方言日記（まかびむにー）

くぬめ〜、久しぶりに成田ぬ、本屋〜んかい、いんじゃるとぅきぬ、くとぅ。

本てぃ〜ち、むっち、レジんかい、いんじゃれ〜、セルフレジなとぅ〜たん。

ほぬんかいや、ちゃんとぅ、バーコードが、ちっちゅ〜くとぅ、簡単んでぃ、レジぬめ〜んかい、立っちゃん。

じちぇ〜、わんね〜、セルフレジや、あんまり、しかん。

だ〜、うぬバーコード、あてぃてぃん、ぬ〜ん、いんじゅかんせ〜や〜。

ちゃ〜すがて〜？　んでぃ、うみてぃ、機会ぬ、操作方法、ゆどぅ〜るとぅくまんかい、会計場ぬ中んかいうる、店員が、わんに〜かい、ちかゆてぃっちゃん。

斜めめ〜んに〜かい立っち、中ぬ機械ぬ、ぬんがら、人差し指し、ポンポンぽんし、うっち、なまね〜、わんぬ機械んかい、、うぬ、人差し指し、ゆ〜びさち、「と〜はい、な〜一回、しんで〜、はい！」んどぅるふ〜じ〜動作すたん。

わんね〜、うんちゅんかい、無言ぬ、指示はってぃ、「おっ、オッケー、オッケー、に〜ふぇ〜で〜びる」んでぃち、な〜ちゅけ〜ん、バーコード、あてぃてぃ、じん、はらたん。

会計場ぬ出口、いんじてぃから、「なまんの〜、ぬ〜やたるば〜が？」んでぃち、まじゅい、いっちゅ〜たる、どぅしんかい、動作まじ〜てぃ、説明し、ううわれ〜さん。

あんい〜ね〜、ちかぐるや、「いらっしゃいませ〜」んどぅる、くぃ〜ん、あんまり、ちかんなたっさ〜。

時代ん、うつい変わてぃっちゅ〜さや〜。

いひぐぁ〜、さびっさっさ〜。

やしが、み〜時代んかい、ぬてぃいちゅしかね〜らん。

おば〜なてぃん、携帯とぅ、コンピューター、ちけ〜いこなする、かっこいいおば〜んかい、ないぶはん。笑


【訳】先日、久しぶりに成田の本屋さんに行った時の事。

本を一冊手に持ちレジへ行くと、そこはセルフレジになっていた。

本にはちゃんとバーコードが付いているし、簡単簡単〜とレジの前に立った。

実を言うと、私はセルフレジはあまり好きではない。

ほらやっぱり、そのバーコードを充てても何も作動しないじゃないか。

どうしたものか？　

と、機械の操作方法を読んでる所に会計場の中の店員さんが私の所に寄ってきた。

私の斜め前（機械越しに）に立ち、内側の機械の何かを人差し指でポンポンポンと打った後、今度はその人差し指で私の機械に指をさし、「はい、もう一度やってみて！」的な動作をした。

私はその人の無言の指示に従い、「あっ、はいっ、有り難うございます」と再度バーコードを充て、支払いを済ませた。

会計場の出口を出た後、「今のは何だったんだ？」と一緒に来ていた友人に動作混じりで説明をし大笑いした。

そう言えば最近は「いらっしゃいませ〜！」という声もあまり聞かなくなった。

時代の移り変わりなんだろうな〜。

ちょっと寂しい気もするが、新しい時代に乗っていくしかない。

おばあちゃんになっても携帯とコンピューターを使いこなせるナウイお婆さんになりたい。










２０２５年　令和７年　１月１７日（金）
ナシュビル　６：５０　晴れ　２８°F／ー２℃