゴベースから、デンバーんかい、うつたん。

あちゃや、国内線ぬ乗務。

モンタナ州うてぃ、レイオーバーぬ予定。

雪、いんだり〜がや〜？

【訳】私はというと、明日が初仕事となるので、今日デンバーにコミュートしてきた。

あ、そうそう、去年の５月にシカゴベースから、デンバーに移った。

明日は国内線乗務だ。

モンタナ州でのレイオーバーの予定。

雪、見れるかな〜？










２０２５年　令和７年　１月４日（土）
デンバー　２０：２８（曇り）２５°F／−４℃